മുൻ ഭർത്താവിന്റെ കുത്തേറ്റ് പൊലീസ് ഓഫീസർ കൊല്ലപ്പെട്ടു...

മുൻ ഭർത്താവിന്റെ കുത്തേറ്റ് പൊലീസ് ഓഫീസർ കൊല്ലപ്പെട്ടു

June 16, 202203:29 PM IST Permalink

പി.പി ചെറിയാൻ

ബ്രോൺസ് (ന്യുയോർക്ക്) : ന്യുയോർക്ക് പൊലീസ് ഡിപ്പാർട്ട്മെന്റ് ഓഫീസർ അരിയാന റിസ് ഗോമസ് (31) ജൂൺ 13 തിങ്കളാഴ്ച താമസിച്ചിരുന്ന അപ്പാർട്ട്മെന്റിനകത്തു കുത്തേറ്റ് മരിച്ച നിലയിൽ കാണപ്പെട്ടു . കുടുംബകലഹമാണ് കൊലപാതകത്തിലേക്ക് നയിച്ചതെന്ന് പ്രാഥമിക റിപ്പോർട്ടുകൾ സൂചിപ്പിക്കുന്നു .

രാവിലെ 9 ന് സന്ദേശം ലഭിച്ചതിനെ തുടർന്നാണ് പൊലീസ് അപ്പാർട്ട്മെന്റിൽ എത്തിയത് . പരിശോധനയിൽ പൊലീസ് ഓഫീസർ അരിയാന ശരീരത്തിൽ നിരവധി കുത്തുകളേറ്റ് അബോധാവസ്ഥയിൽ കിടക്കുന്നത് കണ്ടെത്തി . പ്രാഥമിക ചികിത്സ നൽകിയെങ്കിലും സംഭവസ്ഥലത്ത് വച്ച് തന്നെ അരിയാന മരിച്ചതായി പൊലീസ് അറിയിച്ചു .

അരിയാനയെ കുത്തി എന്ന് പറയപ്പെടുന്ന ഇവരുടെ മുൻ ഭർത്താവ് അർജനിസ് ബേസ് (34) അടുത്തുള്ള പൊലീസ് സ്റ്റേഷനിൽ ഹാജരായി കീഴടങ്ങിയതായും ബ്രോൺസ് പൊലീസ് അറിയിച്ചു .

ഇവർ താമസിച്ചിരുന്ന അപ്പാർട്ട്മെന്റിൽ നിന്നും തർക്കിക്കുന്ന ശബ്ദം കേട്ടതായി സമീപവാസികൾ പറയുന്നു മൂന്നു വയസ്സുള്ള ഇവരുടെ കുട്ടി സംഭവസമയത്ത് വീട്ടിലുണ്ടായിരുന്നില്ല . ഒരിക്കൽ പോലും ഇവർ താമസിച്ചിരുന്ന വീട്ടിൽ നിന്നും തർക്കിക്കുന്ന ശബ്ദം കേട്ടിരുന്നില്ലെന്നും പൊലീസിനെ വിളിച്ചിട്ടില്ല എന്നും ന്യുയോർക്ക് പൊലീസ് പറഞ്ഞു . മരിച്ച പൊലീസ് ഓഫീസർക്ക് 2019 ൽ ധീരതയ്കുള്ള അവാർഡ് ലഭിച്ചിരുന്നു . ധീരതയും ചുമതലാ ബോധവുമുള്ള ഓഫീസറെയാണ് തങ്ങൾക്ക് നഷ്ട്ടപെട്ടിരിക്കുന്നതെന്ന് ന്യുയോർക്ക് പൊലീസ് ഡിപ്പാർട്ട്മെന്റിലെ സഹപ്രവർത്തകർ പറഞ്ഞു .

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: