Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ജീവിതം വാർത്തകൾക്കൊപ്പമാക്കിയവർ ഒത്തുചേർന്നു;അനുഭവങ്ങളുടെ ദൂരവും അറിവിന്റെ വെളിച്ചവുമായി; പുത്തൻദിശബോധം നൽകി ഐഎപിസി ഇന്റർനാഷണൽ മീഡിയ കൺവൻഷൻ

ജീവിതം വാർത്തകൾക്കൊപ്പമാക്കിയവർ ഒത്തുചേർന്നു;അനുഭവങ്ങളുടെ ദൂരവും അറിവിന്റെ വെളിച്ചവുമായി; പുത്തൻദിശബോധം നൽകി ഐഎപിസി ഇന്റർനാഷണൽ മീഡിയ കൺവൻഷൻ

കണക്ടിക്കട്ട്: വാർത്തകളുടെ മുന്നിലും പിന്നിലേക്കും സഞ്ചരിക്കുന്ന ലോകത്തിന്റെ വിവിധ കോണുകളിലുള്ള മാദ്ധ്യമപ്രവർത്തകർ ഒത്തുചേർന്നു. ഒരു വാർത്തയിൽ, തലക്കെട്ടിൽ, ചിത്രത്തിൽ ലോകം ഉറ്റുനോക്കിയതിനു പിന്നിൽ പ്രവർത്തിച്ചതിന്റെ ആത്മാഭിമാനവും ആത്മഹർഷവുമായി. ആ കൂടിച്ചേരൽ മാദ്ധ്യമമേഖലയ്ക്ക് നൽകിയത് ഒരുപുത്തൻ ദിശാബോധമാണ്.ഇൻഡോ അമേരിക്കൻ പ്രസ്‌ക്ലബിന്റെ (ഐഎപിസി) ഇൻർനാഷ്ണൽ മീഡിയ കോൺഫ്രൻസാണ് അപൂർവ സംഗമത്തിന് വേദിയായത്. കണക്ടിക്കട്ടിലെ ഹിൽടെൻ ഹോട്ടലിൽ നടന്ന പ്രൗഢഗംഭീരവും പ്രത്യാശാഭരിതവുമായ കൺവൻഷനിൽ വിവിധ വിഷയങ്ങൾ ചർച്ചചെയ്യപ്പെട്ടു. ആഴത്തിലുള്ള പഠനങ്ങൾ, അതിൽനിന്നുള്ള ആശങ്കകൾ,നിർദേശങ്ങൾ,പരിഹാരമാർഗങ്ങൾ എന്നിവയെല്ലാം വിഷയങ്ങളായി.
ലോകത്തിന്റെ വിവിധഭാഗങ്ങളിൽ നിന്നുള്ള പ്രമുഖ മാദ്ധ്യമപ്രവർത്തകർക്കുപുറമെ മാദ്ധ്യമപ്രതിനിധികളും സമ്മേളനത്തിൽ പങ്കെടുത്തു.

സമാപന സമ്മേളനം കണക്ടിക്കട്ട് സ്റ്റേറ്റ് പ്രതിനിധി ഡോ. പ്രസാദ് ശ്രീനിവാസൻ ഉദ്ഘാടനം ചെയ്തു. ഐഎപിസിയുടെ പ്രവർത്തനങ്ങൾ മാതൃകാപരമാണെന്ന് അദ്ദേഹം പറഞ്ഞു. പ്രൗഢഗംഭീരമായ സമാപനച്ചടങ്ങിൽ അമേരിക്കൻ മാദ്ധ്യമപ്രവർത്തകരും രാഷ്ട്രീയ സാമൂഹ്യ സാംസ്‌കാരിക രംഗങ്ങളിലെ പ്രമുഖരും പങ്കെടുത്തു. ഐഎപിസി നടത്തിയ വിവിധ മത്സര വിജയികൾക്കുള്ള അവാർഡുകൾ ചടങ്ങിൽ സമ്മാനിച്ചു. ഐഎപിസിയുടെ ഇത്തവണത്തെ സത്കർമ്മ അവാർഡ് നേടിയ തെരുവോരം മുരുകനെയും അദ്ദേഹത്തിന്റെ പ്രവർത്തനങ്ങളെയുംകുറിച്ചും വൈസ് പ്രസിഡന്റ്് സിറിയക് സ്‌കറിയ പ്രസംഗിച്ചു. അമേരിക്കൻ കോൺഗ്രസിലേക്ക് മത്സരിക്കുന്ന മലയാളി പീറ്റർ ജേക്കബിനെ ചടങ്ങിൽ ആദരിച്ചു. രണ്ടുതവണ ഫിലിംഫെയർ അവാർഡ് നേടിയ ബോളിവുഡ് സിംഗർ ശാരദയുടെ ഗാനാലാപനം ശ്രദ്ധേയമായിരുന്നു. മൂന്നുദിവസം നീണ്ടുനിന്ന ഇന്റർനാഷ്ണൽ മീഡിയ കൺവൻഷനിൽ അമേരിക്കൻ ഇലക്ഷൻ മുതൽ പ്രവാസികളുടെ പ്രശ്നങ്ങളെക്കുറിച്ചുവരെ സംവാദം നടത്തി. പ്രതിനിധികളുടെ സമ്പൂർണ പങ്കാളിത്തം ചർച്ചകളെ സജീവമാക്കി.

ന്യൂയോർക്കിലെ ഇന്ത്യൻ ഡെപ്യുട്ടി കോൺസിലേറ്റ് ജനറൽ മനോജ് കെ. മൊഹപത്രയായിരുന്നു സമ്മേളനം ഉദ്്ഘാടനം ചെയ്തത്. പ്രസ്‌ക്ലബിന്റെ ഈ വർഷത്തെ സുവനീർ ചീഫ് എഡിറ്റർ ഡോ. മാത്യുജോയിസ് ഡെപ്യുട്ടി കോൺസിലേറ്റ് ജനറൽ മനോജ് കെ. മൊഹപത്രയ്ക്കു നൽകിക്കൊണ്ടു പ്രകാശനം ചെയ്തു.

അമേരിക്കൻ സമൂഹത്തിൽ ഇന്ത്യൻ മാദ്ധ്യമപ്രവർത്തകരുടെ സാന്നിധ്യം അറിയിക്കാൻ ഐഎപിസി വലിയ സംഭാവനയാണ് നൽകുന്നതെന്ന് അദ്ദേഹം പറഞ്ഞു. അമേരിക്കയിലെ ഇന്ത്യൻ വംശജർക്കുവേണ്ടി കോൺസുലേറ്റ് ചെയ്യുന്ന പ്രവർത്തനങ്ങൾ വിശദീകരിച്ചതിനൊപ്പം മാദ്ധ്യമങ്ങൾക്ക് സമുഹത്തിലുള്ള പ്രാധാന്യവും അദ്ദേഹം ചൂണ്ടിക്കാട്ടി. മാദ്ധ്യമങ്ങളുടെ ഉത്തരവാദിത്വത്തെപ്പറ്റിയും മാദ്ധ്യമങ്ങൾ സമൂഹത്തിൽ ചലുത്തുന്ന സ്വാധീനത്തെക്കുറിച്ചും അദ്ദേഹം വിശദീകരിച്ചു.

ഐഎപിസി ചെയർമാൻ ജിൻസ്മോൻ പി. സക്കറിയ, പ്രസിഡന്റ് പർവീൺ ചോപ്ര, ജനറൽ സെക്രട്ടറി കോരസൺ വർഗീസ്, എക്സിക്യൂട്ടീവ് വൈസ് പ്രസിഡന്റ് ഡോ. മാത്യു ജോയിസ്, ട്രഷറർ അനിൽമാത്യു, കോ ചെയർപേഴ്സൺ വിനീത നായർ, കൺവൻഷൻ ചെയർമാൻ മാത്തുക്കുട്ടി ഈശോ തുടങ്ങിയവർ ചേർന്ന് ഭദ്രദീപം തെളിയിച്ചു. തുടർന്ന് പ്രസ് അക്കാദമി മുൻ ചെയർമാൻ എസ്.ആർ. ശക്തിധരൻ, മാതൃഭൂമി തിരുവനന്തപുരം ബ്യൂറോ ചീഫ് ശേഖരൻ നായർ, റിപ്പോർട്ടർടിവി എംഡി എംവി നികേഷ് കുമാർ, ജയ്ഹിന്ദ്ടിവി എക്സിക്യൂട്ടീവ് എഡിറ്റർ ജെ.എസ് ഇന്ദുകുമാർ, ഏഷ്യാനെറ്റ് കോഓർഡിനേറ്റിങ് എഡിറ്റർ മാങ്ങാട് രത്നാകരൻ, രാഷ്ട്രദീപിക കൊച്ചി എഡിറ്റർ ഇൻ ചാർജ് സുജിത്ത് സുന്ദരേശൻ, മുഖ്യമന്ത്രിയുടെ മുൻ പ്രസ് സെക്രട്ടറി പി.ടി. ചാക്കോ, സീനിയർ ദൃശ്യമാദ്ധ്യമപ്രവർത്തകൻ സജി ഡൊമനിക്, കേരളീയം ജനറൽ സെക്രട്ടറി എൻ.ആർ. ഹരികുമാർ, മനോരമ ന്യൂസ് സീനിയർ കാമറമാൻ സിന്ധുകുമാർ, യുവ കവിയത്രി മീര നായർ തുടങ്ങിയ മാദ്ധ്യമപ്രവർത്തകരെ ഐഎപിസി ജനറൽ സെക്രട്ടറി കോരസൺവർഗീസ് സമ്മേളനത്തിലേക്ക് സ്വാഗതം ചെയ്തു.

ക്രിസ്റ്റൽ കോരസൺ അമേരിക്കൻ ദേശീയ ഗാനവും നൈനാൻ കോടിയാത്ത് ഇന്ത്യൻ ദേശീയഗാനവും ആലപിച്ചു. ഉദ്ഘാടനച്ചടങ്ങിൽ കൺവൻഷൻ വൈസ് ചെയർമാൻ മാത്തുക്കുട്ടി ഈശോ നന്ദി പറഞ്ഞു, ജെയിംസ് കുരിക്കാട്ടിലും കല്യാണി, ജിനു ആൻ മാത്യു എന്നിവർ എംസിമാരായിരുന്നു. കേരള ഫോക്ലോർ സൊസൈറ്റി ചെയർമാൻ സി ജെ കുട്ടപ്പൻ, പ്രമുഖ സിനിമ സീരിയൽ തരാം അംബിക മോഹൻ, കലാഭവൻ രാഹുൽ തുടങ്ങിയവർ നേതൃത്വം നൽകിയ കല സന്ധ്യ പ്രശംസനീയമായിരുന്നു.ഐഎപിസി പ്രസിഡന്റ് പർവീൺ ചോപ്ര അധ്യക്ഷത വഹിച്ചു.

നവമാദ്ധ്യമങ്ങൾക്ക് ഇന്നത്തെ സമുഹത്തിൽ വലിയപ്രാധാന്യമുണ്ടെങ്കിലും ഇന്നും അച്ചടിമാദ്ധ്യമങ്ങളുടെ പ്രസക്തി നഷ്ടപ്പെട്ടിട്ടില്ലെന്ന് അദ്ദേഹം പറഞ്ഞു. സമകാലിക രാഷ്ട്രീയത്തിൽ മാദ്ധ്യമങ്ങൾക്കു എത്രമാത്രം പ്രധാന്യമുണ്ടെന്നും മാദ്ധ്യമസമൂഹത്തിലെ എല്ലാവരെയും ഒരുപോലെ കോർത്തിണക്കി സമൂഹനന്മയ്ക്കായി പ്രവർത്തിക്കുന്ന സംഘടനയാണ് ഐഎപിസിയെന്നും അദ്ദേഹം കൂട്ടിച്ചേർത്തു.

ഐഎപിസിയുടെ പ്രവർത്തനങ്ങളക്കുറിച്ച് ചെയർമാൻ ജിൻസ്മോൻ പി.സക്കറിയ വിശദീകരിച്ചു. കോൺഫ്രൻസ് വിജയമാക്കിയ എല്ലാവരെയും പ്രത്യേകം അഭിനന്ദിക്കുകയും അവരോടുള്ള നന്ദി അറിയിക്കുകയും ചെയ്തു.കിഴക്കിനെയും പടിഞ്ഞാറിനെയും ഒന്നിപ്പിക്കുന്ന മികച്ചൊരു വേദിയാണ് ഇൻഡോ അമേരിക്കൻ പ്രസ്‌ക്ലബ് എന്ന് കർണാടക മുന്മന്ത്രി ജെ. അലക്സാണ്ടർ ഐഎഎസ് പറഞ്ഞു. സമൂഹത്തിൽ സമാധാനത്തോടെയും സന്തോഷത്തോടെയും ജീവിക്കുവാനുള്ള സാഹചര്യം ഉണ്ടാക്കലാണ് ഇന്നത്തെ മാദ്ധ്യമങ്ങൾ നേരിടുന്ന പ്രസക്തിയും വെല്ലുവിളിയുമെന്നും അദ്ദേഹം പറഞ്ഞു.

ഇന്ത്യൻ പനോരമ ചീഫ് എഡിറ്റർ പ്രഫ. ഇന്ദ്രജിത്ത് സലൂജ, ഗോപിയോ ചെയർമാൻ തോമസ് എബ്രാഹം, ഇൻഡോ അമേരിക്കൻ വ്യവസായ പ്രമുഖൻ മുകേഷ് മോദി, മുതിർന്ന മാദ്ധ്യമപ്രവർത്തകരായ ജി. ശക്തിധരൻ, ശേഖരൻ നായർ, എം വി നികേഷ് കുമാർ, ജെ.എസ്. ഇന്ദുകുമാർ, മാങ്ങാട് രത്നാകരൻ, സജി ഡൊമനിക്ക്, സിന്ധുകുമാർ, മുഖ്യമന്ത്രിയുടെ മുൻ പ്രസ് സെക്രട്ടറി പി.ടി. ചാക്കോ, ഐഎപിസി ഡയറക്ടർ ബാബു ജേസുദാസ്, അറ്റലാന്റാ ചാപ്റ്റർ പ്രസിഡന്റ് ഡൊമനിക്ക് ചാക്കോ, തിരുവനന്തപുരം റോട്ടറി ക്ലബ് സെക്രട്ടറി ഡോ. ജെ.മോസസ്, മനോരമ ന്യൂസ് ചീഫ് കാമറമാൻ സിന്ധുകുമാർ തുടങ്ങിയവർ ആശംസകൾ അർപ്പിച്ചു.

സമാപന സമ്മേളനത്തിന്, ഐഎപിസി ജനറൽ സെക്രട്ടറി കോരസൺവർഗീസ് സ്വാഗതം പറഞ്ഞു. ട്രഷറർ അനിൽമാത്യു നന്ദി പറഞ്ഞു. അരുൺ ഗോപാലകൃഷ്ണനും മിനി നായരും എംസിമാരായിരുന്നു

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP