ഹോണോലുലു: ഹവായിലെ നാവിക താവളത്തിൽ യു.എസ് സൈനിക വിമാനം റൺവേയിൽ നിന്ന് തെന്നി കടലിൽ വീണു. കനോയി ബേയിലെ നാവിക ബേസിൽ പി8-എ യുദ്ധവിമാനമാണ് അപകടത്തിൽപെട്ടത്. റൺവേയിൽ നിർത്താൻ പറ്റാതെ മുന്നോട്ടുപോയ വിമാനം കടലിൽ പതിക്കുകയായിരുന്നെന്ന് യു.എസ് നേവി അറിയിച്ചു.

അപകടത്തിന്റെ വിശദാംശങ്ങളോ പരിക്കേറ്റവരുടെ വിവരങ്ങളോ സൈന്യം പുറത്തുവിട്ടിട്ടില്ല. വിമാനം കടലിൽ വീണ ചിത്രങ്ങൾ പുറത്തുവന്നിട്ടുണ്ട്. ിരീക്ഷണത്തിനും അന്തർവാഹിനികളെ നേരിടാനും മറ്റുമായി ഉപയോഗിക്കുന്ന വലിയ വിമാനമാണ് പി8-എ. ബോയിങ്ങാണ് ഇതിന്റെ നിർമ്മാതാക്കൾ.