Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ഇന്ത്യാ മഹാരാജ്യത്തെ സ്നേഹിക്കുന്ന സകല മനുഷ്യരും പ്രാർത്ഥനയോടെ കാത്തിരുന്ന മഹത്തായ തീരുമാനമാണ് സുന്നി വഖഫ് ബോർഡിന്റെ ഭാഗത്ത് നിന്നുണ്ടായിരിക്കുന്നത്; ഒരു ജനതയെ കുരുതി കൊടുത്ത് പള്ളി പണിയുന്നതിലും നല്ലതാണ് രാമൻ ജനിച്ച സ്ഥലത്ത് ക്ഷേത്രം പണിയാൻ അനുവദിക്കുന്നതെന്ന തിരിച്ചറിവിന് സുന്നി വഖഫ് ബോർഡിനോട് എത്ര തവണ നന്ദി പറഞ്ഞാൽ മതിയാവും? സുന്നികളെ നിങ്ങളാണ് യഥാർത്ഥ രാജ്യസ്നേഹികൾ; ഇൻസ്റ്റന്റ് റെസ്‌പോൺസ്

ഇന്ത്യാ മഹാരാജ്യത്തെ സ്നേഹിക്കുന്ന സകല മനുഷ്യരും പ്രാർത്ഥനയോടെ കാത്തിരുന്ന മഹത്തായ തീരുമാനമാണ് സുന്നി വഖഫ് ബോർഡിന്റെ ഭാഗത്ത് നിന്നുണ്ടായിരിക്കുന്നത്; ഒരു ജനതയെ കുരുതി കൊടുത്ത് പള്ളി പണിയുന്നതിലും നല്ലതാണ് രാമൻ ജനിച്ച സ്ഥലത്ത് ക്ഷേത്രം പണിയാൻ അനുവദിക്കുന്നതെന്ന തിരിച്ചറിവിന് സുന്നി വഖഫ് ബോർഡിനോട് എത്ര തവണ നന്ദി പറഞ്ഞാൽ മതിയാവും? സുന്നികളെ നിങ്ങളാണ് യഥാർത്ഥ രാജ്യസ്നേഹികൾ; ഇൻസ്റ്റന്റ് റെസ്‌പോൺസ്

മറുനാടൻ ഡെസ്‌ക്‌

ജനാധിപത്യ വശ്വാസികളെ സംബന്ധിച്ചടത്തോളം ഏറ്റവും സങ്കടകരമായ ദിവസമാണ് 1992 ഡിസംബർ ആറാം തീയതി. നൂറ്റാണ്ടുകളുടെ പഴക്കമുള്ള ആ പള്ളി ഒരു കൂട്ടം കാപാലികർ തല്ലി തകർത്ത ദിവസമാണ് അത്. ബാബറി മസ്ജീദ് എന്ന ഏറ്റവും പുരാതനമായ ഒരു ആരാധനാലയം കാപാലികരായ ഒരു കൂട്ടം മത തീവ്രവാദികൾ തല്ലി തകർത്തപ്പോൾ ഇടനെഞ്ച് പൊട്ടി കരഞ്ഞത് ഇന്ത്യ എന്ന മാതൃരാജ്യമാണ്. അതിനും എത്രയോ വർഷങ്ങൾക്ക് മുൻപ് എത്രയോ വർഷം പഴക്കമുള്ള ആ പള്ളിയുടെ അവകാശത്തെ സംബന്ധിച്ച് തർക്കം നടക്കുന്നു. സംഭവം നടന്ന് 27 വർഷം പിന്നിട്ടെങ്കിലും അനേകം ജീവനുകൾ നഷ്ടപ്പെട്ടെങ്കിലും ഒരു തീരുമാനത്തിലെത്താൻ ഇപ്പോഴും രാജ്യത്തെ പരമോന്നത നീതി പീഠത്തിന് പോലും കഴിഞ്ഞിട്ടില്ല.

ഇപ്പോൾ ഒരു തീരുമാനത്തിൽ എത്താൻ സുപ്രീം കോടതി തീരുമാനിച്ചിരിക്കുന്നു. വർഷങ്ങളോളം നീണ്ട് നിൽക്കുന്ന സംവാദങ്ങൾക്കും തെളിവ് ശേഖരണത്തിനും എല്ലാം ഒടുവിൽ അലഹബാദ് ഹൈക്കോടതി വിധിയുടെ അപ്പീലിൽ സുപ്രീം കോടതിയുടെ പരമോന്നത ബഞ്ച് തീരുമാനമെടുക്കുകയാണ്. കോടതി നിയോഗിച്ച മധ്യസ്ത കമ്മിറ്റികളൊക്കെ മുൻപും പലതും മുൻപോട്ട് കൊണ്ട് വന്നിട്ടുണ്ട്. ഏറ്റവും ഒടുവിൽ വാദം തീരാറായപ്പോൾ സുന്നി വഖഫ് ബോർഡ് മുന്നോട്ട് വെച്ച ആശാവഹമായ നിർദ്ദേശങ്ങൾ ഏതൊരു രാജ്യസ്‌നേഹിയേയും സന്തോഷിപ്പിക്കുന്നതാണ്.

തർക്കഭൂമിയായ 2.77 ഏക്കർ ഭൂമിയിലെ മൂന്നിലൊന്ന തങ്ങളുടെ ആചാര സംരക്ഷണത്തിനായി അവകാശമുണ്ട് എന്നാണ് അലഹബാദ് ഹൈക്കോടതി വിധിച്ചിരുന്നത്. അത് നിയമപരമായി അത് നിയമപരമായി സുന്നി വഖഫ് ബോർഡിന്റെ അധികാര പരിതിയിൽ വരും. കോടതിയിൽ എത്തിയിരിക്കുന്നത് ഇവരടക്കം മറ്റ് ഏഴ് സംഘടനകൾ കൂടിയാണെങ്കിലും അയോധ്യ കേസിൽ മുസ്ലീങ്ങളെ പ്രതിനിധീകരിക്കുന്ന പ്രധാന സംഘടന സുന്നി വഖഫ് ബോർഡ് തന്നെയാണ്. അതേ വഖഫ് ബോർഡ് തങ്ങളുടെ ഇതുവരെയുള്ള നിലപാട് തിരുത്തി അവിടെ രാമക്ഷേത്രം പണിയുന്നതിന് തടസ്സമില്ലെന്നും പറയുമ്പോൾ ആർക്കാണ് സന്തോഷമില്ലാത്തത്. അയോധ്യയിലെ തകർന്ന മറ്റ് പള്ളികൾ ഉൾപ്പടെയുള്ളവർ ഇതിന്റെ പേരിൽ അവകാശം ഉന്നയിക്കരുത് എന്നാണ്.

അത്തരം ഒരു അവകാശം ഉന്നയിക്കുന്നതിനുള്ള പൂർണ സ്വാതന്ത്ര്യം അവർക്കുണ്ട്. ഈ തീരുമാനത്തിലൂടെ പലരുടേയും എതിർപ്പ് വിളിച്ച് വരുത്തുന്നുവങ്കിലും സുന്നി വഖഫ് ബോർഡ് തികഞ്ഞ രാജ്യസ്‌നേഹികളാണ് എന്ന് തെളിയിച്ചിരിക്കുന്നു. ഇന്ത്യയിലെ ഭൂരിഭാഗം മുസ്ലീമുകളും സുന്നികളാണ് എന്ന് വരുമ്പോൾ ഈ രാജ്യത്ത് ഏതെങ്കിലും പള്ളിയുടേയോ ക്ഷേത്രത്തിന്റേയോ പേരിൽ ഭിന്നിപ്പിച്ച് നിർത്തുക ബാഹ്യ ശക്ചതികളുടെ താൽപര്യങ്ങളും ആഗ്രഹങ്ങളുമാണ് വിഫലമാകുന്നത്. ഈ വിഷയമാ ് ഇന്നത്തെ ഇൻസ്റ്റന്റ് റെസ്‌പോൺസ് ചർച്ച ചെയ്യുന്നത്. പൂർണ രൂപം വീഡിയോയിൽ കാണുക

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP