Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Jun / 202416Sunday
ഹോം വാർത്ത ഇന്ത്യ

തെരഞ്ഞെടുപ്പ് ജനങ്ങൾ തമ്മിലുള്ള സൗന്ദര്യ മത്സരമല്ല; ഇന്ത്യ സഖ്യം വിജയിച്ചാൽ ചുരുങ്ങിയ മണിക്കൂറിനകം പ്രധാനമന്ത്രിയെ തെരഞ്ഞെടുക്കുമെന്ന് ജയ്‌റാം രമേഷ്

May 22, 202406:46 PM IST Permalink
തെരഞ്ഞെടുപ്പ് ജനങ്ങൾ തമ്മിലുള്ള സൗന്ദര്യ മത്സരമല്ല; ഇന്ത്യ സഖ്യം വിജയിച്ചാൽ ചുരുങ്ങിയ മണിക്കൂറിനകം പ്രധാനമന്ത്രിയെ തെരഞ്ഞെടുക്കുമെന്ന് ജയ്‌റാം രമേഷ്

മറുനാടൻ മലയാളി ബ്യൂറോ

ന്യൂഡൽഹി: ലോക്‌സഭ തെരഞ്ഞെടുപ്പിൽ ഇന്ത്യ സഖ്യം ഭൂരിപക്ഷം നേടി വിജയിച്ചാൽ ചുരുങ്ങിയ മണിക്കൂറിനകം പ്രധാനമന്ത്രിയെ തെരഞ്ഞെടുക്കുമെന്ന് കോൺഗ്രസ് ജനറൽ സെക്രട്ടറി ജയ്‌റാം രമേഷ്. രണ്ട് ഘട്ടങ്ങൾ കൂടി കഴിഞ്ഞാൽ ലോക്‌സഭ തെരഞ്ഞെടുപ്പ് പൂർത്തിയാകും. തെരഞ്ഞെടുപ്പ് എന്ന് പറഞ്ഞാൽ ജനങ്ങൾ തമ്മിലുള്ള സൗന്ദര്യ മത്സരമല്ലെന്നും അദ്ദേഹം വ്യക്തമാക്കി.

തെരഞ്ഞെടുപ്പിൽ വിജയിച്ചാൽ 26 സഖ്യകക്ഷികളുടെയും യോഗം വിളിച്ചു ചേർത്ത് എല്ലാവർക്കും സ്വീകാര്യനായ ഒരു പ്രധാനമന്ത്രിയെ തെരഞ്ഞെടുക്കുമെന്ന് നേരത്തേ മല്ലികാർജുൻ ഖാർഗെ അറിയിച്ചിരുന്നു. 2004ലും ഇങ്ങനെയായിരുന്നു പ്രധാനമന്ത്രിയെ തെരഞ്ഞെടുത്തത്. യു.പി.എക്ക് പ്രധാനമന്ത്രി സ്ഥാനാർത്ഥി ഉണ്ടായിരുന്നില്ല.

ഫലപ്രഖ്യാപനം വന്ന് നാലുദിവസത്തിനകമായിരുന്നു അന്ന് മന്മോഹൻ സിങ്ങിനെ പ്രധാനമന്ത്രിയായി തീരുമാനിച്ചത്. ഇക്കുറിയത് രണ്ടുദിവസത്തിനകം തീരുമാനിക്കുമെന്നും പ്രധാനമന്ത്രിയുടെ പേര് ഫലം വന്ന് രണ്ട് മണിക്കൂറിനകം തീരുമാനിക്കുമെന്നും ജയ്‌റാം രമേഷ് സൂചിപ്പിച്ചു.

അഞ്ചുവർഷം ഭരിക്കാൻ അഞ്ച് പ്രധാനമന്ത്രിമാരെയാണ് പ്രതിപക്ഷ സഖ്യം തയാറാക്കുന്നതെന്ന് പ്രധാനമന്ത്രി നരേന്ദ്ര മോദി പരിഹസിച്ചിരുന്നു. വിവിധ പാർട്ടികളുടെ സഖ്യമായ യു.പി.എ അഞ്ചു വർഷം തികച്ച് ഭരിച്ചത് മറന്നുപോയോ എന്നും അന്ന് ഒരു പ്രധാനമന്ത്രിയായിരുന്നു ഉണ്ടായിരുന്നത് എന്നുമായിരുന്നു മോദിക്ക് ഖാർഗെയുടെ മറുപടി.

യു.പി.എ സഖ്യം ഭരിച്ച 10 വർഷം ഇന്ത്യക്ക് ഒരു പ്രധാനമന്ത്രിയാണുണ്ടായിരുന്നത്. പഞ്ചാബ് സ്വദേശിയായ ഡോ. മന്മോഹൻ സിങ് ആയിരുന്നു അതെന്നും അദ്ദേഹം കൂട്ടിച്ചേർത്തു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP