Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

കൊല്ലത്ത് ഓട്ടോറിക്ഷ നിയന്ത്രണം വിട്ട് താഴ്ചയിലേക്ക് മറിഞ്ഞു; ഒരാൾ മരിച്ചു; മൂന്നു പേർക്ക് ഗുരുതര പരിക്ക്; അപകടത്തിൽ പെട്ടത് വിവാഹസൽക്കാരത്തിൽ പങ്കെടുത്ത് മടങ്ങിയ സംഘം

കൊല്ലത്ത് ഓട്ടോറിക്ഷ നിയന്ത്രണം വിട്ട് താഴ്ചയിലേക്ക് മറിഞ്ഞു; ഒരാൾ മരിച്ചു; മൂന്നു പേർക്ക് ഗുരുതര പരിക്ക്; അപകടത്തിൽ പെട്ടത് വിവാഹസൽക്കാരത്തിൽ പങ്കെടുത്ത് മടങ്ങിയ സംഘം

മറുനാടൻ മലയാളി ബ്യൂറോ

കൊല്ലം: ഓട്ടോറിക്ഷ നിയന്ത്രണം വിട്ട് താഴ്ചയിലേക്ക് മറിഞ്ഞ് ഒരാൾ മരിച്ചു. അപകടത്തിൽ മൂന്നു പേർക്ക് ഗുരുതര പരിക്കേറ്റു. കൊല്ലം ജില്ലയിലെ കടയ്ക്കലിന് സമീപമാണ് അപകടം ഉണ്ടായത്. കടയ്ക്കൽ പന്തളംമുക്ക് ചെന്നിലം സ്വദേശി ശിവാനന്ദനാണ്(70) മരിച്ചത്. ചെന്നിലം സ്വദേശിനികളായ സുഗന്ധി (65) ശോഭി (45) ഓട്ടോറിക്ഷ ഡ്രൈവറായ മേലേപന്തളം മുക്ക് സ്വദേശിയായ രതീഷ് എന്നിവർക്കാണ് ഗുരുതര പരുക്കേറ്റത്. ഇവർ തിരുവനന്തപുരം മെഡിക്കൽ കോളേജിൽ ചികിത്സയിലാണ്.

പന്തളംമുക്കിൽ വിവാഹ സൽകാരത്തിൽ പോയി മടങ്ങിവരവെ ചെന്നിലത്തിന് സമീപം ഇറക്കത്തിൽ ഓട്ടോറിക്ഷ നിയന്ത്രണം തെറ്റി പത്തടി താഴ്ചയിലുള്ള വീടിനു മുന്നിലേക്ക് മറിയുകയായിരുന്നു. വീടിന്റെ ഭിത്തിയിലിടിച്ച് ഓട്ടോറിക്ഷ പൂർണമായി തകർന്നു.

ഓടിക്കൂടിയ നാട്ടുകാർ ഇവരെ കടയ്ക്കൽ താലൂക്ക് ആശുപത്രിയിൽ എത്തിച്ചു. ആശുപത്രിയിൽ എത്തിക്കുമ്പോഴേയ്ക്കും ശിവാനന്ദൻ മരണപ്പെട്ടിരുന്നു. ഇറക്കത്തിലെ കൊടും വളവാണ് ഓട്ടോറിക്ഷ മറിയാൻ കാരണമെന്നാണ് പ്രാഥമിക വിവരം. പൊലീസ് കേസെടുത്തിട്ടുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP