Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Dec / 202006Sunday

കൊറോണ വൈറസ്: ലോകാരോഗ്യ സംഘടനയ്‌ക്കെതിരെ റിപ്പബ്ലിക്കൻ സെനറ്റർ റിക് സ്‌കോട്ട്

കൊറോണ വൈറസ്: ലോകാരോഗ്യ സംഘടനയ്‌ക്കെതിരെ റിപ്പബ്ലിക്കൻ സെനറ്റർ റിക് സ്‌കോട്ട്

മൊയ്തീൻ പുത്തൻചിറ

ന്യൂയോർക്ക്: കൊറോണ വൈറസ് ബാധയിൽ യുഎസിൽ വൻ നാശനഷ്ടങ്ങൾ സംഭവിച്ചുകൊണ്ടിരിക്കെ യുഎസിലെ ലോകാരോഗ്യ സംഘടനയ്‌ക്കെതിരെ പ്രതിഷേധ സ്വരങ്ങൾ. പ്രസിഡന്റ് ഡൊണാൾഡ് ട്രംപിന് ശേഷം ലോകാരോഗ്യ സംഘടനയുടെ (ഡബ്ല്യുഎച്ച്ഒ) പങ്കിനെക്കുറിച്ച് റിപ്പബ്ലിക്കൻ എംപി റിക്ക് സ്‌കോട്ട് ഗുരുതരമായ ചോദ്യങ്ങൾ ഉന്നയിക്കുകയും, ചൈനയ്ക്കു നൽകുന്ന ഫണ്ട് വെട്ടിക്കുറയ്ക്കുകയും ചെയ്യണമെന്ന് ആവശ്യപ്പെട്ടു.

ചൈനയും ലോകാരോഗ്യ സംഘടനയും (ഡബ്ല്യുഎച്ച്ഒ) വൈറസുമായി ബന്ധപ്പെട്ട വിവരങ്ങൾ മറച്ചു വെച്ചതായി തുടക്കം മുതൽ യുഎസ് ആരോപിച്ചിരുന്നു. ലോകാരോഗ്യ സംഘടന കമ്മ്യൂണിസ്റ്റ് ചൈനയുടെ പ്രതിരോധത്തിനായി യുഎസ് ഫണ്ടുകൾ ഉപയോഗിക്കുന്നുണ്ടെന്ന് സ്‌കോട്ട് ആരോപിക്കുന്നു. കൊറോണ വൈറസിനെതിരെ പോരാടുന്നതിൽ ലോകാരോഗ്യ സംഘടനയുടെ പങ്ക് അന്വേഷിക്കണമെന്നും അദ്ദേഹം കോൺഗ്രസിനോട് ആവശ്യപ്പെട്ടിട്ടുണ്ട്.

വൈറസ് സംബന്ധമായ കേസുകൾ കൈകാര്യം ചെയ്യുന്നതിൽ ലോകാരോഗ്യ സംഘടനയുടെ പങ്കിനെക്കുറിച്ച് അന്വേഷിക്കണമെന്ന് ഫ്‌ളോറിഡയിൽ നിന്നുള്ള റിപ്പബ്ലിക്കൻ സെനറ്റർ റിക്ക് സ്‌കോട്ട് യുഎസ് കോൺഗ്രസിനോട് അഭ്യർത്ഥിച്ചു. കൊറോണ വൈറസിനെക്കുറിച്ചുള്ള 'കമ്മ്യൂണിസ്റ്റ് ചൈനയെ പ്രതിരോധിക്കുന്നതിൽ' ഏർപ്പെട്ടിരിക്കുന്നതിനാൽ ലോകാരോഗ്യ സംഘടനയ്ക്ക് യുഎസ് ധനസഹായം വെട്ടിക്കുറയ്ക്കണമെന്നും സ്‌കോട്ട് നിർദ്ദേശിച്ചു. സെനറ്റർ സ്‌കോട്ട് മുമ്പ് ചൈനയെക്കുറിച്ചും ലോകാരോഗ്യ സംഘടനയുടെ അടുത്ത ബന്ധത്തെക്കുറിച്ചും ആശങ്ക പ്രകടിപ്പിച്ചിരുന്നു.

പൊതുജനാരോഗ്യ വിവരങ്ങൾ ലോകത്തിന് നൽകുക എന്നതാണ് ലോകാരോഗ്യ സംഘടനയുടെ കർത്തവ്യം. അതിലൂടെ ഓരോ രാജ്യത്തിനും തങ്ങളുടെ പൗരന്മാരെ സംരക്ഷിക്കുതിന് മികച്ച തീരുമാനങ്ങൾ എടുക്കാൻ കഴിയും എന്ന് സ്‌കോട്ട് പറഞ്ഞു. കൊറോണ വൈറസ് ചൈനയിൽ നിന്ന് പൊട്ടിപ്പുറപ്പെട്ടപ്പോൾ അത് ലോകരാഷ്ട്രങ്ങളെ യഥാവിധി അറിയിക്കുന്നതിൽ ലോകാരോഗ്യ സംഘടന പരാജയപ്പെട്ടു എന്നും അദ്ദേഹം ആരോപിക്കുന്നു.

ലോകാരോഗ്യ സംഘടന മനഃപ്പൂർവ്വം തെറ്റിദ്ധരിപ്പിക്കുന്ന വിവരങ്ങൾ പ്രചരിപ്പിക്കുകയാണെന്നാണ് സ്‌കോട്ടിന്റെ ആരോപണം. കമ്മ്യൂണിസ്റ്റ് ചൈന അവരുടെ കേസുകളെയും മരണങ്ങളെയും കുറിച്ച് നുണ പറയുകയാണെന്ന് ഞങ്ങൾക്കറിയാം. ലോകാരോഗ്യ സംഘടനയ്ക്ക് ചൈനയെക്കുറിച്ച് പൂർണ്ണമായി അറിയാമെന്നും റിപ്പബ്ലിക്കൻ നിയമസഭാംഗം പറഞ്ഞു.

നേരത്തെ വൈറ്റ് വൈറ്റ് ഹൗസിൽ നടത്തിയ പത്രസമ്മേളനത്തിൽ ലോകാരോഗ്യ സംഘടനയുടെ തലവനെ പ്രസിഡന്റ് ട്രംപ് നിശിതമായി വിമർശിക്കുകയും, ലോകാരോഗ്യ സംഘടന ചൈനയെ രക്ഷിച്ചുവെന്ന് ആരോപിക്കുകയും ചെയ്തിരുന്നു. കൊറോണ വൈറസിന് മുമ്പ് നിരവധി അപകടങ്ങൾ ഉണ്ടായിട്ടുണ്ടെന്നും എന്നാൽ, ലോകാരോഗ്യ സംഘടന അത് മറച്ചുവെച്ചിട്ടുണ്ടെന്നും അദ്ദേഹം പറഞ്ഞു. ലോകാരോഗ്യസംഘടന ചൈനയെ അനുകൂലിക്കുകയും സംരക്ഷിക്കുകയും ചെയ്യുന്നത് തുടരുകയാണെന്ന് ട്രംപ് പറഞ്ഞു. കോറോണ വൈറസിനെക്കുറിച്ച് ലോകം നേരത്തെ അറിഞ്ഞിരുന്നെങ്കിൽ, ഇത്രയധികം ജീവനുകൾ നഷ്ടപ്പെടുകയില്ലായിരുന്നു എന്നും അദ്ദേഹം പറഞ്ഞു.

കൊറോണയുടെ ആദ്യ കേസ് ഡിസംബറിൽ ചൈനയിലെ വുഹാനിൽ നിന്നാണ് റിപ്പോർട്ട് ചെയ്യപ്പെട്ടത്. ഇപ്പോൾ അമേരിക്ക ഏറ്റവും കൂടുതൽ ബാധിച്ച രാജ്യമായി മാറി. പ്രസിഡന്റ് ട്രംപ് കൊറോണ വൈറസിന് 'ചൈനീസ് വൈറസ്' എന്ന് പേരിട്ടത് ചൈനയെ പ്രകോപിപ്പിച്ചിരുന്നു. എന്നാൽ, ചൈനീസ് പ്രസിഡന്റ് സിൻ ജിൻപിങ്ങുമായുള്ള ചർച്ചയ്ക്ക് ശേഷം അദ്ദേഹം നിലപാട് മാറ്റി. യുഎസിൽ കൊറോണ വൈറസ് മൂലം 4043 പേർ മരിക്കുകയും 1.8 ലക്ഷം പേർക്ക് രോഗം ബാധിക്കുകയും ചെയ്തു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP