വടക്കാഞ്ചേരിയിൽ വെടിക്കെട്ടു പുരയിൽ വൻ സ്‌ഫോടനം; കിലോമീറ്റർ അകലെവരെ പ്രകമ്പനം; സ്‌ഫോട...

വടക്കാഞ്ചേരിയിൽ വെടിക്കെട്ടു പുരയിൽ വൻ സ്‌ഫോടനം; കിലോമീറ്റർ അകലെവരെ പ്രകമ്പനം; സ്‌ഫോടനത്തിൽ ഒരാൾക്ക് ഗുരുതര പരിക്ക്; സ്‌ഫോടനമുണ്ടായത് ഉത്സവങ്ങൾക്ക് വേണ്ടി വെടിക്കോപ്പുകൾ സൂക്ഷിക്കുന്ന സ്ഥലത്ത്; സ്‌ഫോടനത്തിന്റെ കാരണം തേടിയും പ്രദേശത്ത് പൊട്ടാത്ത പടക്കങ്ങളുടെ സാന്നിദ്ധ്യം പരിശോധിച്ചും പൊലീസ്

January 30, 202306:13 PM IST Permalink

മറുനാടൻ മലയാളി ബ്യൂറോ

തൃശൂർ: വടക്കാഞ്ചേരിക്കടുത്തു കുണ്ടന്നൂരിൽ വെടിക്കെട്ടു പുരയിൽ സ്‌ഫോടനം.വൻ ശബ്ദത്തിലായിരുന്നു സ്‌ഫോടനം. ഒരാൾക്കു ഗുരുതര പരുക്കേറ്റു.ചേലക്കര സ്വദേശി മണിക്കാണ് പരുക്കേറ്റത്.ഇയാളുടെ നില ഗുരുതരമെന്നാണ് റിപ്പോർട്ട്.പരിക്കേറ്റ മണിയെ തൃശ്ശൂർ ജില്ലാ ആശുപത്രിയിൽ പ്രവേശിപ്പിച്ചു.

വൈകുന്നേരം അഞ്ചു മണിയോടെ രണ്ടു തവണയായാണ് സ്‌ഫോടനമുണ്ടായത്. വെടിക്കെട്ട് നിർമ്മാണശാലയ്ക്ക് അകത്താണ് തീപ്പിടിത്തമുണ്ടായി സ്ഫോടനം നടന്നത്. കിലോമീറ്ററുകൾക്കപ്പുറംവരെ പ്രകമ്പനം അനുഭവപ്പെട്ടു.ശ്രീനിവാസൻ എന്ന ലൈസൻസിയുടെ ഉടമസ്ഥതയിലുള്ള സ്ഥലത്താണ് അപകടമുണ്ടായതെന്നാണ് വിവരം.

എത്രപേർ വെടിക്കെട്ട് പുരയ്ക്ക് അകത്തുണ്ടായിരുന്നു എന്ന കാര്യം വ്യക്തമായിട്ടില്ല. തൃശ്ശൂർ പൂരത്തിന് അടക്കം വെടിക്കെട്ട് സാമഗ്രികൾ തയ്യാറാക്കുന്ന മേഖലയാണ് ഇത്. നിരവധി കുടുംബങ്ങൾ വെടിക്കെട്ട് സാമഗ്രികളുടെ നിർമ്മാണത്തിൽ ഏർപ്പെടുന്നുണ്ട്.പൊലീസും ഫയർഫോഴ്സും സ്ഥലത്തെത്തി രക്ഷാപ്രവർത്തനം നടത്തി.

പ്രദേശത്ത് ഇനിയും പൊട്ടാതെ കിടക്കുന്ന പടക്കങ്ങൾ ഉണ്ടോ എന്ന് പരിശോധിക്കുന്നുണ്ട്. അപകടകാരണം വ്യക്തമല്ല.വെടിക്കെട്ടുപുര പൂർണമായി കത്തി നശിച്ചു.

കിലോമീറ്ററുകൾ അകലേക്ക് പ്രകമ്പനമുണ്ടായെന്നാണ് പ്രദേശവാസികളിൽ നിന്നും ലഭിക്കുന്ന വിവരം.ഓട്ടുപാറ അത്താണി മേഖലയിലും കുലുക്കം റിപ്പോർട്ട് ചെയ്തു.ഓട്ടുപാറയിൽ വ്യാപാര സ്ഥാപനങ്ങളുടെ വാതിലുകൾ ശക്തമായ സമ്മർദത്തിൽ അടഞ്ഞു.സെക്കൻഡുകൾ നീണ്ടുനിന്ന കുലുക്കമാണ് അനുഭവപ്പെട്ടത്.അഗ്‌നിരക്ഷാ സേനയും പൊലീസും സ്ഥലത്തെത്തി.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മറുനാടൻ മലയാളി ബ്യൂറോ

Stories you may Like

Readers Comments+

More News in this category+

MNM Recommends +

തിരഞ്ഞെടുപ്പ്: ബുധനാഴ്ച വൈകിട്ട് 6 മണി മുതൽ മദ്യവിൽപ്പന ശാലകൾക്ക് അവധി; വോട്ടെണ്ണൽ നടക്കുന്ന ജൂൺ നാലിനും അവധി