Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202028Saturday

ഡാലസ് കൗണ്ടിയിലെ കോവിഡ് 19 രോഗികളുടെ എണ്ണം ഒരുലക്ഷം കവിഞ്ഞു

ഡാലസ് കൗണ്ടിയിലെ കോവിഡ് 19 രോഗികളുടെ എണ്ണം ഒരുലക്ഷം കവിഞ്ഞു

പി.പി ചെറിയാൻ

ഡാലസ്: ഡാലസ് കൗണ്ടിയിൽ ബുധനാഴ്ച 624 കോവിഡ് പോസിറ്റീവ് കേസുകൾ സ്ഥിരീകരിച്ചതോടെ ആകെ രോഗികളുടെ എണ്ണം ഒരുലക്ഷം കവിഞ്ഞതായി ആരോഗ്യവകുപ്പ് അധികൃതർ അറിയിച്ചു. കോവിഡ് രോഗികളുടെ എണ്ണം വർധിക്കുന്നത് തുടർന്നാൽ നവംബർ മൂന്നാം വാരം താങ്ക്സ് ഗിവിങ്ങ് സമീപിക്കുന്നതോടെ രോഗബാധിതരുടെ എണ്ണം പ്രതിദിനം 1000 ആയി വർധിക്കുമെന്ന് കൗണ്ടി ജഡ്ജി ക്ലെ ജന്നിങ്സ് മുന്നറിയിപ്പ് നൽകി.

ആശുപത്രികളിൽ പ്രവേശിപ്പിക്കുന്ന രോഗികളുടെ എണ്ണത്തിലും വർധനവുണ്ടായിട്ടുണ്ട്. പാർക്ക്ലാന്റ് ആശുപത്രിയിൽ കോവിഡ് 19 യൂണിറ്റിൽ 114 മുറികൾ ഉണ്ടായിരുന്നത് ഇരട്ടി വർധിപ്പിച്ചതായി പാർക്ക്ലാന്റ് അധികൃതർ അറിയിച്ചു. കഴിഞ്ഞ ആഴ്ചയിൽ ആശുപത്രിയിൽ പ്രവേശിപ്പിച്ചവരുടെ എണ്ണത്തേക്കാൾ ഇരട്ടി പേർ ഇപ്പോൾ ചികിത്സയിലുണ്ടെന്നും മുപ്പതു പേർ വെന്റിലേറ്ററിലാണെന്നും അധികൃതർ പറഞ്ഞു.

ഡാലസ് ജനജീവിതം സാധാരണ നിലയിലേക്ക് മടങ്ങിയതാണ് രോഗം വർധിക്കാൻ കാരണമെന്ന് ആരോഗ്യവകുപ്പ് അധികൃതർ പറയുന്നു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP