കണ്ണൂർ: കണ്ണപുരത്ത് റോഡരികിൽ നിന്നവരുടെ മേൽ പിക്കപ്പ് വാൻ പാഞ്ഞുകയറി അപകടം. രണ്ട് പേർ മരിച്ചു. കണ്ണപുരം യോഗശാല സ്വദേശി എം.നൗഫൽ, പാപ്പിനിശേരി വെസ്റ്റ് സ്വദേശി അബ്ദുൾ സമദ് എന്നിവരാണ് മരിച്ചത്. ഇരുവരും സംഭവസ്ഥലത്ത് വച്ചുതന്നെ മരണപ്പെടുകയായിരുന്നു. ഡ്രൈവർ ഉറങ്ങിപ്പോയതാണ് അപകടകാരണമെന്നാണ് പ്രാഥമിക നിഗമനം.അപകടത്തിൽ അഞ്ചുപേർക്ക് പരിക്കേറ്റു. ഒരാളുടെ നില ഗുരുതരമാണ്. നിയന്ത്രണം വിട്ട പിക്കപ്പ് വാൻ സ്‌കൂട്ടർ യാത്രക്കാരനെയും റോഡരികിൽ നിന്നിരുന്ന ആളുകളെയും ഇടിക്കുകയായിരുന്നു. ഇന്ന് രാവിലെ ഏഴ് മണിയോടെയാണ് അപകടം നടന്നത്.