സ്ഫോടക വസ്തുക്കളുമായി 42കാരൻ പിടിയിലായി; മൊയ്തുണ്ണിയെ അറസ്റ്റ് ചെയ്തത് ജില്ല പൊലീസ് മേധാവിക്ക് ലഭിച്ച രഹസ്യവിവരത്തെ തുടർന്ന്

പെരുമ്പിലാവ്: അനധികൃതമായി സൂക്ഷിച്ച സ്ഫോടക വസ്തുക്കളുമായി 42കാരൻ പൊലീസ് പിടിയിലായി. കോഴിക്കര എറവക്കാട് മങ്ങാടിപ്പുറത്ത് വീട്ടിൽ ബാവയെയാണ്​ (മൊയ്തുണ്ണി -42) ചാലിശ്ശേരി എസ്.എച്ച്.ഒ ശശീന്ദ്രൻ മേലയിൽ അറസ്​റ്റ്​ ചെയ്തത്. 15 കിലോ കരിമരുന്നും വെടിയുപ്പും പടക്ക നിർമ്മാണത്തിന്​ ഉപയോഗിക്കുന്ന സാമഗ്രികളുമാണ് പിടിച്ചെടുത്തത്. വീടിനുപിറകിലെ ഷെഡിൽ സൂക്ഷിച്ചിരിക്കുകയായിരുന്നു ഇവ. ജില്ല പൊലീസ് മേധാവിക്ക് ലഭിച്ച രഹസ്യവിവരത്തെ തുടർന്നായിരുന്നു റെയ്ഡ്. പൊലീസ് സംഘത്തിൽ എസ്‌ഐ കെ. ഗോപാലൻ, ജനമൈത്രി ബീറ്റ് ഓഫിസർന്മാരായ എ. ശ്രീകുമാർ, വി.ആർ. രതീഷ് എന്നിവരും ഉണ്ടായിരുന്നു.