Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202129Wednesday

ജനങ്ങളുടെ പരാതികൾക്ക് 45 ദിവസത്തിനകം പരിഹാരം വേണം; സമയ പരിധി വെട്ടിച്ചുരുക്കി കേന്ദ്ര ഉത്തരവ്; നടപടി പാർലമെന്ററി സമിതിയുടെ നിർദേശപ്രകാരം

ജനങ്ങളുടെ പരാതികൾക്ക് 45 ദിവസത്തിനകം പരിഹാരം വേണം; സമയ പരിധി വെട്ടിച്ചുരുക്കി കേന്ദ്ര ഉത്തരവ്; നടപടി പാർലമെന്ററി സമിതിയുടെ നിർദേശപ്രകാരം

മറുനാടൻ മലയാളി ബ്യൂറോ

ന്യൂഡൽഹി: പൊതുജനങ്ങളുടെ പരാതികൾ വേഗത്തിൽ തീർപ്പാക്കാൻ നടപടി സ്വീകരിച്ച് കേന്ദ്രസർക്കാർ. നിലവിൽ 60 ദിവസത്തിനകം പരാതികൾ തീർപ്പാക്കണമെന്നാണ് നിർദ്ദേശം. ഇത് 45 ദിവസമായി വെട്ടിച്ചുരുക്കി കേന്ദ്രസർക്കാർ ഉത്തരവിറക്കി. പാർലമെന്ററി സമിതിയുടെ നിർദേശപ്രകാരമാണ് നടപടി.

2020ൽ 22 ലക്ഷം പരാതികളാണ് കേന്ദ്രസർക്കാരിന് ലഭിച്ചത്. കേന്ദ്രീകൃത പരാതി പരിഹാര സംവിധാനം വഴിയാണ് പരാതികൾ സ്വീകരിക്കുന്നത്. ഇതിന് പ്രത്യേകം പോർട്ടൽ തയ്യാറാക്കിയിട്ടുണ്ട്. ഈ വർഷം ഇതുവരെ 12 ലക്ഷം പരാതികൾ ലഭിച്ചതായാണ് റിപ്പോർട്ടുകൾ. പരാതി ലഭിച്ച് ഉടൻ തന്നെ പരിഹാരം കാണാനാണ് സർക്കാർ ഉത്തരവിൽ പറയുന്നത്. കോവിഡുമായി ബന്ധപ്പെട്ട പരാതികൾക്ക് മുൻഗണന നൽകി മൂന്നു ദിവസത്തിനകം തീർപ്പാക്കണമെന്നും ഉത്തരവിൽ പറയുന്നു.

നിലവിൽ കേന്ദ്രീകൃത പരാതി പരിഹാര സംവിധാനം അതിവേഗത്തിലാണ് പരാതികൾ തീർപ്പാക്കുന്നത്. 87 ശതമാനം മന്ത്രാലയങ്ങളും വകുപ്പുകളും 45 ദിവസത്തിനകം പരാതികളിൽ തീർപ്പ് കൽപ്പിക്കുന്നതായാണ് പ്രാഥമിക വിലയിരുത്തൽ. ഇതിന്റെ കൂടി അടിസ്ഥാനത്തിലാണ് ഇതുസംബന്ധിച്ച് സർക്കാർ ഉത്തരവിറക്കിയത്.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP