പണി പൂർത്തിയായ ശേഷം അനുമതിക്കായി സാജനും ജീവനക്കാരും ആന്തൂർ നഗരസഭാ ഓഫീസ് കയറി ഇറങ്ങിയത് 20 തവണ; അപേക്ഷ ലഭിച്ച് 15 ദിവസത്തിന് അകം ലൈസൻസ് നൽകണമെന്ന് ചട്ടം ഉണ്ടായിരിക്കെ ആദ്യം നോട്ടീസ് കിട്ടിയത് 18 ദിവസം കഴിഞ്ഞ്; ഓരോ തവണ ചൂണ്ടിക്കാട്ടുന്ന കുഴപ്പങ്ങൾ പരിഹരിച്ച് പുതിയ അപേക്ഷ നൽകുമ്പോഴും പുതിയ പ്രശ്നങ്ങൾ ചൂണ്ടിക്കാട്ടി വലിച്ചു നീട്ടി; ഒടുവിൽ അധ്യക്ഷയെ കണ്ടപ്പോൾ അധിക്ഷേപിച്ച് ഇറക്കി വിട്ടു; പ്രവാസി സംരഭകന് സിപിഎമ്മിന്റെ ചുവപ്പു നാടയിൽ ജീവൻ പോയത് ഇങ്ങനെ
കണ്ണൂർ; ആന്തൂർ നഗരസഭാ അധ്യക്ഷ പികെ ശ്യാമളയ്ക്ക് തെറ്റൊന്നും പറ്റിയില്ലെന്ന് സിപിഎം പറയുമ്പോൾ അത് പച്ചക്കള്ളമെന്നാണ് ആന്തൂരിലെ സഖാക്കൾക്ക് പറയാനുള്ളത്. പികെ ശ്യാമളയുടെ അധിക്ഷേപമാണ് സാജൻ പാറയിലിന്റെ മനസ്സിനെ തളർത്തിയത്. ചെയർപേഴ്സണിന്റെ നിലപാട് അറിഞ്ഞതോടെയാണ് സാജന് പ്രതീക്ഷ നഷ്ടമായതെന്നും വിലയിരുത്തലുണ്ട്. ഏതായാലും ചട്ടങ്ങളും നിയമങ്ങളും കാറ്റിൽ പറത്തിയാണ് ആന്തൂരിലെ പോക്കെന്ന് വ്യക്തമാക്കുന്നതാണ് സാജന്റെ ആത്മഹത്യ. ആളുകളെ വലയ്ക്കാൻ നഗര സഭ എന്തും ചെയ്യും. വൈരാഗ്യമുണ്ടായാൽ അത് ഏതറ്റം വരേയും പോകും. നഗരസഭയിൽ കയറി ഇറങ്ങി ചെരുപ്പ് തേഞ്ഞപ്പോഴാണ് മറ്റ് മാർഗമില്ലാതെ ഒരു മുഴം കയറിൽ സാജൻ ജീവനൊടുക്കിയത്.
ആന്തൂർ നഗരസഭയുടെ ഓഫിസ് കെട്ടിടം തന്നെ ചട്ടംലംഘിച്ചാണ് നിർമ്മിച്ചതെന്ന ആരോപണവും ഇതിനിടെ സജീവമാകുകയാണ്. കെട്ടിടങ്ങൾ പൊതുനിരത്തിൽ നിന്നു 3 മീറ്റർ അകലം പാലിക്കണം. എന്നാൽ ആന്തൂർ നഗരസഭാ ഓഫിസ് കെട്ടിടത്തിന്റെ മേൽക്കൂര റോഡിനു നേരെ മുകളിലാണ്. രണ്ടു കെട്ടിടങ്ങൾക്കിടയിൽ നിശ്ചിത അകലം വേണം. നഗരസഭാ ഓഫിസും തൊട്ടടുത്ത കൃഷിഭവനും തമ്മിലുള്ള വ്യത്യാസം അര മീറ്റർ പോലുമില്ല സാജന്റെ കുടുംബം ആരോപിക്കുന്നു. ദേശീയപാതയിൽ കണ്ണൂർതളിപ്പറമ്പ് റൂട്ടിലാണ് ആന്തൂർ നഗരസഭ. 4 വർഷം മുൻപു തളിപ്പറമ്പ് നഗരസഭ വിഭജിച്ചാണ് നഗരസഭ രൂപീകരിച്ചത്. ഇത്തരമൊരു ഓഫീസുള്ള നഗരസഭയാണ് പാവങ്ങളെ ദ്രോഹിക്കാൻ എന്തും ചെയ്യുന്നത്. നിയമങ്ങളും ചട്ടങ്ങളുമെല്ലാം അധികാര കേന്ദ്രത്തിന്റെ ഇഷ്ടത്തിന് വഴി തിരിച്ചു വിടാനാകുമെന്ന സന്ദേശമാണ് ആന്തൂരിലെ സാജന്റെ മരണം നൽകുന്നത്.
അതിനിടെ ആന്തൂർ ബക്കളത്ത്, സിപിഎം കെട്ടിടത്തിന്റെ സ്റ്റേജ് പുറമ്പോക്കിലെന്ന് ആരോപണവും സജീവമാകുന്നു. സിപിഎം ബക്കളം നോർത്ത് ബ്രാഞ്ച് കമ്മിറ്റിക്കു വേണ്ടി നിർമ്മിച്ച ചെ ഗവാര ആർട്സ് ആൻഡ് സ്പോർട്സ് ക്ലബ് കെട്ടിടത്തിന്റെ സ്റ്റേജ് ആണ് പുറമ്പോക്കിലുള്ളത്. ദേശീയപാത നിലവിൽ വരുന്നതിന് മുൻപ് ഗതാഗതത്തിന് ഉപയോഗിച്ച റോഡിലാണ് സ്റ്റേജ് നിർമ്മിച്ചത്. ക്ലബ്ബിന്റെ മൂന്നുനില കെട്ടിടത്തിന്റെ മേൽക്കൂരയ്ക്ക് ഷീറ്റ് സംഭാവന ചെയ്തത്, ജീവനൊടുക്കിയ സാജൻ ആയിരുന്നുവെന്നതാണ് മറ്റൊരു വസ്തുത. അതുകൊണ്ട് തന്നെ ആത്മഹത്യ ചെയ്ത വ്യക്തിയുടെ സംഭാവനയിൽ സിപിഎമ്മിന് അനധികൃത കെട്ടിടമാകാം. എന്നാൽ പ്രവാസി കഷ്ടപ്പെട്ടുണ്ടാക്കിയ പണത്തിൽ കെട്ടിടം പണിതാൽ അതിന് അനുമതിയുമില്ല. ഈ ഇരട്ട നീതിയാണ് ആന്തൂരിൽ ഇപ്പോൾ ചർച്ചയാകുന്നത്.
സിപിഎം ഭരിക്കുന്ന ആന്തൂർ നഗരസഭ വേട്ടയാടിയതാണു പ്രവാസി വ്യവസായി സാജൻ പറയിൽ ആത്മഹത്യ ചെയ്യാൻ കാരണമെന്നു കുടുംബാംഗങ്ങൾ ആരോപിക്കുന്നുണ്ട്. താൻ ഇരിക്കുന്ന കാലത്തോളം അനുമതി ലഭിക്കില്ലെന്നു നഗരസഭ ചെയർപേഴ്സൻ പി.കെ.ശ്യാമള പറഞ്ഞു. കൺവൻഷൻ സെന്റർ ഒരിക്കലും തുറക്കാനാവില്ലെന്ന തോന്നലാണ് ആത്മഹത്യയിലേക്കു നയിച്ചതെന്നും കൂടെനിന്ന പാർട്ടിക്കാർത്തന്നെ ചതിക്കുകയായിരുന്നെന്നും സാജന്റെ ഭാര്യ ബീനയും ഭാര്യാപിതാവ് പുരുഷോത്തമനും ആരോപിച്ചു. ഇത് ശരിവയ്ക്കുന്ന വിവരങ്ങളാണ് ഇപ്പോഴും പുറത്ത് വരുന്നത്. ഇതിനിടെയിലും ശ്യാമളയെ രക്ഷിക്കാനാണ് സിപിഎം ശ്രമിക്കുന്നത്. പരാതിയുമായി ചെന്നപ്പോൾ പി.കെ.ശ്യാമള മാനസികമായി തളർത്തിയെന്ന ആരോപണത്തിന് തെളിവില്ലെന്നും സിപിഎം പറയുന്നു.
കോടികൾ മുടക്കി നിർമ്മിച്ച കൺവൻഷൻ സെന്റർ ഒരിക്കലും തുറന്നു പ്രവർത്തിക്കാൻ പറ്റില്ലെന്ന തോന്നൽ സാജനെ മാനസികമായി തളർത്തി. ആന്തൂരിലെ പാർട്ടിയിൽ നിലനിൽക്കുന്ന വിഭാഗീയതയും സാജന്റെ പദ്ധതിക്ക് അനുമതി ലഭിക്കാതിരിക്കാൻ കാരണമായെന്ന് ആരോപണമുണ്ട്. അനുമതി നിഷേധിച്ചിട്ടില്ലെന്നും നടപടിക്രമങ്ങൾ പൂർത്തിയാകാനുള്ള താമസമാണ് ഉണ്ടായതെന്നുമാണു നഗരസഭയുടെ വിശദീകരണം. ആന്തൂർ നഗരസഭയ്ക്കെതിരെ ഉയർന്ന ആരോപണങ്ങൾ അടിസ്ഥാന രഹിതമെന്ന് നഗരസഭാധ്യക്ഷ പി.കെ.ശ്യാമള പറഞ്ഞു. വ്യവസായിയോട് വ്യക്തിവൈരാഗ്യം ഉണ്ടായിരുന്നില്ല. കൺവൻഷൻ സെന്ററിന്റെ ഉടമസ്ഥാവകാശ സർട്ടിഫിക്കറ്റ് നൽകാൻ നിയമപ്രകാരമുള്ള കാലതാമസം മാത്രമേ ഉണ്ടായിട്ടുള്ളൂ എന്നാണ് നഗരസഭയുടെ വിശദീകരണം. ഇത് തള്ളിയാണ് നാല് ഉദ്യോഗസ്ഥർക്കെതിരെ സർക്കാർ സസ്പെൻഷൻ നടപടി എടുത്തത്.
പാർത്ഥാ കൺവെൻഷൻ സെന്ററിന്റെ പണി പൂർത്തിയായ കെട്ടിടത്തിന്റെ ഉടമാവകാശ രേഖയ്ക്ക് അപേക്ഷിച്ച ശേഷം പാർഥാസ് ബിൽഡേഴ്സ് എംഡി കൂടിയായ സാജനും കൂടെയുള്ളവരും ആന്തൂർ നഗരസഭാ ഓഫിസ് കയറിയിറങ്ങിയത് 20 വട്ടമാണ്. ഏപ്രിൽ 12ന് അപേക്ഷ നൽകിയശേഷമുള്ള 2 മാസത്തിനിടെയാണിത്. അപേക്ഷ നൽകിയാൽ 15 ദിവസത്തിനകം പരിശോധിച്ച് രേഖ നൽകണമെന്നാണു ചട്ടം. എന്നാൽ 18 ദിവസം കഴിഞ്ഞ്, ഏപ്രിൽ 30ന് സാജന് ആദ്യ നോട്ടിസ് കിട്ടി. പാർക്കിങ് ഏരിയയിലെ അപാകമായിരുന്നു പ്രശ്നം. അതു പരിഹരിച്ച് മെയ് 6ന് വീണ്ടും പ്ലാൻ നൽകി. പിന്നീയും ചുവപ്പു നാടയെത്തി. ആദ്യമൊന്നും കാര്യം സാജന് മനസ്സിലായില്ല. പിന്നീട് പി ജയരാജനോട് പരാതി പറഞ്ഞതിലെ പ്രശ്നമാണെന്ന് മനസ്സിലാക്കി. സാജനോടുള്ള വൈരാഗ്യം തീർക്കാൻ നഗരസഭയിലെ ചിലർ പുതിയ ന്യായങ്ങൾ നിരത്തി. ഏപ്രിൽ 30നു നൽകിയ നോട്ടിസിൽ കണ്ടെത്താത്ത പുതിയൊരു കുഴപ്പം പറഞ്ഞ് വീണ്ടും നോട്ടിസ്. മൂന്നാമതും പ്ലാൻ സമർപ്പിച്ചപ്പോൾ ജൂൺ 15നു വീണ്ടും നോട്ടിസ് നൽകി. ഒരിക്കൽക്കൂടി നഗരസഭാധികൃതരെ കണ്ട് അഭ്യർത്ഥിക്കാൻ 18നു രാവിലെ ഓഫിസിലെത്തുമെന്ന് സാജൻ അറിയിച്ചിരുന്നു. എന്നാൽ, തന്നെ മനഃപൂർവം ദ്രോഹിക്കുകയാണെന്നും വീണ്ടും തടസ്സവാദമുന്നയിക്കുമെന്നുമുള്ള നിഗമനത്തിൽ സാജൻ അന്നു പുലർച്ചെ ആത്മഹത്യയുടെ വഴി തിരഞ്ഞെടുത്തു.
കെട്ടിടത്തിനെതിരെ രേഖാമൂലം ഒരു പരാതിയും ഇല്ല. 2018ൽ അജ്ഞാത ഫോൺ സന്ദേശത്തിലൂടെ ആദ്യ പരാതി ലഭിച്ചെന്നാണ് നഗരസഭ പറയുന്നത്. നിർമ്മാണത്തിന്റെ തുടക്കം മുതൽ അപാകമെന്നാണ് നഗരസഭ ആവർത്തിക്കുന്നത്. എന്നാൽ, ഗ്രൗണ്ട് ഫ്ളോറിൽ ഒരു സ്ലാബ് നിർമ്മിച്ചതു മാത്രമാണ്, ജില്ലാ നഗരാസൂത്രണ വിഭാഗത്തിന്റെ പരിശോധനയിൽ കണ്ടെത്തിയത്. അത് വലിയൊരു പിഴുമില്ല.
സാജന്റെ ഭാഗം ശരിയെന്ന് ജയരാജനും
അതിനിടെ സാജന്റെ മരണത്തിലെ സത്യങ്ങൾ സമ്മതിച്ച് കണ്ണൂർ മുൻ ജില്ലാ സെക്രട്ടറി പി ജയരാജനും രംഗത്ത് വന്നു. കൺവെൻഷൻ സെന്ററിന്റെ ഒരുഭാഗം പൊളിച്ചുമാറ്റണമെന്ന് 2018-ൽ നഗരസഭ ആവശ്യപ്പെട്ടപ്പോൾ സാജൻ പാറയിൽ എന്നയാൾ പാർട്ടി അനുഭാവിയായതിനാലാവാം ജില്ലാ കമ്മിറ്റിക്ക് കത്ത് തന്നു. നഗരസഭ ഇക്കാര്യത്തിൽ ടൗൺ പ്ലാനർക്ക് കത്തെഴുതി. വിഷയം പരിശോധിച്ച് യുക്തമായ തീരുമാനമെടുക്കാൻ ടൗൺ പ്ലാനറും നഗരസഭാ സെക്രട്ടറിയും ചേർന്ന് പരിശോധന നടത്താൻ തീരുമാനമായി. ഒടുവിൽ കെട്ടിടത്തിന്റെ ഒരു ഭാഗം മാറ്റി ചുമർ പൊളിക്കാതെ റഗുലറൈസ് ചെയ്യാനും തിരുമാനമായി. 2018 ഒക്ടോബറിൽ അത് പൂർത്തിയാക്കിയിരുന്നു. അവസാനം പണികൾ പൂർത്തിയായി ലൈസൻസിന് അപേക്ഷ കൊടുത്തതായി അറിയുന്നു. അത് ലഭിക്കാൻ വൈകിയതായിരിക്കാം പ്രശ്നങ്ങൾക്കു കാരണം. പക്ഷേ, ഇത്തരം കാര്യങ്ങൾ വൈകിപ്പിച്ച് സംരംഭകരെ അനാവശ്യമായി ബുദ്ധിമുട്ടിക്കാൻ പാടില്ലായിരുന്നു. ചില മാധ്യമങ്ങളിൽ കാണുന്നതുപോലെ രാഷ്ട്രീയവിരോധമോ രാഷ്ട്രീയതാത്പര്യമോ ഒന്നും ഇക്കാര്യത്തിലില്ല- പി. ജയരാജൻ പറഞ്ഞു.
ഇവിടെ പാർട്ടിയേയും ചെയർപേഴ്സണിനേയും കുറ്റം പറയാതെ സത്യം പറയുകയാണ് ജയരാജൻ. എന്നാൽ വരികൾക്കിടയിൽ സാജനോട് കാട്ടിയ നീതി നിഷേധം ഉറപ്പിച്ചു വയ്ക്കുന്നുമുണ്ട്. വിദേശത്തു ജോലിചെയ്തു സമ്പാദിച്ച പണവുമായി നാട്ടിൽ വ്യവസായം തുടങ്ങാൻ വരുന്ന സംരംഭകരോട് ഒരിക്കലും നിഷേധാത്മക നിലപാട് സ്വീകരിക്കാൻ പാടില്ലെന്നും സിപിഎം. സംസ്ഥാനകമ്മിറ്റി അംഗമായ പി. ജയരാജൻ പറയുന്നു. സാജൻ ജീവനൊടുക്കാനിടയായ സാഹചര്യത്തിന് ഉത്തരം പറയേണ്ടത് ഉദ്യോഗസ്ഥരാണ്. ആവശ്യമായ എല്ലാ സർട്ടിഫിക്കറ്റുകളും സമർപ്പിച്ചതായാണ് അറിയാൻ കഴിഞ്ഞത്.
ചില്ലറ പണികളേ ബാക്കിയുള്ളൂ. അവിടെ ഒരു വിവാഹം നടന്നതിന്റെ പേരിൽ പോലും രജിസ്ട്രേഷൻ ഇല്ലെന്നുപറഞ്ഞു നോട്ടീസയച്ച ഉദ്യോഗസ്ഥർ ശരിക്കും ജനദ്രോഹമാണു ചെയ്തതെന്നും അദ്ദേഹം പറഞ്ഞു. ഈ സംഭവത്തിൽ ചെയർപേഴ്സൺ ഉത്തരവാദിയാണെന്ന് പറയാനാവില്ല. ചെയർപേഴ്സണ് കെട്ടിടനിർമ്മാണ ചട്ടത്തിൽ ഇടപെടാൻ അധികാരമില്ല. അതേസമയം, ഉദ്യോഗസ്ഥരുടെമേലെ ജനപ്രതിനിധികൾക്ക് ഇടപെടാൻ കഴിയണം- അദ്ദേഹം പറഞ്ഞു. നിയമം തെറ്റിച്ചുകൊടുത്താൽ അഴിമതിയാരോപണം ഉണ്ടാവുമോ എന്ന ആശങ്ക ഉദ്യോഗസ്ഥർക്കും ഉണ്ടായിരിക്കാമെന്ന് ജയരാജൻ പറയുന്നു.
MNM Recommends
-
ടോസിനു പിന്നാലെ വീണ്ടും മഴ; രാജസ്ഥാൻ-കൊൽക്കത്ത മത്സരം ഒരു പന്ത് പോലും എറിയാതെ ഉപേക്ഷിച്ചു; ഹൈദരാബാദിനൊപ്പം എത്തിയെങ്കിലും നെറ്റ് റൺറേറ്റിൽ രാജസ്ഥാന് തിരിച്ചടി; എലിമിനേറ്ററിൽ ആർസിബിയുമായി ഏറ്റുമുട്ടും -
'അപകട സ്ഥലത്തുനിന്ന് ലഭിക്കുന്നത് ആശങ്കയുണ്ടാക്കുന്ന വാർത്ത; പ്രസിഡന്റിനായി പ്രാർത്ഥിക്കണം'; ഹെലികോപ്റ്റർ അപകടത്തിൽപ്പെട്ട സ്ഥലം കണ്ടെത്തി; മോശം കാലാവസ്ഥാ രക്ഷാദൗത്യത്തിന് തടസമാകുന്നുവെന്നും ഇറാൻ വാർത്താ ഏജൻസി; ഹൃദയവും പ്രാർത്ഥനയും ഇറാൻ ജനതയ്ക്കുമൊപ്പമെന്ന് ഹമാസ് -
'വോട്ട് ബാങ്ക് ലക്ഷ്യമിട്ട് മത-സാമൂഹിക സംഘടനകളെ ഭീഷണിപ്പെടുത്തുന്നു'; തൃണമൂൽ കോൺഗ്രസ് എല്ലാ അതിരുകളും ലംഘിച്ചിരിക്കുന്നു; മമത ബാനർജിക്കെതിരെ വിമർശനവുമായി നരേന്ദ്ര മോദി -
'ബിഭവ് കുമാറിന്റെ ഫോൺ ഫോർമാറ്റ് ചെയ്തു; പെൻഡ്രൈവിൽനിന്ന് വിഡിയോ ദൃശ്യങ്ങൾ ഡിലീറ്റ് ചെയ്തു'; സ്വാതി മലിവാളിനെ മർദിച്ച കേസിൽ ബിഭവിനെതിരെ ശക്തമായ തെളിവുകൾ; പ്രചരിക്കുന്നത് എഡിറ്റ് ചെയ്ത ദൃശ്യങ്ങളെന്ന് സ്വാതി -
തകർപ്പൻ അർധസെഞ്ചുറിയുമായി അഭിഷേക് ശർമ; ബാറ്റിങ് വെടിക്കെട്ടുമായി ഹെന്റിച് ക്ലാസനും നിതിഷ് കുമാർ റെഡ്ഡിയും; പഞ്ചാബിനെ നാല് വിക്കറ്റിന് കീഴടക്കി ഹൈദരാബാദ് രണ്ടാമത്; കൊൽക്കത്തക്കെതിരെ രാജസ്ഥാന് ജയിച്ചേ തീരു -
മോശം കാലാവസ്ഥ: ഇറാൻ പ്രസിഡന്റ് ഇബ്രാഹിം റെയ്സി സഞ്ചരിച്ച ഹെലികോപ്റ്റർ അപകടത്തിൽപ്പെട്ടു; അപകടം, അസർബൈജാൻ അതിർത്തിക്കടുത്ത് ജോൽഫ നഗരത്തിൽ; ആശയ വിനിമയം നടക്കുന്നതായി വാർത്താ ഏജൻസി -
പോക്സോ കേസിൽ ലുക്ക് ഔട്ട് നോട്ടീസ് ഇറക്കി പ്രതിയെ പിടികൂടി; ഡൽഹി എയർപോർട്ടിൽ നിന്ന് പിടിയിലായ മലയാളി യുവാവ് കസ്റ്റഡിയിൽ നിന്ന് രക്ഷപ്പെട്ടു; മുങ്ങിയത് കേരളത്തിലേയ്ക്കുള്ള യാത്രക്കിടെ -
സംഘർഷത്തിനിടെ പോക്കറ്റിൽനിന്ന് വീണ ഫോൺ പൊലീസിൽ ഏൽപ്പിച്ചതിന്റെ വൈരാഗ്യം; കായംകുളത്ത് യുവാവിനെ പട്ടാപ്പകൽ തട്ടിക്കൊണ്ടുപോയി വെട്ടിക്കൊല്ലാൻ ശ്രമം; ഫോണും വാച്ചും തട്ടിയെടുത്തു; മൂന്നുപേർ അറസ്റ്റിൽ -
സാധാരണക്കാരെ പണം വാഗ്ദാനം ചെയ്ത് വിദേശത്തേക്ക് കൊണ്ടുപോകും; ഇറാനിലെ ആശുപത്രിയിലെത്തിച്ച് അവയവ വിൽപന; അന്താരാഷ്ട്ര അവയവക്കടത്ത് സംഘത്തിന്റെ മുഖ്യകണ്ണിയായ തൃശ്ശൂർ സ്വദേശി കൊച്ചിയിൽ പിടിയിൽ -
അർധ സെഞ്ചുറിയുമായി പ്രഭ്സിമ്രാൻ സിങ്; ഓപ്പണറായി തകർത്തടിച്ച് അഥർവ ടൈഡെ; ബാറ്റിങ് വെടിക്കെട്ടുമായി റിലീ റൂസോയും; റൺമല ഉയർത്തി പഞ്ചാബ്; രണ്ടാം സ്ഥാനത്തെത്താൻ ഹൈദരാബാദിന് 215 റൺസ് വിജയലക്ഷ്യം -
'കാറിൽ ഡ്രൈവ് ചെയ്തു പോകവേ തലവേദനയും ബോധക്ഷയവും; അവൾ പലവട്ടം പറഞ്ഞു ടെൻഷൻ ഒന്നും ഇല്ല എന്ന്; പെയിൻ കില്ലറും മറ്റു മരുന്നുകളും കൊടുത്തു; അർധരാത്രി ഞാൻ ഉണർന്നു നോക്കിയപ്പോൾ മോളുടെ ബോഡി നല്ല ഐസ് പോലെ ആയിരുന്നു'; മകളെ മരണത്തിലേക്ക് നയിച്ച ചികിത്സ പിഴവ് തുറന്നുപറഞ്ഞ് പിതാവ് -
'റായ്ബറേലിയെ ഉപേക്ഷിച്ച സോണിയ മണ്ഡലം മകന് കൈമാറി; ഇപ്പോൾ സ്വന്തം മകനുവേണ്ടി വോട്ട് ചോദിക്കുന്നു; കുടുംബസ്വത്തായിട്ടാണ് റായ്ബറേലിയെ കരുതുന്നത്'; സോണിയയെയും രാഹുലിനെയും വിമർശിച്ച് നരേന്ദ്ര മോദി -
'ബിജെപിക്ക് ഇപ്പോൾ ആർഎസ്എസിന്റെ സഹായം ആവശ്യമില്ല; ബിജെപി വളർന്ന് സ്വയം പര്യാപ്തത നേടി; ആർഎസ്എസ് സാംസ്കാരിക സാമൂഹിക സംഘടന; ഞങ്ങളൊരു രാഷ്ട്രീയ സംഘടന'; കാശിയിലും മഥുരയിലും തർക്കപ്രദേശത്ത് ക്ഷേത്രം പണിയാൻ ബിജെപിക്ക് പദ്ധതിയില്ലെന്നും ജെ പി നഡ്ഡ -
പത്താം സ്ഥാനത്ത് നിന്നും നാലാം സ്ഥാനത്തേക്ക് അവിശ്വസനീയമായ കുതിപ്പ്; ആർസിബിയുടെ പ്ലേ ഓഫ് പ്രവേശനം ആഘോഷരാവാക്കി ആരാധകർ; ബെംഗളൂരുവിൽ മണിക്കൂറുകളോളം ഗതാഗതക്കുരുക്ക്; വികാരാധീനനായി വിരാട് കോലിയും ഭാര്യ അനുഷ്കയും -
മോഷണത്തിനിടെ ആളുകളെ ആക്രമിക്കും; 33 വയസ്സിനിടെ അഞ്ച് കൊലക്കേസ്; കരുതൽ ഇല്ലാതെ വിലങ്ങ് അഴിച്ചതുകൊടുംകുറ്റവാളി അവസരമാക്കി; മോഷ്ടിച്ച ബൈക്കിൽ കേരളം വിട്ടെന്ന് നിഗമനം; ബാലമുരുകനെ കുറിച്ച് തമിഴ്നാട് പൊലീസിനും തുമ്പൊന്നും ഇല്ല; കൊടുംകുറ്റവാളി രൂപം മാറ്റുന്നതിലും വിരുതൻ -
പ്രയാർ മാർത്തോമ പള്ളിയുടെ സെമിത്തേരി മതിൽ തകർന്ന് ശവപ്പെട്ടി പുറത്തു വന്നു; തിരുവനന്തപുരത്ത് സ്മാർട് സിറ്റി റോഡ് നിർമ്മാണ കുഴികളിൽ നിറയെ വെള്ളം; തലസ്ഥാനവും പത്തനംതിട്ടയും ദുരിതകയത്തിൽ; മഴ തുടർന്നാൽ വെള്ളക്കെട്ട് പ്രതിസന്ധി രൂക്ഷമാകും -
കണക്കു പുസ്തകം സൂക്ഷിച്ചത് 'ബോസിന്' വിൽപ്പന വിവരങ്ങൾ ശരിയായി അറിയാൻ; സിറിഞ്ച് ഉപയോഗിച്ച് ലഹരി കുത്തി വയ്ക്കുന്നതിന്റെയും ചിത്രങ്ങളും മൊബൈലിൽ; അൽകാ ബോണിക്ക് സിനിമാക്കാരുമായും ബന്ധം; മോഡലിങ് പ്രമുഖർ നിരീക്ഷണത്തിൽ; വരാപ്പുഴയിൽ എല്ലാം വ്യക്തം -
ബിലീവേഴ്സ് ചർച്ച് പരമാധ്യക്ഷന്റെ ഭൗതികശരീരം നാട്ടിലെത്തിച്ചു; ഭൗതിക ശരീരം വൈകിട്ട് ജന്മനാടായ നിരണത്തെ ദേവാലയത്തിൽ എത്തിച്ച് സംസ്കാര ശുശ്രൂഷകൾ നടത്തും; 11ന് കബറടക്ക ശുശ്രൂഷ; മോർ അത്തനേഷ്യസ് യോഹാന് അന്ത്യയാത്ര -
പൊട്ടലിന് ഇട്ടത് അളവ് മാറിയ കമ്പി; മറ്റൊരു രോഗിക്കുള്ള കമ്പിയാണ് അജിത്തിന് ഇട്ടതെന്ന ആരോപണം ശക്തം; കോഴിക്കോട് മെഡിക്കൽ കോളേജിൽ വീണ്ടും ചികിൽസാ പിഴവ് വിവാദം; ആരോപണം നിഷേധിച്ച് ഡോക്ടറും -
പത്തനംതിട്ടയും കോട്ടയവും ഇടുക്കിയും പെരുമഴ ഭീഷണിയിൽ; ഉച്ചയ്ക്ക് ശേഷം മഴ കനക്കുമെന്ന വിലയിരുത്തലിൽ മുന്നൊരുക്കം; സീസണിലെ ആദ്യ ന്യൂനമർദ്ദം ബുധനാഴ്ച ബംഗാൾ ഉൾക്കടലിൽ വരുമെന്നും സൂചന; കാലവർഷം ആൻഡമാനിൽ എത്തുന്നു; കേരളത്തിൽ ഇനി പെരുമഴക്കാലം; ജാഗ്രത അതിശക്തം
Most Read
- 'അപകട സ്ഥലത്തുനിന്ന് ലഭിക്കുന്നത് ആശങ്കയുണ്ടാക്കുന്ന വാർത്ത; പ്രസിഡന്റിനായി പ്രാർത്ഥിക്കണം'; ഹെലികോപ്റ്റർ അപകടത്തിൽപ്പെട്ട സ്ഥലം കണ്ടെത്തി; മോശം കാലാവസ്ഥാ രക്ഷാദൗത്യത്തിന് തടസമാകുന്നുവെന്നും ഇറാൻ വാർത്താ ഏജൻസി; ഹൃദയവും പ്രാർത്ഥനയും ഇറാൻ ജനതയ്ക്കുമൊപ്പമെന്ന് ഹമാസ്
- 'കാറിൽ ഡ്രൈവ് ചെയ്തു പോകവേ തലവേദനയും ബോധക്ഷയവും; അവൾ പലവട്ടം പറഞ്ഞു ടെൻഷൻ ഒന്നും ഇല്ല എന്ന്; പെയിൻ കില്ലറും മറ്റു മരുന്നുകളും കൊടുത്തു; അർധരാത്രി ഞാൻ ഉണർന്നു നോക്കിയപ്പോൾ മോളുടെ ബോഡി നല്ല ഐസ് പോലെ ആയിരുന്നു'; മകളെ മരണത്തിലേക്ക് നയിച്ച ചികിത്സ പിഴവ് തുറന്നുപറഞ്ഞ് പിതാവ്
- ടോസിനു പിന്നാലെ വീണ്ടും മഴ; രാജസ്ഥാൻ-കൊൽക്കത്ത മത്സരം ഒരു പന്ത് പോലും എറിയാതെ ഉപേക്ഷിച്ചു; ഹൈദരാബാദിനൊപ്പം എത്തിയെങ്കിലും നെറ്റ് റൺറേറ്റിൽ രാജസ്ഥാന് തിരിച്ചടി; എലിമിനേറ്ററിൽ ആർസിബിയുമായി ഏറ്റുമുട്ടും
- കണക്കു പുസ്തകം സൂക്ഷിച്ചത് 'ബോസിന്' വിൽപ്പന വിവരങ്ങൾ ശരിയായി അറിയാൻ; സിറിഞ്ച് ഉപയോഗിച്ച് ലഹരി കുത്തി വയ്ക്കുന്നതിന്റെയും ചിത്രങ്ങളും മൊബൈലിൽ; അൽകാ ബോണിക്ക് സിനിമാക്കാരുമായും ബന്ധം; മോഡലിങ് പ്രമുഖർ നിരീക്ഷണത്തിൽ; വരാപ്പുഴയിൽ എല്ലാം വ്യക്തം
- പതിനേഴുകാരൻ ഓടിച്ച പോർഷെ കാർ ഇടിച്ച് രണ്ടുപേർ മരിച്ചു
- സാധാരണക്കാരെ പണം വാഗ്ദാനം ചെയ്ത് വിദേശത്തേക്ക് കൊണ്ടുപോകും; ഇറാനിലെ ആശുപത്രിയിലെത്തിച്ച് അവയവ വിൽപന; അന്താരാഷ്ട്ര അവയവക്കടത്ത് സംഘത്തിന്റെ മുഖ്യകണ്ണിയായ തൃശ്ശൂർ സ്വദേശി കൊച്ചിയിൽ പിടിയിൽ
- സംഘർഷത്തിനിടെ പോക്കറ്റിൽനിന്ന് വീണ ഫോൺ പൊലീസിൽ ഏൽപ്പിച്ചതിന്റെ വൈരാഗ്യം; കായംകുളത്ത് യുവാവിനെ പട്ടാപ്പകൽ തട്ടിക്കൊണ്ടുപോയി വെട്ടിക്കൊല്ലാൻ ശ്രമം; ഫോണും വാച്ചും തട്ടിയെടുത്തു; മൂന്നുപേർ അറസ്റ്റിൽ
- 'ബിഭവ് കുമാറിന്റെ ഫോൺ ഫോർമാറ്റ് ചെയ്തു; പെൻഡ്രൈവിൽനിന്ന് വിഡിയോ ദൃശ്യങ്ങൾ ഡിലീറ്റ് ചെയ്തു'; സ്വാതി മലിവാളിനെ മർദിച്ച കേസിൽ ബിഭവിനെതിരെ ശക്തമായ തെളിവുകൾ; പ്രചരിക്കുന്നത് എഡിറ്റ് ചെയ്ത ദൃശ്യങ്ങളെന്ന് സ്വാതി
- പോക്സോ കേസിൽ ലുക്ക് ഔട്ട് നോട്ടീസ് ഇറക്കി പ്രതിയെ പിടികൂടി; ഡൽഹി എയർപോർട്ടിൽ നിന്ന് പിടിയിലായ മലയാളി യുവാവ് കസ്റ്റഡിയിൽ നിന്ന് രക്ഷപ്പെട്ടു; മുങ്ങിയത് കേരളത്തിലേയ്ക്കുള്ള യാത്രക്കിടെ
- 'ബിജെപിക്ക് ഇപ്പോൾ ആർഎസ്എസിന്റെ സഹായം ആവശ്യമില്ല; ബിജെപി വളർന്ന് സ്വയം പര്യാപ്തത നേടി; ആർഎസ്എസ് സാംസ്കാരിക സാമൂഹിക സംഘടന; ഞങ്ങളൊരു രാഷ്ട്രീയ സംഘടന'; കാശിയിലും മഥുരയിലും തർക്കപ്രദേശത്ത് ക്ഷേത്രം പണിയാൻ ബിജെപിക്ക് പദ്ധതിയില്ലെന്നും ജെ പി നഡ്ഡ