Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
May / 202117Monday

വിജിലൻസ് വേട്ടയിൽ കെ.എം.ഷാജിക്ക് ലീഗിന്റെ പിന്തുണ; റെയ്ഡും ചോദ്യം ചെയ്യലും രാഷ്ട്രീയപ്രേരിത പ്രതികാര നടപടികൾ; നിയമപരവും രാഷ്ട്രീയവുമായി ചെറുക്കുമെന്ന് മുസ്ലിംലീഗ് ഉന്നതാധികാര സമിതി യോഗം

വിജിലൻസ് വേട്ടയിൽ കെ.എം.ഷാജിക്ക് ലീഗിന്റെ പിന്തുണ;  റെയ്ഡും ചോദ്യം ചെയ്യലും രാഷ്ട്രീയപ്രേരിത പ്രതികാര നടപടികൾ; നിയമപരവും രാഷ്ട്രീയവുമായി ചെറുക്കുമെന്ന് മുസ്ലിംലീഗ് ഉന്നതാധികാര സമിതി യോഗം

ജംഷാദ് മലപ്പുറം

മലപ്പുറം: കെ.എം ഷാജിക്കെതിരെ വിജിലൻസിനെ ഉപയോഗപ്പെടുത്തി ഇടത് ഭരണകൂടം നടത്തുന്ന പ്രതികാര നടപടികൾ തികച്ചും രാഷ്ട്രീയ പ്രേരിതമാണെന്നും നിയമപരവും രാഷ്രീയവുമായി ഇതിനെ ചെറുക്കുമെന്നും മുസ്ലിംലീഗ് ഉന്നതാധികാര സമിതി തീരുമാനിച്ചു. ഇന്നു മലപ്പുറത്തു പാണക്കാട് ഹൈദരലി ശിഹാബ് തങ്ങളുടെ അധ്യക്ഷതയിൽ ചേർന്ന യോഗത്തിലാണ് കെ.എം. ഷാജിക്ക് പൂർണ പിന്തുണ നൽകാനും നിയമപരമായ സഹായം നൽകാനും മുസ്ലിംലീഗ് തീരുമാനിച്ചത്.

അതോടൊപ്പം പരിശുദ്ധ റമസാനിലെ റിലീഫ് പ്രവർത്തനങ്ങൾ ഊർജ്ജിതമാക്കണമെന്നും റമസാൻ റിലീഫ് പ്രവർത്തനങ്ങളിൽ കോവിഡ് പ്രോട്ടോക്കോൾ പൂർണമായും പാലിക്കണമെന്നും യോഗം പ്രവർത്തകരോട് അഭ്യർത്ഥിച്ചു. കോവിഡ് വ്യാപനത്തിന്റെ സാഹചര്യം കണക്കിലെടുത്ത് പൊതുപരിപാടികൾ ഒഴിവാക്കണം. കോവിഡ് പ്രോട്ടോകോൾ അനുസരിച്ച് അർഹമായവർക്ക് സഹായമെത്തിച്ചു കൊടുക്കാൻ അതാത് പ്രദേശങ്ങളിലെ കമ്മിറ്റികൾ പ്രത്യേകം ശ്രദ്ധിക്കണമെന്നും യോഗം ആവശ്യപ്പെട്ടു.

യോഗത്തിൽ പി.കെ കുഞാലിക്കുട്ടി, ഇ.ടി. മുഹമ്മദ് ബഷീർ എംപി, സയ്യിദ് സാദിഖലി ശിഹാബ് തങ്ങൾ, പി.വി അബ്ദുൽ വഹാബ് എംപി, അബ്ദുസമദ് സമദാനി, ഡോ. എം.കെ. മുനീർ, കെ.പി.എ മജീദ് സംബന്ധിച്ചു. പി.എം.എ സലാം സ്വാഗതം പറഞ്ഞു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP