ആലപ്പുഴ: പൊലീസ് ജീപ്പിടിച്ച് രണ്ട് യുവാക്കൾ മരിച്ചു. കോട്ടയം സ്വദേശികളായ ജസ്റ്റിൻ, അലക്സ് എന്നിവരാണ് മരിച്ചത്. ഇന്ന് പുലർച്ചെ 3.30ന് ആലപ്പുഴ തലവടിക്ക് സമീപമായിരുന്നു അപകടം. ജീപ്പിൽ ഡ്രൈവർ മാത്രമായിരുന്നു ഉണ്ടായിരുന്നത്.

ഡിസിആർബി ഡിവൈഎസ്‌പിയുടെ വാഹനമാണ് ഇടിച്ചത്. ആലപ്പുഴ ജനറൽ ആശുപത്രിയിൽ സൂക്ഷിച്ചിരിക്കുന്ന യുവാക്കളുടെ മൃതദേഹം വണ്ടാനം മെഡിക്കൽ കോളജിലേക്ക് ഉടൻ മാറ്റും. ബൈക്കിലിടിച്ച ജീപ്പ്, വഴിയരികിലെ മതിലും തകർത്തു. ഡ്രൈവർ ഉറങ്ങിയതാകാം അപകടകാരണമെന്നാണ് പ്രാഥമിക നിഗമനം. ആലപ്പുഴ ബീച്ചിൽ പുതുവത്സരാഘോഷത്തിനെത്തിയ യുവാക്കൾ കോട്ടയത്തേക്ക് മടങ്ങുമ്പോഴാണ് അപകടം. പൊലീസ് അന്വേഷണം ആരംഭിച്ചു.