Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202226Monday

കർണാടകയിൽ കാട്ടാനയുടെ ആക്രമണത്തിൽ മലയാളി കൊല്ലപ്പെട്ടു; മരണമടഞ്ഞത് വയനാട് സ്വദേശി; നഷ്ടപരിഹാരം തേടി നാട്ടുകാരുടെ ഉപരോധം

കർണാടകയിൽ കാട്ടാനയുടെ ആക്രമണത്തിൽ മലയാളി കൊല്ലപ്പെട്ടു; മരണമടഞ്ഞത് വയനാട് സ്വദേശി; നഷ്ടപരിഹാരം തേടി നാട്ടുകാരുടെ ഉപരോധം

വൈഷ്ണവ് സി

ബെംഗളൂരു: എച്ച്.ഡി കോട്ടയിൽ കാട്ടാനയുടെ ആക്രമണത്തിൽ മലയാളി കൊല്ലപ്പെട്ടു. വയനാട് മുട്ടിൽ പാലക്കുന്ന് കോളനിയിലെ ബാലനാണ് മരിച്ചത്. അർഹമായ നഷ്ട പരിഹാരം പ്രഖ്യാപിക്കണമെന്നാവശ്യപ്പെട്ട് പ്രദേശവാസികൾ റോഡ് ഉപരോധിച്ചു.

ഇന്ന് രാവിലെ 7.30ഓടെ മൈസൂർ ജില്ലയിലെ എച്ച്.ഡി കോട്ട എടയാളയിലാണ് കാട്ടാനയുടെ ആക്രമണമുണ്ടായത്. പ്രദേശത്ത് ഇഞ്ചികൃഷി ചെയ്യുന്ന വയനാട് മീനങ്ങാടി സ്വദേശി മനോജിന്റെ തൊഴിലാളിയായിരുന്നു വയനാട് മുട്ടിൽ സ്വദേശിയായ ബാലൻ.

ഇഞ്ചിത്തോട്ടത്തിലെ ഷെഡിന് പുറത്ത് നിന്നിരുന്ന അറുപതുകാരനു നേരെ കാട്ടാന പാഞ്ഞടുക്കുകയായിരുന്നു. സഹ തൊഴിലാളികൾ ഷെഡിനകത്തായതിനാൽ രക്ഷപ്പെട്ടു. ബാലന്റെ കുടുംബത്തിന് അർഹമായ നഷ്ട പരിഹാരം പ്രഖ്യാപിക്കണമെന്നാവശ്യപ്പെട്ട് നാട്ടുകാർ മൃതദേഹവുമായി റോഡ് ഉപരോധിച്ചത് നേരിയ സംഘർഷത്തിന് ഇടയാക്കി.

നാഗർഹോള വന്യജീവി സങ്കേതത്തോടെ ചേർന്നാണ് കാട്ടാനയുടെ ആക്രമണം നടന്ന കൃഷിയിടം.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP