വെള്ളം ചോദിച്ച ശേഷം കരണത്തടിച്ചു; വേദനകൊണ്ട് മുഖംപൊത്തിയപ്പോൾ മാല മോഷ്ടിച്ചു കള്ളൻ കട...

വെള്ളം ചോദിച്ച ശേഷം കരണത്തടിച്ചു; വേദനകൊണ്ട് മുഖംപൊത്തിയപ്പോൾ മാല മോഷ്ടിച്ചു കള്ളൻ കടന്നു

November 22, 202209:16 AM IST Permalink

സ്വന്തം ലേഖകൻ

കാട്ടാക്കട: വീട്ടിൽ വെള്ളം ചോദിച്ചെത്തിയ ശേഷം വയോധികയുടെ കരണത്തടിച്ച യുവാവ് രണ്ട് പവന്റെ മാല പൊട്ടിച്ച് കടന്നു കളഞ്ഞു. മുഖത്തും കണ്ണിനും ഗുരുതര പരുക്കേറ്റ മാറനല്ലൂർ കണ്ടല മയൂരം വീട്ടിൽ അരുന്ധതി(72) മെഡിക്കൽ കോളജ് ആശുപത്രിയിൽ ചികിത്സയിലാണ്. ഇന്നലെ 12 മണിയോടെയാണ് സംഭവം. വീടിന്റെ ഉമ്മറത്ത് ഇരിക്കുകയായിരുന്നു അരുന്ധതി.

അരുന്ധതിയും മകൾ സുജയുമാണ് അരുമാളൂരിലെ വീട്ടിൽ താമസിക്കുന്നത്. സുജ ജോലിക്ക് പോയിരുന്ന സമയത്താണ് ബൈക്കിലെത്തിയ യുവാവ് കുടിക്കാൻ വെള്ളം ചോദിച്ച് വീട്ടിലെത്തിയത്. അരുന്ധതി വെള്ളമെടുത്തുകൊടുക്കുകയും ചെയ്തു. വെള്ളം കുടിച്ചതിനുശേഷം ഗ്ലാസ് തിരികെ നൽകുമ്പോഴാണ് അരുന്ധതിയുടെ മുഖത്തടിച്ചത്. അടിയേറ്റ അരുന്ധതി നിലവിളിക്കാൻപോലും കഴിയാതെ മുഖം പൊത്തിപ്പിടിച്ചപ്പോൾ കഴുത്തിലുണ്ടായിരുന്ന മാല പൊട്ടിച്ചെടുക്കുകയായിരുന്നു. മൂക്കിൽക്കൂടി രക്തം വാർന്നൊഴുകിയ അരുന്ധതി പുറത്തിറങ്ങി നാട്ടുകാരെ വിവരമറിയിക്കുകയായിരുന്നു.

ഇവർ മക്കളെ വിവരമറിയിച്ചു. പിന്നാലെ സ്ഥലത്തെത്തിയ മാറനല്ലൂർ പൊലീസ് ഇവരെ നെയ്യാറ്റിൻകര ആദ്യം ജനറൽ ആശുപത്രിയിലേക്കു കൊണ്ടു പോയെങ്കിലും പിന്നീട് മെഡിക്കൽ കോളജ് ആശുപത്രിയിലേക്ക് മാറ്റി.കൈലി മുണ്ട് ഉടുത്ത ഒരാൾ ഉച്ചയോടെ അരുന്ധതിയുടെ വീടിനു സമീപത്തുള്ള മറ്റൊരു വീടിന്റെ മതിൽ ചാടിക്കടന്ന് റബർ പുരയിടത്തിലേക്ക് ഓടി മറഞ്ഞതായി പരിസരവാസികളിൽ ചിലർ പൊലീസിനോട് പറഞ്ഞു.

ഇയാളാണ് മോഷ്ടാവെന്നു കരുതുന്നു. സമീപത്തെ സിസിടിവി ദൃശ്യങ്ങൾ പൊലീസ് പരിശോധിക്കുന്നു. വയോധിക പറഞ്ഞ രൂപ സാദൃശ്യമുള്ള ഒരാൾ ഈ സമയം റോഡിലൂടെ നടന്ന് പോകുന്നത് നാട്ടുകാരുടെ ശ്രദ്ധയിൽപെട്ടിരുന്നു. വീടും പരിസരവും പരിചിതമായ വ്യക്തിയാണ് മോഷ്ടാവെന്നാണു പൊലീസ് നിഗമനം.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: