പാതിവഴിയിൽ ടെലിപ്രോംപ്റ്റർ പണി മുടക്കിയപ്പോൾ എറിഞ്ഞുപൊട്ടിച്ച ട്രംപ്; തെറ്റായ പ്രസംഗം വന്നപ്പോൾ ചമ്മി നിന്ന ബിൽ ക്ലിന്റൺ; ചീത്ത വിളിച്ച ഐസൻഹോവർ; വെള്ളം കുടിച്ച് പോയ ഒബാമ; ടെലിപ്രോംപ്റ്റർ പണിമുടക്കിയാൽ പ്രധാനമന്ത്രി നരേന്ദ്ര മോദിയുടെ ഇമേജ് തകരുമോ? ചില പ്രോംപ്റ്റർ കഥകൾ
മറുനാടൻ മലയാളി ബ്യൂറോ
ന്യൂഡൽഹി: ഒരു രാഷ്ട്രീയക്കാരന്റെ ടെലിപ്രോംപ്റ്റർ പണിമുടക്കുമ്പോൾ അതൊരു രാഷ്ട്രീയ സംഭവമായി മാറുന്നു. എതിരാളികൾക്ക് കളിയാക്കാനുള്ള വക കിട്ടുന്നു. വേൾഡ് എക്കണോമിക് ഫോറത്തിൽ, സംസാരിക്കുന്നതിനിടെ, പ്രധാനമന്ത്രി നരേന്ദ്ര മോദിയുടെ ടെലിപ്രോംപ്റ്റർ പണിമുടക്കുകയും, അദ്ദേഹത്തിന് പ്രസംഗം ഇടയ്ക്ക് വച്ച് നിർത്തേണ്ടി വരികയും ചെയ്തതാണ് ഇപ്പോൾ സോഷ്യൽ മീഡിയയിലെ സംസാര വിഷയം.
ലൈവ് നിർത്തിവെച്ചെങ്കിലും പ്രസംഗം തുടരാൻ സാധിക്കാതെ വന്ന മോദി എന്താണ് സംഭവിച്ചത് എന്നറിയാതെ പകച്ചതിന്റെ വീഡിയോ സാമൂഹ്യ മാധ്യമങ്ങളിൽ വൈറലായിരിക്കുകയാണ്. ഇതിന് പിന്നാലെ രാഹുൽ ഗാന്ധി ഉൾപ്പടെ കോൺഗ്രസ് നേതാക്കൾ പ്രധാനമന്ത്രിയുടെ ടെലി പ്രോംപ്റ്റർ പ്രസംഗത്തെ പരിഹസിച്ച് രംഗത്തെത്തി. 'ചില നുണകൾ താങ്ങാനുള്ള ശേഷി ടെലി പ്രോംപ്റ്ററിനും ഇല്ല' എന്നാണ് രാഹുൽ ഗാന്ധി ട്വിറ്ററിൽ കുറിച്ചത്.
സത്യത്തിൽ ടെലിപ്രോംപ്റ്റർ പണിമുടക്കിയതിന് ഇത്രയോക്കെ കളിയാക്കേണ്ടതുണ്ടോ എന്നാണ് ഒരുവിഭാഗം ആളുകൾ ചോദിക്കുന്നത്. ടെലിപ്രോംപ്റ്ററിന്റെ പ്രശസ്തി നമുക്ക് മനസ്സിലാക്കാം. അത് ആശയവിനിമയം കൂടുതൽ സുഖകരമാക്കുന്നു. സംസാരിക്കുന്നത് നേതാവോ ആരുമോ ആയിക്കോട്ടെ, അദ്ദേഹം തന്റെ പ്രസംഗം ഹൃദിസ്ഥമാക്കിയിട്ടുണ്ട് എന്നൊരു ധാരണ കാണികളിൽ ഉണ്ടാക്കുന്നു. പെട്ടെന്ന് കാണാൻ കഴിയാത്ത, വാായിക്കാൻ പാകത്തിന് 45 ഡിഗ്രി ചെരിച്ച് വച്ചിരിക്കുന്ന ടെലിപ്രോംപ്റ്ററുകൾ പല തലമുറയിൽ പെട്ട രാഷ്ട്രീയക്കാർക്ക് പ്രിയപ്പെട്ടതാണ്. കാരണം ജനങ്ങളുമായി നേരിട്ട് സംവദിക്കുന്ന ഒരു ഫീൽ അതുണ്ടാക്കുന്നു.
Anti-national Teleprompter ???? pic.twitter.com/JqyFxGmDO5
— Mr.Fixit (@yippeekiyay_dk) January 17, 2022
ടെലിപ്രോംപ്റ്റർ പണിമുടക്കിയാൽ പ്രധാനമന്ത്രിയുടെ ഇമേജ് തകരുമോ?
രാഹുൽ ഗാന്ധി പ്രസംഗത്തിൽ പറയുന്ന അബദ്ധങ്ങൾ പിടിച്ചെടുക്കാൻ കാത്തിരിക്കുന്നവർക്ക് മോദിയുടെ ടെലിപ്രോംപ്റ്റർ പണിമുടക്കിയത് അൽപം ക്ഷീണം ഉണ്ടാക്കിയേക്കാം. എന്നാൽ, അതിനെ ആഘോഷിക്കേണ്ട കാര്യമുണ്ടോ, എന്നാണ് സോഷ്യൽ മീഡിയയിലെ ബിജെപി അനുകൂലികൾ ചോദിക്കുന്നത്. ഒന്നാമതായി നരേന്ദ്ര മോദി ഒന്നാന്തരം വാഗ്മിയാണ്. അദ്ദേഹത്തിന്റെ പ്രസംഗ പാടവത്തിൽ ആർക്കും സംശയമില്ല. സ്വാഭാവിക ഒഴുക്കോടെ മോദി സംസാരിക്കുന്ന എത്രയോ വീഡിയോകൾ ഉണ്ട്. 2019 ലെ തിരഞ്ഞെടുപ്പിൽ ചൗക്കിദാർ ചോർ ഹേ പ്രചാരണം തിരിച്ചടിച്ചത് ഓർക്കണം എന്നും ബിജെപി അനുകൂലികൾ പറയുന്നു.
ടെലിപ്രോംപ്റ്റർ പണിമുടക്കിയപ്പോൾ, പ്രധാനമന്ത്രി പ്രസംഗം നിർത്തിയത് ഉചിതമായി എന്ന് സോഷ്യൽ മീഡിയയിൽ ഒരുപക്ഷം വിലയിരുത്തുന്നു. തിരഞ്ഞെടുപ്പ് പ്രസംഗം പോലെയല്ല അന്താരാഷ്ട്ര വേദികളിലെ പ്രസംഗം. അവിടെ വസ്തുതകളും, വിവരങ്ങളും, ഒക്കെ കൃത്യമായി അവതരിപ്പിക്കണം. അണുവിട തെറ്റാൻ പാടില്ല. അതുകൊണ്ടാണ് മിക്ക ലോക നേതാക്കളും ഇപ്പോൾ ടെലിപ്രോംപ്റ്ററിനെ ആശ്രയിക്കുന്നത്.
ടെലിപ്രോംപ്റ്റർ മുമ്പ് പണികൊടുത്തവർ
അമേരിക്കൻ പ്രസിഡന്റുമാർക്ക് ടെലിപ്രോംപ്റ്റർ നല്ലതും ചീത്തയുമായ അനുഭവങ്ങൾ സമ്മാനിച്ചിട്ടുണ്ട്. 1952 ലെ പ്രസിഡന്റ് തിരഞ്ഞെടുപ്പ് പ്രതാരണത്തിനിടെ ഐസൻഹോവറാണ് ടെലിപ്രോംപ്റ്റർ വഴി രാജ്യത്തെ അഭിസംബോധന ചെയ്ത ആദ്യ യുഎസ് പ്രസിഡന്റ്. തന്റെ പ്രസംഗത്തിനിടെ, ഒരിക്കൽ, മെല്ലെപ്പോക്ക് നടത്തിയ മെഷീനെ അദ്ദേഹം ചീത്ത പറഞ്ഞ സംഭവമുണ്ട്. ടെലിപ്രോംപ്റ്ററിന്റെ ഇരട്ട സ്ക്രീനുകളിൽ നിന്ന് പ്രസംഗം വായിക്കാൻ റൊണാൾഡ് റീഗൻ മിടുക്കനായിരുന്നു. ഒരിക്കൽ ബിൽ ക്ലിന്റൺ പ്രസംഗിക്കാൻ എത്തിയപ്പോൾ തെറ്റായ പ്രസംഗം ആയിരുന്നു അപ് ലോഡ് ചെയ്തിരുന്നത്. അദ്ദേഹം ശരിയായ പ്രസംഗം വരും വരെ കാത്തിരുന്ന് തടി രക്ഷിച്ചെടുത്തു. ജോർജ് ഡബ്ല്യു ബുഷിന് ടെലിപ്രോംപ്റ്റർ കീറാമുട്ടിയായിരുന്നു.
വൈസ് പ്രസിഡന്റായിരിക്കെ സാറാ പാലിന്റെ ടെലിപ്രോംപ്റ്റർ ഒരിക്കൽ പണി മുടക്കിയപ്പോൾ, അവർ അത് ആരും അറിയാതെ കൈകാര്യം ചെയ്തു. 2016 ൽ തിരഞ്ഞെടുപ്പ് പ്രചാരണത്തിനിടെ, സാക്ഷാൽ ട്രംപിന്റെ ടെലിപ്രോംപ്റ്ററും പണിമുടക്കി. അദ്ദേഹം ഇങ്ങനെ പറഞ്ഞു: 'കഴിഞ്ഞ 20 മിനിറ്റായി ഈ ടെലിപ്രോംപ്റ്റർ പണിയെടുക്കുന്നില്ല. ഈ ടെലിപ്രോംപ്റ്റർ ഇല്ലാത്തപ്പോഴാണ് എന്റെ പ്രസംഗം എനിക്ക് കൂടുതൽ ഇഷ്ടം'. ഇത്രയും പറഞ്ഞിട്ട് ഒരു പ്രോംപ്റ്റർ പിടിച്ചെടുത്ത് എറിഞ്ഞ് പൊട്ടിക്കുകയും ചെയ്തു.
ജോ ബൈഡനും ചില്ലറ അബദ്ധങ്ങൾ പറ്റിയിട്ടുണ്ട്.
എന്നാൽ, ടെലിപ്രോംപ്റ്ററിനെ ഏറ്റവും അധികം ആശ്രയിച്ച യുഎസ് പ്രസിഡന്റ് ബരാക് ഒബാമ ആയിരുന്നു. ഇതിന്റെ പേരിൽ റിപ്പബ്ലിക്കൻ പാർട്ടി നേതാക്കൾ അദ്ദേഹത്തെ കൂടെക്കൂടെ കളിയാക്കുകയും ചെയ്തിരുന്നു. സാധാരണ ഗതിയിൽ, രാജ്യത്തെ അഭിസംബോധന ചെയ്യുന്ന പ്രധാന പ്രസംഗങ്ങളിലാണ് യുഎസ് പ്രസിഡന്റുമാർ ടെലിപ്രോംപ്റ്റർ ഉപയോഗിക്കുന്നതെങ്കിൽ, ഒബാമ അത് എല്ലാദിവസവും ഉപയോഗിക്കുമായിരുന്നു.
എഴുതി വച്ചിരിക്കുന്നത് എന്താണോ അതിൽ നിന്ന് ഒരു വരി മാറാതെ പ്രസംഗിക്കണം എന്ന് ഒബാമയ്ക്ക് നിർബന്ധമുണ്ടായിരുന്നു. അതുകൊണ്ടാണ് ഈ ടെലിപ്രോംപ്റ്റർ പ്രേമം. നല്ലൊരു വാഗ്മി എന്ന് കരുതപ്പെടുന്ന ഒബാമ പ്രോംപ്റ്റർ ഇല്ലാതെ കഷ്ടപ്പെടുന്ന വീഡിയോകളും വന്നിട്ടുണ്ട്. മോദിയുടെ വാഗ്മിത്വവും ഇതുപോലെ തെളിയിക്കപ്പെട്ടതാണെന്നും, അതുകൊണ്ട് ടെലിപ്രോംപ്റ്റർ പണി മുടക്കിയാൽ ഒന്നും അദ്ദേഹത്തിന്റെ ഇമേജ് തകരില്ലെന്നും ബിജെപി അനുകൂലികൾ വിശ്വസിക്കുന്നു.
മോദിയുടെ ടെലിപ്രോംപ്റ്റർ അനുഭവങ്ങൾ
2016 ൽ കാപിറ്റോൾ ഹില്ലിൽ യുഎസ് കോൺഗ്രസിന്റെ സംയുക്ത സമ്മേളനത്തെ മോദി അഭിസംബോധന ചെയ്യുന്ന സമയം. അദ്ദേഹത്തിന്റെ ഉജ്ജ്വലമായ ഇംഗ്ലീഷ് പ്രസംഗം കഴിഞ്ഞപ്പോൾ എല്ലാവരും എണീറ്റ് നിന്ന് കൈയടിച്ചു. ഇതിന് പിന്നാലെ സോഷ്യൽ മീഡിയിൽ ചർച്ചയായി. മോദി ഒബാമയ്ക്ക് പഠിച്ചോ? ടെലിപ്രോംപ്റ്റർ ഉപയോഗിച്ചോ? ചിലരൊക്കെ അദ്ദേഹം സ്വാഭാവിക പ്രസംഗമാണ് നടത്തിയതെന്ന് കരുതിയെങ്കിലും, പിന്നീട് രണ്ടുവശത്തും ടെലിപ്രോംപ്റ്റർ ഉണ്ടായിരുന്നു എന്ന് സോഷ്യൽ മീഡിയ കണ്ടുപിടിച്ചു.
2014 , ജൂലൈയിൽ, ഐഎസ്ആർഒയുടെ പിഎസ്എൽവി വിക്ഷേപണ സമയത്താണ് മോദി ആദ്യമായി ടെലിപ്രോംപ്റ്റർ ഉപയോഗിക്കുന്നത്. പിന്നീട്, ഇംഗ്ലീഷിൽ സംസാരിക്കേണ്ടി വരുമ്പോഴൊക്കെ, വിശേഷിച്ചും വിദേശ സന്ദർശന വേളകളിൽ അദ്ദേഹം പ്രോംപ്റ്റർ ഉപയോഗിച്ചുപോന്നു. പണ്ടത്തെ പോലെയല്ല ഇപ്പോഴത്തെ പ്രോംപ്റ്ററുകൾ. ഗ്ലാസിലുള്ള ഒടുവിലത്തെ വേർഷനുകൾ പെട്ടെന്ന് കണ്ടുപിടിക്കുക പ്രയാസം.
എങ്ങനെയാണ് ടെലിപ്രോംപ്റ്റർ പണിയെടുക്കുന്നത്?
പ്രസംഗം പ്രത്യക്ഷപ്പെടുന്നത് ലെക്റ്റേൺ അഥവാ ഉയർന്ന സ്റ്റാൻഡിന് പിന്നിലെ സ്ക്രീനിൽ നിന്നാണ്. മുന്നിലിരിക്കുന്ന കാണികൾക്ക് ഈ സുതാര്യമായ സ്ക്രീൻ കാണാൻ കഴിയില്ല. പ്രാസംഗികന്റെ വേഗതയ്ക്ക് അനുസരിച്ച് സൂക്ഷ്മതയോടെ വേഗം നിയന്ത്രിച്ച് ടെക്സ്റ്റ് സ്ക്രോൾ ചെയ്യാൻ ഒരു ടെലിപ്രോംപ്റ്റർ ഓപ്പറേറ്റർ ഉണ്ടാകും. പ്രസംഗത്തിനിടെ, പ്രാസംഗികൻ ഒരു ടെലിപ്രോംപ്റ്ററിൽ നിന്ന് രണ്ടാമത്തേതിലേക്ക് മാറി മാറി നോക്കുന്നു. കാണികളെ നോക്കുന്നതാണെന്ന തോന്നൽ ഉണ്ടാക്കുകയും ചെയ്യും.
പ്രാസംഗികൻ വേഗത കുറച്ചാൽ, ഓപ്പറേറ്റേർ അതനുസരിച്ച് വേഗം കുറയ്ക്കും. ഉദാഹരണത്തിന പ്രസംഗത്തിലെ ഒരുഭാഗത്തിന് കൈയടി കിട്ടിയാൽ, അൽപനേരം ഒന്നുനിർത്തും. അപ്പോൾ ഓപ്പറേറ്ററും നിർത്തും. ഓപ്പറേറ്റേർ വേണ്ടാത്ത ചില ആധുനിക വേർഷനുകളും ഉണ്ടെങ്കിലും, വിഐപികൾക്ക് അത് ബുദ്ധിമുട്ടായിരിക്കും.
ക്യാമറ ക്രൂവുമായും പ്രോംപ്റ്റർ ഓപ്പറേറ്റർ സംസാരിക്കേണ്ടതുണ്ട്. ചിലപ്പോൾ പ്രസംഗം എഡിറ്റ് ചെയ്യേണ്ടിയും വന്നേക്കാം.
ടെലിപ്രോംപ്റ്റർ പണിമുടക്കുമ്പോൾ
ചില വിമർശകർ പറയും, ടെലിപ്രോംപ്റ്ററിനെ ആശ്രയിക്കുന്നവർ ശരിക്കും നേതാക്കളല്ല, പെർഫോർമേഴ്സ് ആണെന്ന്. എന്നാൽ, ഏതു നേതാവായാലും, എന്താണ് പറയുന്നതെന്നും, അത് എങ്ങനെ പറയുന്നുവെന്നതും ആശ്രയിച്ചിരിക്കും പ്രസംഗത്തിന്റെ വിജയം. ടെലിപ്രോംപ്റ്റർ പെർഫോം ചെയ്യിക്കാൻ സഹായിക്കുന്ന ഒരു ഉപകരണം മാത്രം. എന്താണ് പറയേണ്ടതെന്ന് നിയന്ത്രിക്കാൻ പ്രോംപ്റ്ററിന് ആവില്ലല്ലോ.
പ്രോംപ്റ്റർ ഉപയോഗിച്ച് പ്രസംഗിക്കുക, ഒരു കലയാണ്. വെറുതെ വായിച്ച് വിട്ടാൽ പോരാ, അതിന്റെ അർത്ഥം കൂടി ജനങ്ങളിലേക്ക് എത്തണം. ഇക്കാര്യത്തിൽ, നരേന്ദ്ര മോദി ഒരുകലാകാരൻ തന്നെയാണ്. എന്നാൽ, ഇതിനായി പഠനത്തിന്റേതായ ഒരുഘട്ടം അദ്ദേഹത്തിനും കടന്നുപോകേണ്ടി വന്നു. 2015 ൽ തുടക്ക കാലത്ത് ചില്ലറ അബദ്ധങ്ങളുടെ പേരിൽ സോഷ്യൽ മീഡിയ മോദിയെ വെറുതെ വിട്ടിരുന്നില്ല. ശ്രീലങ്കയുടെ പ്രസിഡന്റായിരുന്ന മൈത്രിപാല സിരിസേനയുടെ ഇന്ത്യ സന്ദർശനത്തിലുണ്ടായ സംഭവം സോഷ്യൽ മീഡിയ ആഘോഷിച്ചിരുന്നു. മൈത്രിപാലയുടെ ഭാര്യ ജയന്തി പുഷ്പ കുമാരിയെ മിസിസ് എന്ന് അഭിസംബോധന ചെയ്യേണ്ടതിന് പകരം മോദി വിളിച്ച് 'എംആർഎസ്' എന്ന്.
വിവാഹിതരായ സ്ത്രീകളെ അഭിസംബോധന ചെയ്യാൻ പൊതുവെ ഉപയോഗിക്കുന്നതാണ് മിസിസ് എന്ന വാക്ക് . ഇംഗ്ലീഷിൽ Mrs എന്ന് എഴുതും. വായിക്കുന്നത് മിസിസ് എന്ന് തന്നെ. എന്നാൽ ടെലി പ്രോംപ്റ്റർ നോക്കി വായിച്ച മോദിക്ക് തെറ്റിപ്പോയി. ഇത്തരം അബദ്ധങ്ങളെല്ലാം എല്ലാവർക്കും പറ്റാൻ ഇടയുള്ളത് തന്നെ ആണ്. എന്നാൽ ചൈനീസ് പ്രസിഡന്റ് ഷി ജിൻപിങ് ഇന്ത്യയിലെത്തിയപ്പോൾ അദ്ദേഹത്തെ ഇലവൻ ജിൻപിങ് എന്ന് വായിച്ചതിന് ദൂരദർശനിലെ ഒരു വാർത്താ അവതാരകയെ പിരിച്ചുവിട്ട ചരിത്രവും മറക്കാറായിട്ടില്ല. എന്തായാലും കാലം ചെന്നപ്പോൾ മോദി ഈ മാധ്യമ ഉപയോഗത്തെ സ്വായത്തമാക്കി.
- TODAY
- LAST WEEK
- LAST MONTH
- വിവാഹ സൽകാരത്തിന്റെ രാത്രി ഒരു മണിക്ക് തുടങ്ങിയ മർദ്ദനം; സംശയത്തിന്റെ പേരിൽ കേബിൾ കൊണ്ട് കഴുത്തിൽ മുറക്കി നവവധുവിനെ കൊല്ലാനും രാഹുൽ ശ്രമിച്ചു; താലിമാല ഊരിക്കൊടുത്ത ശേഷം ഭർത്താവിനെതിരെ പരാതി കൊടുത്തതും ഭാര്യ; പന്തീരാക്കാവിൽ ജാമ്യമില്ലാ വകുപ്പുകൾ; ഏഴാം ദിനത്തിലെ വേർപിരിയലിൽ കേസും
- വിരുന്നെത്തിയ വീട്ടുകാർ കണ്ടത് നവ വധുവിന്റെ ശരീരത്തിലെ മർദനമേറ്റ പാടുകൾ; പൊലീസിൽ പരാതി നൽകി വധുവിന്റെ കുടുംബം: ഏഴാം നാൾ പൊലീസ് സ്റ്റേഷനിൽവെച്ച് താലിമാല മടക്കി നൽകി വേർപിരിഞ്ഞ് യുവദമ്പതികൾ
- പെരിയ ഇരട്ടക്കൊല കേസിലെ പ്രതിയുടെ മകന്റെ വിവാഹ സൽക്കാരത്തിൽ പങ്കെടുത്തതിനെച്ചൊല്ലിയുള്ള കോൺഗ്രസിലെ വിവാദം കാസർകോട് പൊട്ടിത്തെറിയാകുന്നു; പോസ്റ്റ് പിൻലവിച്ച ബാലകൃഷ്ണ പെരിയ നൽകുന്നത് വഴങ്ങാമെന്ന സന്ദേശമോ? ഇതെല്ലാം ശരത്ലാലിന്റെയും കൃപേഷിന്റെയും ആത്മാക്കൾ ഇത് പൊറുക്കുമോ? പെരിയയിൽ സമവായ നീക്കം സജീവം
- 27 ലക്ഷത്തോളം ഞാൻ മുടക്കി, ഒരു രൂപ പോലും ശമ്പളമായി കിട്ടാത്ത സിനിമയും; ഒരാൾ ലോകം മുഴുവൻ തന്നെ തകർക്കാൻ ശ്രമിക്കുന്നു എന്ന് കരുതുന്നത് അയാളുടെ കുഴപ്പമാണ്; എല്ലാം പുള്ളിക്കുവേണ്ടി ചെയ്തിട്ട് അവസാനം വില്ലനായി മാറുന്നത് സങ്കടകരം; 'വഴക്ക്' സംവിധായകനെതിരെ ടൊവിനോ തോമസ്
- ആറു കൊല്ലം മുമ്പ് കേരളാ കോൺഗ്രസ് ജയിച്ചത് യുഡിഎഫ് ബാനറിൽ; ജോസ് കെ മാണിയും കൂട്ടരും മുന്നണി മാറിയപ്പോൾ ഇനി ഒഴിവ് വരുന്ന മൂന്ന് രാജ്യസഭാ എംപിമാരും ഇടതുപക്ഷത്തിന്റേതായി; സീറ്റ് കൂടിയേ തീരുവെന്ന് കേരളാ കോൺഗ്രസ് എമ്മും സിപിഐയും; സിപിഎമ്മും വിട്ടുവീഴ്ചയ്ക്കില്ല; ഇടതിൽ കലാപക്കാലം
- വിരുന്നിനെത്തിയ വീട്ടിലെ സ്ത്രീയെ പീഡിപ്പിച്ച ശേഷം സ്വദേശത്തേക്ക് മടങ്ങി; പശ്ചിമബംഗാൾ സ്വദേശിയെ അയാളുടെ ഗ്രാമത്തിൽ ചെന്ന് പിടികൂടി പൊലീസ്
- എന്റെ സഹോദരന്റെ വിട് ബോംബിട്ടു, എന്റെ മോനെ സിപിഎം വെട്ടിക്കെല്ലാൻ ശ്രമിച്ചു; ഊരു വിലക്കി; എന്നിട്ടും കോൺഗ്രസിന് തൊണ്ട പൊട്ടി പ്രസംഗിച്ചു; ഇപ്പോൾ ഒരു വരത്തൻ പറയുന്നു, പുറത്തുപോകാൻ; ഉണ്ണിത്താനു വേണ്ടി പുറത്തുപോകുന്നു; രാജി ഭീഷണിയുമായി ബാലകൃഷ്ണൻ പെരിയ
- ഡാ മോനേ.. ആ ലൈബ്രറി പ്രേമം നടക്കില്ല..! അഡ്മിഷൻ തുടങ്ങിയെന്ന് അറിയിച്ചുള്ള വിവാദമായ പരസ്യം പിൻവലിച്ചു മൂവാറ്റുപുഴ നിർമല കോളേജ് അധികൃതർ; പണി കിട്ടിയത് പരസ്യ ഏജൻസിയെ ഏൽപ്പിച്ചതു കൊണ്ടെന്ന് വിശദീകരണം; പരസ്യ വീഡിയോ തുടർന്ന് ഷെയർ ചെയ്യരുതെന്ന് അഭ്യർത്ഥന
- ചാവക്കാട് മുനമ്പിൽ നിന്നും 32 നോട്ടിക്കൽ മൈൽ അകലെ അപകടം; കപ്പൽ അടിച്ച ബോട്ട് രണ്ടായി പിളർന്നു; ആറിൽ നാലു പേരെ കപ്പലിലുള്ളവർ രക്ഷപ്പെടുത്തി; സ്രാങ്ക് അബ്ദുൾ സലാമും പൊന്നാനിക്കാരൻ ഗഫൂറും മരിച്ചു; അപകടമുണ്ടാക്കുന്ന വിധം തീരത്തോടു ചേർന്നുള്ള കപ്പൽ യാത്രയുണ്ടാക്കിയ ദുരന്തം; പൊന്നാനിയിൽ രണ്ട് മരണം
- കൊല്ലപ്പെട്ട യെമൻ പൗരന്റെ കുടുംബവും ഗോത്രവർഗ നേതാക്കളും എടുക്കുന്ന തീരുമാനം നിർണ്ണായകം; യെമനിലെ ജനങ്ങളോടും കുടുംബത്തോടും മാപ്പു പറയുന്ന അമ്മയുടെ വീഡിയോയും ഇറക്കും; കൊല്ലപ്പെട്ടയാളിന്റെ കുടുംബത്തേയും അമ്മ കാണും; നിമിഷ പ്രിയയുടെ മോചനം തൊട്ടരികിലോ?
- മെയ് മാസത്തിൽ വിരമിക്കുക 20000 പേർ; പെൻഷൻ ആനുകൂല്യങ്ങൾ കൊടുക്കാൻ മാത്രം ഈ സാമ്പത്തിക വർഷം വേണ്ടത് പതിനായിരം കോടി; 37000 കോടിയുടെ കടമെടുക്കലിന് അനുമതി കിട്ടിയാൽ പോലും പ്രതിസന്ധി രൂക്ഷമാകും; അടിയന്തരമായി പെൻഷൻപ്രായം ഉയർത്താൻ അണിയറ നീക്കം സജീവം; സർക്കാർ ജീവനക്കാർക്ക് കോളടിച്ചേക്കും
- കോഴിക്കടയിൽ വാഹനത്തിന്റെ നമ്പർ പ്ലേറ്റ് മറച്ച് ലോഡ് ഇറക്കാനെത്തി; നാട്ടുകാർക്ക് സംശയം; പരിശോധിച്ചപ്പോൾ കണ്ടെത്തിയത് ചത്ത കോഴികൾ
- ഒരു ദിവസത്തേക്ക് രണ്ടുകോടി പ്രതിഫലം വാങ്ങുന്ന പവൻ; ഇന്ത്യയിൽ ആദ്യമായി ഒരുകോടി വാങ്ങിയ ചിരംഞ്ജീവി; അനിയന്റെയും ജ്യേഷ്ഠ പുത്രന്റെയും ഫാൻസ് ഏറ്റുമുട്ടിയപ്പോൾ ഒരുമരണം; രാഷ്ട്രീയ ഭിന്നത സിനിമയിലേക്കും; ദക്ഷിണേന്ത്യയിലെ ഏറ്റവും വലിയ സിനിമാ കുടുംബം അടിച്ചുപിരിയുമ്പോൾ!
- രാത്രിയിൽ കാമുകിയെ പിരിഞ്ഞിരിക്കാൻ വിഷമം; ഭർത്താവും ഭാര്യയും കിടപ്പുമുറിയിൽ സംസാരിച്ചിരിക്കെ, കടന്നുകയറി യുവതിക്കൊപ്പം കട്ടിലിൽ കിടന്നു; കലി കയറി കാമുകനെ വെട്ടിപ്പരുക്കേൽപ്പിച്ച് ഭർത്താവ്; ആശുപത്രിയിൽ ശുശ്രൂഷയ്ക്കായി യുവതിയും ഒപ്പം
- ഭരണവിരുദ്ധ വികാരം വോട്ടായി മാറുന്നതോടെ യുഡിഎഫ് ട്വന്റി-ട്വന്റി അടിക്കുമോ? എൽഡിഎഫിന് ഭരണവിരുദ്ധ വികാരം വലിയ തിരിച്ചടിയാകുമോ? എൻഡിഎക്ക് സാധ്യത എത്ര സീറ്റിൽ? റാഷിദ് സിപി വീണ്ടും പ്രവചിക്കുന്നു സംസ്ഥാന തിരഞ്ഞെടുപ്പ് ചിത്രം
- സെഞ്ചുറിയിലേക്ക് കുതിക്കുന്നതിനിടെ സഞ്ജുവിന്റെ വിവാദ പുറത്താകൽ; 86 റൺസെടുത്ത് തിളങ്ങിയ നായകൻ മടങ്ങിയതോടെ താളം നഷ്ടപ്പെട്ട് രാജസ്ഥാൻ; 20 റൺസിന് ഡൽഹിയോട് തോൽവി; 350 ടി 20 വിക്കറ്റുകൾ നേടുന്ന ആദ്യ ഇന്ത്യൻ കളിക്കാരനായി യുസ്വേന്ദ്ര ചാഹൽ
- വീട്ടിൽ സോളാർ വെക്കുമ്പോൾ ഓൺ ഗ്രിഡ് ആക്കല്ലേ, കെ എസ് ഇ ബി കട്ടോണ്ട് പോകും; ബാറ്ററി വാങ്ങി ഓഫ് ഗ്രിഡ് വച്ചാൽ നമ്മുടെ കറന്റ് നമുക്ക് തന്നെ കിട്ടുമല്ലോ! കെ എസ് ഇ ബി കാട്ടുകള്ളന്മാരെന്ന് മുൻ ഡിജിപി ആർ ശ്രീലേഖയുടെ പോസ്റ്റ്
- പഠനകാലത്തെ പ്രണയം പൂവണിഞ്ഞില്ല; പൂർവ്വ വിദ്യാർത്ഥി വാട്സാപ്പിൽ വീണ്ടും അടുപ്പം പൂത്തുലഞ്ഞു; ബന്ധുക്കളുടെ നയപരമായ ഇടപെടൽ അനിലയുടെ കുടുംബത്തെ തകർത്തില്ല; കുടുംബം തകർന്നതിന്റെ വേദന മൃദു സ്വഭാവിയായ സുദർശന പ്രസാദിനെ മറ്റൊരാളാക്കി; അനിലയുടെ കൊല ആസൂത്രിതം
- പെൺകുട്ടിയുടെ പിറന്നാളിന് കേക്കുമായി എത്തിയ യുവാവ്; തേങ്ങ തുണിയിൽ കെട്ടി മർദ്ദിച്ച ബന്ധുക്കൾ; പോക്സോ കേസെടുത്ത പൊലീസും; നഹാസിനെതിരെ നടന്നത് ക്രൂര മർദ്ദനം
- ഒരു ഡോക്ടറെ അടിയന്തരമായി വീട്ടിൽ അയക്കാൻ സൂപ്രണ്ടിന് നിർദ്ദേശം; പറ്റില്ലെന്ന് പറഞ്ഞെങ്കിലും അധികാര സ്വരത്തിൽ ആവശ്യപ്പെട്ടു; വീട്ടിലെത്തിയ ഡോക്ടർ കണ്ടത് കാലിലെ കുഴിനഖം; ഒപി നിർത്തിയത് വിവാദത്തിൽ; തിരുവനന്തപുരം കളക്ടർക്കെതിരെ പരാതി
- 'പെണ്ണുങ്ങളെ കൂടെക്കിടത്തുന്നു; മത്സരാർഥികളുടെ പ്രതിഫലത്തിന്റെ ഷെയർ വാങ്ങുന്നു; മോഹൻലാലിനെ കോമാളിയാക്കുന്നു; സിബിനെ ഡ്രഗ്സ് കൊടുത്ത് മനോരോഗിയാക്കാൻ നോക്കി': ബിഗ്ബോസ് അണിയറക്കാർക്കെതിരെ ആഞ്ഞടിച്ച് അഖിൽ മാരാർ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- മെയ് മാസത്തിൽ വിരമിക്കുക 20000 പേർ; പെൻഷൻ ആനുകൂല്യങ്ങൾ കൊടുക്കാൻ മാത്രം ഈ സാമ്പത്തിക വർഷം വേണ്ടത് പതിനായിരം കോടി; 37000 കോടിയുടെ കടമെടുക്കലിന് അനുമതി കിട്ടിയാൽ പോലും പ്രതിസന്ധി രൂക്ഷമാകും; അടിയന്തരമായി പെൻഷൻപ്രായം ഉയർത്താൻ അണിയറ നീക്കം സജീവം; സർക്കാർ ജീവനക്കാർക്ക് കോളടിച്ചേക്കും
- കോഴിക്കടയിൽ വാഹനത്തിന്റെ നമ്പർ പ്ലേറ്റ് മറച്ച് ലോഡ് ഇറക്കാനെത്തി; നാട്ടുകാർക്ക് സംശയം; പരിശോധിച്ചപ്പോൾ കണ്ടെത്തിയത് ചത്ത കോഴികൾ
- 'കൊടുത്താൽ കൊല്ലത്തും കിട്ടുമെന്ന് കേട്ടിട്ടില്ലേ...; അത് പോലെ ഒരു ഇതാണ് ഡ്രൈവർ യദുവിന് കിട്ടിയിട്ടുള്ളത്; ഒരു സ്ത്രീയാണെന്ന പരിഗണനയില്ലാതെ മോശമായ വാക്കുകൾ എന്നോട് പറഞ്ഞു'; ദുരനുഭവം തുറന്നുപറഞ്ഞ് നടി റോഷ്ന
- ഒരു ദിവസത്തേക്ക് രണ്ടുകോടി പ്രതിഫലം വാങ്ങുന്ന പവൻ; ഇന്ത്യയിൽ ആദ്യമായി ഒരുകോടി വാങ്ങിയ ചിരംഞ്ജീവി; അനിയന്റെയും ജ്യേഷ്ഠ പുത്രന്റെയും ഫാൻസ് ഏറ്റുമുട്ടിയപ്പോൾ ഒരുമരണം; രാഷ്ട്രീയ ഭിന്നത സിനിമയിലേക്കും; ദക്ഷിണേന്ത്യയിലെ ഏറ്റവും വലിയ സിനിമാ കുടുംബം അടിച്ചുപിരിയുമ്പോൾ!
- രാത്രിയിൽ കാമുകിയെ പിരിഞ്ഞിരിക്കാൻ വിഷമം; ഭർത്താവും ഭാര്യയും കിടപ്പുമുറിയിൽ സംസാരിച്ചിരിക്കെ, കടന്നുകയറി യുവതിക്കൊപ്പം കട്ടിലിൽ കിടന്നു; കലി കയറി കാമുകനെ വെട്ടിപ്പരുക്കേൽപ്പിച്ച് ഭർത്താവ്; ആശുപത്രിയിൽ ശുശ്രൂഷയ്ക്കായി യുവതിയും ഒപ്പം
- നിന്റെ അച്ഛന്റെ വകയാണോ റോഡ് എന്ന് കാർ യാത്രക്കാർ; അച്ഛന് വിളിച്ചപ്പോൾ താൻ തിരിച്ചുപറഞ്ഞു; യുവതി അടുത്തെത്തി 'നിനക്ക് എന്നെ അറിയാമോടാ' എന്ന് ചോദിച്ചു; എം എൽ എയാണോ മേയറാണോ എന്ന് അറിയില്ലായിരുന്നു എന്നും കെ എസ് ആർ ടി സി ഡ്രൈവർ; മേയർക്ക് വിമർശനം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- ഭരണവിരുദ്ധ വികാരം വോട്ടായി മാറുന്നതോടെ യുഡിഎഫ് ട്വന്റി-ട്വന്റി അടിക്കുമോ? എൽഡിഎഫിന് ഭരണവിരുദ്ധ വികാരം വലിയ തിരിച്ചടിയാകുമോ? എൻഡിഎക്ക് സാധ്യത എത്ര സീറ്റിൽ? റാഷിദ് സിപി വീണ്ടും പ്രവചിക്കുന്നു സംസ്ഥാന തിരഞ്ഞെടുപ്പ് ചിത്രം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്