Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Aug / 202215Monday

പൂർണ്ണ ഗർഭിണിയായ യുവതിയുടെ കഴുത്തറുത്ത് ഡംപ്സ്റ്ററിൽ നിക്ഷേപിച്ച സംഭവം; കാമുകൻ അറസ്റ്റിൽ

പൂർണ്ണ ഗർഭിണിയായ യുവതിയുടെ കഴുത്തറുത്ത് ഡംപ്സ്റ്ററിൽ നിക്ഷേപിച്ച സംഭവം; കാമുകൻ അറസ്റ്റിൽ

പി.പി ചെറിയാൻ

ഇല്ലിനോയ്ഡ് : പൂർണ്ണ ഗർഭിണിയായ 22 കാരിയുടെ കഴുത്തറുത്ത് ഡംപ്സ്റ്ററിൽ തള്ളിയ മുൻ കാമുകനെ പൊലീസ് അറസ്റ്റ് ചെയ്തു . സംഭവത്തിന്റെ വിശദവിവരങ്ങൾ ഇല്ലിനോയ്ഡ് പൊലീസ് ഇന്ന് പുറത്ത് വിട്ടു .

ജൂൺ 9 നായിരുന്നു സംഭവം . ബൊളിവർ സ്ട്രീറ്റിലെ 3400 ബ്ലോക്കിൽ നിന്നും ലഭിച്ച ഫോൺ സന്ദേശത്തെ തുടർന്നാണ് വിവരം പുറത്തറിയുന്നത് . ലീസ് എ ഡോഡ് (22) നെ കാണാൻ അപ്പാർട്ട്മെന്റിൽ എത്തിയതായിരുന്നു അമ്മ . അമ്മക്ക് കാണാൻ കഴിഞ്ഞത് തല അറുത്ത് മാറ്റപ്പെട്ട മകളുടെ ശരീരമാണ് .

കാമുകൻ ഡിയാൻഡ്രെ ഹോളോവെയുമായി കഴിഞ്ഞ രണ്ടു വർഷമായി ലീസ് ഡോഡ് ഇടയ്ക്കിടെ ബന്ധപ്പെടാറുണ്ടായിരുന്നു . ഗർഭിണിയായ യുവതിയുടെ പ്രസവത്തിന് ഒരു മാസം ശേഷിക്കെയാണ് കാമുകന്റെ ക്രൂരതക്ക് ഇവർ ഇരയായത് . ഈയ്യിടെയാണ് യുവതി ആൾട്ടണിലേക്ക് താമസം മാറ്റിയത് .

സംഭവം നടന്നു കഴിഞ്ഞു താമസമില്ലാതെ തന്നെ പ്രതി അറസ്റ്റിലായി. അപ്പാർട്ട്മെന്റിനടുത്തുള്ള ഡംപ്സ്റ്ററിൽ തലയുണ്ടെന്ന് ഇയാളാണ് പൊലീസിന് വിവരം നൽകിയത് .

കൊല്ലപ്പെട്ട യുവതിയുടെ കുട്ടി കാമുകൻ ഹോളോവേയുടേത് അല്ലെന്നാണ് അമ്മ പൊലീസിനെ അറിയിച്ചത് പ്രതിയുടെ പേരിൽ രണ്ടു ഫസ്റ്റ് ഡിഗ്രി മർഡറിൽ കേസ്സെടുത്തിട്ടുണ്ട് . 2 മില്യൺ ഡോളറിൽ ജാമ്യം അനുവദിച്ച പ്രതിയെ ജൂൺ 24 ന് മാഡിസൺ കൗണ്ടി സർക്യൂട്ട് കോടതിയിൽ ഹാജരാക്കും .

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP