ലഖ്‌നൗ: ഭാര്യയുമായി അവിഹിത ബന്ധം പുലർത്തിയ സഹപ്രവർത്തകന്റെ, ഭാര്യയെ കൊലപ്പെടുത്തി സൈനികന്റെ പ്രതികാരം. കരസേനാ സൈനികൻ മനോജ് സേനാപതിയുടെ ഭാര്യ സുദേഷ്ണയാണ് കൊല്ലപ്പെട്ടത്. സംഭവത്തിൽ കരസേനാ സൈനികനായ നിതീഷ് പാണ്ഡെയെ പൊലീസ് അറസ്റ്റ് ചെയ്തു. ഉത്തർപ്രദേശിലെ ബറേലി ജില്ലയിലാണ് സംഭവം.

അന്വഷണത്തിനിടെ കൊലപാതകം നടന്ന പ്രദേശത്ത സിസിടിവി ദൃശ്യങ്ങൾ പൊലീസ് പരിശോധിച്ചു. ദൃശ്യങ്ങളുടെ അടിസ്ഥാനത്തിൽ സൈനിക ഉദ്യോഗസ്ഥരുടെ സഹായത്തോടെ സൈനികനെ പൊലീസ് അറസ്റ്റ് ചെയ്തുകയായിരുന്നു. സേനാപതിയുമായി തന്റെ ഭാര്യക്ക് അവിഹിത ബന്ധമുണ്ടെന്ന് തിരിച്ചറിഞ്ഞതോടെ വലിയ ദേഷ്യത്തിലായിരുന്നു നിതീഷ്.

മാർച്ച് 13-ന് സേനാപതിയുടെ വീട്ടിൽ നിതീഷ് എത്തിയപ്പോൾ അവിടെ ഉണ്ടായിരുന്നത് ഭാര്യ സുദേഷ്‌നയായിരുന്നു. തന്റെ ഭാര്യയുടെ ചിത്രങ്ങളും വീഡിയോകളും ഡിലീറ്റ് ചെയ്യാൻ ഭർത്താവിനെ വിളിച്ച് പറയാൻ സുദേഷ്‌നയോട് നിതീഷ് ആവശ്യപ്പെട്ടു. ഇത് കേട്ട് ദേഷ്യപ്പെട്ട സുദേഷ്‌ന നിതീഷുമായി തർക്കത്തിൽ ഏർപ്പെട്ടു. തുടർന്ന് കത്തി ഉപയോഗിച്ച് സുദേഷ്‌നയെ കഴുത്തിലും ശരീരത്തിന്റെ മറ്റ് ഭാഗങ്ങളിലും നിതീഷ് കുത്തുകയായിരുന്നു. കുത്തിയ കത്തി രണ്ട് ദിവസം ബാഗിൽ സൂക്ഷിച്ച ശേഷം ഉപേക്ഷിക്കുകയായിരുന്നുവെന്ന് നിതീഷ് മൊഴി നൽകിയതായി പൊലീസ് അറിയിച്ചു.

മറുനാടന്‍ മലയാളി

    മറുനാടന്‍ മലയാളി ബ്യൂറോ