തിരുവനന്തപുരം: ദൃശ്യം 2 തരംഗമാകുമ്പോൾ സിനിമാപ്രേമികളുടെ കണ്ണുടക്കിയത് ജോർജ്ജുകുട്ടിയുടെ അഭിഭാഷകയായ പെൺകുട്ടിയിലാണ്.ചടുലമായ ഭാഷയിൽ കേസ് വാദിക്കുകയും ഒടുവിൽ തന്നെപ്പോലും അന്ധാളിപ്പിക്കുന്ന തരത്തിൽ ജോർജ്ജുകുട്ടി കേസിനെ മാറ്റി മറിച്ചപ്പോൾ പകച്ചുപോയ അതേ വക്കീൽ. അഭിഭാഷക രേണുകയുടെ ശരീരഭാഷയും ഒരു വക്കീലിന്റെത് തന്നെ. പിന്നീട് സോഷ്യൽ മീഡിയയുടെ തിരച്ചിലിനൊടുവിലാണ് കക്ഷി ഒരു യഥാർത്ഥ വക്കീലാണെന്നു മനസ്സിലായത്. ദൃശ്യം 2 ൽ ജോർജ്ജുകുട്ടിയുടെ വക്കീൽ ആയി അഭിനയിച്ചത് ജീവിതത്തിലും അഡ്വക്കേറ്റ് ആയ ശാന്തിപ്രിയ ആണ്.

താൻ അഭിനയിച്ച ആദ്യ സിനിമ മമ്മൂക്കയുടെ ഗാനഗന്ധർവനാണ്. ആ സിനിമയിലും മമ്മൂക്കയുടെ അഭിഭാഷകയായിരുന്നു. തുടർന്ന് ജിത്തു ജോസഫിന്റെ പുറത്തിറങ്ങനായിരിക്കുന്ന മോഹൻലാൽ ചിത്രം റാമിൽ ചെറിയൊരു വേഷം ചെയ്തു. അവിടെ നിന്നാണ് ദൃശ്യം 2 വിലേക്ക് വഴിതുറന്നത്. ഇത്രയും ഹിറ്റായ ഒരു പടത്തിന്റെ ഭാഗമായത് ഭാഗ്യമായി കരുതുന്നതായി ശാന്തിപ്രിയ പറയുന്നു. അഭിനയം തന്റെ മോഹങ്ങളിൽ ഒന്നാണെങ്കിലും ആഭിമുഖ്യം കൂടുതലും ജോലിയോട് തന്നെ എന്ന് ഹൈക്കോടതിയിൽ സ്വന്തന്ത്ര അഭിഭാഷകയായ ശാന്തിപ്രിയ വ്യക്തമാക്കി

ശാന്തി പ്രിയ അഭിമുഖം