കൊച്ചി: നിരോധിത മയക്കുമരുന്നായ എംഡിഎംഎ യുമായി യുവാക്കളെ കൊച്ചി സിറ്റി ഡാൻസാഫും കളമശ്ശേരി പൊലീസും ചേർന്ന് പിടികൂടി. കൊല്ലം, പവിത്രേശ്വരം, പുത്തൂർ പി ഒ, തിരുവോണം വീട്ടിൽ, അങ്കിത്ത് എസ് (വയസ്സ് : 21) കോട്ടയം, കല്ലറ, മുണ്ടാർ , പുത്തെൻ പുരക്കൽ, അജിത്ത് പി (വയസ്സ് : 23) എന്നിവരെയാണ് അറസ്റ്റ് ചെയ്തത്. വെള്ളിയാഴ്ച വൈകിട്ടോടെയാണ് കേസിനാസ്പദമായ സംഭവം നടന്നത്.

കളമശ്ശേരി അവെന്യൂ റോഡിലുള്ള മെട്രോ ട്രേഡിങ് എന്ന കമ്പനി പ്രവർത്തിക്കുന്ന കെട്ടിടത്തിലെ മുറിക്കുള്ളിൽ രണ്ട് യുവാക്കൾ എംഡിഎംഎ വിൽപ്പന നടത്തുന്നുണ്ടെന്ന് കൊച്ചി സിറ്റി ഡെപ്യൂട്ടി കമ്മീഷ്ണർ എസ് .ശശിധരൻ ഐപിഎസി നു ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് പ്രതികൾ പിടിയിലായത്. കളമശ്ശേരി പൊലീസ് ഇൻസ്‌പെക്ടർ വിബിൻ ദാസിന്റെ നേതൃത്വത്തിൽ എസ്‌ഐ വിനോജ്, എസ്സിപിഒ ബിനു, സിപിഒ കൃഷ്ണരാജ്, ഷാബിൻ, നിഷാദ് എന്നിവരും കൊച്ചി സിറ്റി ഡാൻസാഫും ഉൾപ്പെടുന്ന പൊലീസ് സംഘമാണ് പ്രതികളെ അറസ്റ്റ് ചെയ്തത്. ബഹു: ജുഡീഷ്യൽ ഒന്നാം ക്ലാസ് മജിസ്‌ട്രേറ്റ് കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.

 

മറുനാടന്‍ മലയാളി

    മറുനാടന്‍ മലയാളി ബ്യൂറോ