മഴക്കെടുതി; 37 വീടുകൾ പൂർണമായും 302 വീടുകൾ ഭാഗികമായും തകർന്നു: ദുരിതാശ്വാസ ക്യാമ്പ് ത...

മഴക്കെടുതി; 37 വീടുകൾ പൂർണമായും 302 വീടുകൾ ഭാഗികമായും തകർന്നു: ദുരിതാശ്വാസ ക്യാമ്പ് തുറന്ന് നാലു ജില്ലകൾ

May 24, 202409:16 AM IST Permalink

സ്വന്തം ലേഖകൻ

തിരുവനന്തപുരം: സംസ്ഥാനത്ത് മഴക്കെടുതിയിൽ 37 വീടുകൾ പൂർണമായും 302 വീടുകൾ ഭാഗികമായും തകർന്നു. വീടുകളിലും മറ്റും വെള്ളം കയറിയതോടെ നാല് ജില്ലകളിൽ ദുരിതാശ്വാസ ക്യാമ്പുകൾ തുറന്നു. തിരുവനന്തപുരത്ത് മൂന്നു ദുരിതാശ്വാസ ക്യാമ്പുകളിലായി പത്ത് കുടുംബങ്ങളെയും കോഴിക്കോട്ട് രണ്ട് ക്യാമ്പുകളിലായി 12 കുടുംബങ്ങളെയും മാറ്റി പാർപ്പിച്ചു. കോട്ടയം, കോഴിക്കോട് ജില്ലകളിലും ഓരോ ക്യാമ്പുകൾ തുറന്നിട്ടുണ്ട്. മലപ്പുറത്ത് ഒമ്പത് കുടുംബങ്ങളും കോട്ടയത്ത് ഒരു കുടുംബവുമാണ് ക്യാമ്പിലുള്ളത്.

സംസ്ഥാനത്ത് 72 വില്ലേജുകളിലാണ് വെള്ളപ്പൊക്കഭീഷണി നിലവിലുള്ളത്. ചൊവ്വ, ബുധൻ ദിവസങ്ങളിലായി മഴക്കെടുതിയിൽ മൂന്ന് പേർക്ക് ജീവൻ നഷ്ടമായിട്ടുണ്ട്. തിരുവനന്തപുരത്ത് ഒരാളും പാലക്കാട്ട് രണ്ടുപേരുമാണ് മരിച്ചത്. മൂന്ന് പേർക്ക് പരിക്കേൽക്കുകയും ചെയ്തു. ഏപ്രിൽ ഒന്നുമുതൽ മെയ്‌ 21 വരെ വന്യജീവി ആക്രമണം, ഇടിമിന്നൽ തുടങ്ങി വിവിധ പ്രകൃതി ദുരന്തങ്ങൾ നിമിത്തം 15 പേർക്ക് സംസ്ഥാനത്ത് ജീവൻ നഷ്ടമായിട്ടുണ്ട്. ഇതിൽ നാല് പേർ മുങ്ങിയും മൂന്നുപേർ ഇടിമിന്നലേറ്റുമാണ് മരിച്ചത്. സൂര്യാഘാതം മൂലമുള്ള മൂന്നുമരണവും ഇക്കാലയളവിൽ റിപ്പോർട്ട് ചെയ്തിരുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: