Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Nov / 202029Sunday

ഫൊക്കാന വനിതാ രത്‌നം പ്രഥമ പുരസ്‌കാരം കേരളാ ആരോഗ്യമന്ത്രി ശൈലജ ടീച്ചർക്ക്

ഫൊക്കാന വനിതാ രത്‌നം പ്രഥമ പുരസ്‌കാരം കേരളാ ആരോഗ്യമന്ത്രി ശൈലജ ടീച്ചർക്ക്

അനിൽ ആറന്മുള

ന്യൂ ജേഴ്സി: അമേരിക്കന്മലയാളികളുടെ ദേശിയ കൂട്ടായ്മ ഫൊക്കാനയുടെ പ്രഥമ വനിതാരത്‌നം പുരസ്‌കാരം കേരളത്തിന്റെ പ്രിയപ്പെട്ട ആരോഗ്യമന്ത്രി ശ്രീമതി ശൈലജ ടീച്ചർക്ക്.

തങ്ങളുടെ കർമ്മ മമണ്ഡലങ്ങളിൽ മികവ് തെളിയിച്ചിട്ടുള്ള വനിതകൾക്കായി ഫൊക്കാന പുതിയതായി ഏർപ്പെടുത്തിയ ഈ പുരസ്‌കാരം പ്രകൃതി ക്ഷോഭവും നിപ്പയും മുതൽ തുടങ്ങി ലോകമെങ്ങും മരണഭീതി വിതക്കുന്ന കൊറോണ വരെ നിയന്ത്രിക്കുന്നതിലും ഒരളവുവരെ പിടിച്ചുകെട്ടാൻ കഴിഞ്ഞതുമായ കേരള സംസ്ഥാന ആരോഗ്യവകുപ്പിന്റെ ശാത്രീയവും കെട്ടുറപ്പുള്ളതും ആയ പ്രവർത്തന മികവിനാണ്ന്നു ഫൊക്കാന പ്രസിഡന്റ് ശ്രി മാധവൻ നായർ അറിയിച്ചു.

അടിയന്തിര ഘട്ടത്തിൽ തന്റെ വകുപ്പിനു കർമ്മ ധീരമായ നേതൃത്വവും ഏകോപനവും കർശന നിർദേശ ങ്ങളും നൽകി മുന്നോട്ടു കൊണ്ടുപോകയും രാപകലില്ലാതെ അവരോടൊപ്പം പ്രവർത്തിക്കുകയും ചെയ്ത ശൈലജ ടീച്ചറെ ഫൊക്കാന നേതൃത്വം ഏകകണ്ഠമായാണ് തിരഞ്ഞെടുത്തതെന്ന് അദ്ദേഹം പറഞ്ഞു.

അമേരിക്കപോലൊരു രാജ്യത്തുപോലും കൊറോണ പടരുന്ന സാഹചര്യത്തിലും കേരളം പോലെ ഒരുസംസ്ഥാനത്തു ഒരുജീവൻ പോലും വെടിയാതിരുന്നത് ആരോഗ്യവകുപ്പിന്റെ ചിട്ടയായ പ്രവർത്തനം കൊണ്ടാണെന്നതും ഇത്തരുണത്തിൽ സ്മരണീയമാണ്.

രത്‌ന ഖചിതമായ പതക്കവും പ്രശംസ പത്രവുമടങ്ങുന്ന വനിതാ രത്‌ന പുരസ്‌കാരം 2020 ജൂലൈയിൽ ന്യൂ ജേഴ്‌സിയിലെ അറ്റ്‌ലാന്റിക് സിറ്റിയിൽ നടക്കുന്ന ഫൊക്കാന ദേശീയ കൺവെൻഷനിൽ ആയിരിക്കും ശൈലജ ടീച്ചർക്ക് സമ്മാനിക്കുക എന്ന് ഫൊക്കാന ഭാരവാഹികൾ പറഞ്ഞു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP