Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

കെഎച്ച്എൻഎ സൗത്ത് ഈസ്റ്റ് റീജിയൻ പ്രതിവാര മോഹിനിയാട്ടം ശിൽപ്പശാല ഡിസംബർ 20 വരെ

കെഎച്ച്എൻഎ സൗത്ത് ഈസ്റ്റ് റീജിയൻ പ്രതിവാര മോഹിനിയാട്ടം ശിൽപ്പശാല ഡിസംബർ 20 വരെ

സ്വന്തം ലേഖകൻ

ഫ്ളോറിഡ: കേരളാ ഹിന്ദൂസ് ഓഫ് നോർത്ത് അമേരിക്കയുടെ സൗത്ത് ഈസ്റ്റ് റീജിയൻ സംഘടിപ്പിക്കുന്ന പ്രതിവാര മോഹിനിയാട്ടം ശിൽപ്പശാല തുടങ്ങി. നവംബർ 22 മുതൽ ഡിസംബർ 20 വരെ നാല് ഞായറാഴ്ചകളിൽ സംഘടിപ്പിക്കുന്ന ശിൽപ്പശാലയിൽ മോഹിനിയാട്ടം തിയറിയും പ്രായോഗിക പരിശീലനവും നൽകും .

ലൂസിയാന കേന്ദ്രമായി പ്രവർത്തിക്കുന്ന നൃത്താലയ സ്‌കൂൾ ഓഫ് ഡാൻസ് ഡയറക്ടർ അർച്ചനാ നായരാണ് ശിൽപ്പശാലയിൽ ക്ലാസുകൾ നൽകുന്നത്. നാലാഴ്ച നീണ്ടുനിൽക്കുന്ന ശിൽപ്പശാലയിൽ പങ്കെടുക്കുന്നതിനായി നൂറോളം പേർ ഇതിനോടകം രജിസ്റ്റർ ചെയ്തിട്ടുണ്ട്. അമേരിക്കയിലും കാനഡയിലുമുള്ള കെഎച്ച്എൻഎയുടെ എല്ലാ അംഗസംഘടനകളിലുള്ളവർക്കും ശിൽപ്പശാലയിൽ പങ്കെടുക്കാൻ അവസരമൊരുക്കുമെന്ന് റീജിയൻ വൈസ് പ്രസിഡന്റ് അഞ്ജനാ കൃഷ്ണൻ പറഞ്ഞു .

നവംബർ 22 , ഡിസംബർ 6, 13, 20 തീയതികളിൽ വൈകുനേരം നാല് മണി (EST), ഒരു മണി (PST) എന്നീ സമയങ്ങളിലാണ് ശിൽപ്പശാല സംഘടിപ്പിക്കുന്നത്.

ശിൽപ്പശാല സംബന്ധിച്ച കൂടുതൽ വിവരങ്ങൾക്ക് ബന്ധപ്പെടുക: അഞ്ജനാ കൃഷ്ണൻ , റീജിയൻ വൈസ് പ്രസിഡണ്ട് : (813 ) 474 8468, ഡോ .ജഗതി നായർ (561 ) 632 8920, അശോക് മേനോൻ (407 ) 446 6408.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP