Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Sep / 202022Tuesday

മജിസ്ട്രേട്ട് കോടതിക്ക് എപിപി മറ്റ് കോടതികൾക്ക് പിപി, ഏറ്റവും വലിയ ആൾ എജി; ക്രിമിനൽ കേസിലെ അന്തിമ ഉപദേശകൻ ഡിജിപി; സിവിൽ കേസുകൾക്ക് പ്ലീഡർ; കോടതിയിലെ പ്രോസിക്യൂട്ടർമാരെക്കുറിച്ച് അറിയേണ്ടതെല്ലാം പറഞ്ഞ് ലേയ്മാൻസ് ലോ

മജിസ്ട്രേട്ട് കോടതിക്ക് എപിപി മറ്റ് കോടതികൾക്ക് പിപി, ഏറ്റവും വലിയ ആൾ എജി; ക്രിമിനൽ കേസിലെ അന്തിമ ഉപദേശകൻ ഡിജിപി; സിവിൽ കേസുകൾക്ക് പ്ലീഡർ; കോടതിയിലെ പ്രോസിക്യൂട്ടർമാരെക്കുറിച്ച് അറിയേണ്ടതെല്ലാം പറഞ്ഞ് ലേയ്മാൻസ് ലോ

അഡ്വ.ഷാജൻ സ്‌കറിയ

ഡ്വക്കേറ്റ് ജനറൽ, ഡയറക്ടർ ജനറൽ ഓഫ് പ്രോസിക്യൂഷൻ, അഡീഷണൽ ഡയറക്ടർ ജനറൽ ഓഫ് പ്രോസിക്യൂഷൻ, എപിപി, അല്ലെങ്കിൽ പബ്ലിക് പ്രോസിക്യൂട്ടർ, ഗവൺമെന്റ് പ്ലീഡർ, സ്‌പെഷ്യൽ പബ്ലിക്ക് പ്രോസിക്യൂട്ടർ, തുടങ്ങി നിരവധി പ്രയോഗങ്ങൾ നമ്മൾ മാധ്യമങ്ങളിലൂടെ കാണാറും കേൾക്കാറുമുണ്ട്. കോടതിയുമായി ബന്ധപ്പെട്ട ചില വിശേഷണങ്ങളാണ്. ഇന്നത്തെ ലേയ് മാൻസ് ലോയിൽ ഈ തസ്തികകളുടെ വ്യത്യാസം പരിശോധിക്കുന്നു.

ഈ സംവിധാനത്തിന്റെ ഏറ്റവും മുകളിലുള്ള പദവിയാണ് എജി അഥവാ അഡ്വക്കേറ്റ് ജനറൽ. എല്ലാ സംസ്ഥാനങ്ങൾക്കും ഒരു അഡ്വക്കേറ്റ് ജനറലുണ്ട്. അദ്ദേഹമാണ് കോടതിയിലെ സംസ്ഥാന സർക്കാരിന്റെ പ്രതിനിധി. സുധാകർ പ്രസാദാണ് നമ്മുടെ സംസ്ഥാനത്തെ എജി. ഈ എജി അഭിഭാഷകരുടെ ഏറ്റവും തലപ്പത്തുള്ളയാളാണ്. ഭരണഘടനാപദവിയാണ്. ഓരോ സർക്കാരും മാറുന്നതനുസരിച്ച് എജി മാറും.

Stories you may Like

രണ്ടാമത്തെ വലിയ പദവിയാണ് ഡയറക്ടർ ജനറൽ ഓഫ് പ്രോസിക്യൂഷൻ. മഞ്ചേരി ശ്രീധരൻ നായരാണ് ഇപ്പോൾ ഡിജിപി. എജിയുടെ കീഴിലാണോ ഡിജിപിയെന്ന് ചോദിച്ചാൽ അല്ല. എന്നാൽ, ഭരണഘടനാപരമായ പദവിയല്ല താനും. എല്ലാ ക്രിമിനൽ കേസുകളുടെയും പ്രോസിക്യൂഷൻ ചുമതലയുള്ള ആൾ. ഡിജിപിയാണ് ഏറ്റവും വലിയ കേസിൽ നേരിട്ട് ഹാജരാവുന്നത്. അതിന്റെ താഴെ ഒന്നോ രണ്ടോ അഡീഷണൽ ഡിജിപിമാരുണ്ടാകും.

സർക്കാർ വാദിയായി വരുന്ന മുഴുവൻ സിവിൽ കേസുകളുടെയും ചുമതല എജിക്കാണ്. എല്ലാ കേസുകളുടെയും പരമാധികാരിയെന്ന് പറയുന്നത് ഡിജിപിയാണ്. സിവിൽ കേസിൽ ഒരുകക്ഷി നേരിട്ടാണ് കോടതിയെ സമീപിക്കുന്നത്. ആ കക്ഷിയാണ് നേരിട്ട് അഭിഭാഷകനെ വയ്ക്കുന്നത്. എതിർകക്ഷിയാണ് അവരുടെ അഭിഭാഷകനെ വയ്ക്കുന്നത്. സിവിൽ കേസിൽ രണ്ടുസ്വകാര്യ വൃക്തികൾ തമ്മിലുള്ള തർക്കമാണ്. അതേസമയം സർക്കാരാണ് സിവിൽ കേസിലെ കക്ഷിയെങ്കിൽ, അത്ുവാദിക്കാനുള്ള ചുമതല പ്ലീഡർമാർക്കാണ്.

ലേയ്മാൻസ് ലോയുടെ പൂർണരൂപത്തിന് വീഡിയോ കാണുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Loading...
Go to TOP