Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

സംസ്ഥാനത്ത് ഐഎഎസ് തലപ്പത്ത് വീണ്ടും മാറ്റം; ബിശ്വനാഥ് സിൻഹ ധനകാര്യ വകുപ്പ് അഡീഷണൽ ചീഫ് സെക്രട്ടറി; മടങ്ങി എത്തിയ കെ.വാസുകി പുതിയ ലാൻഡ് റവന്യു കമ്മീഷണർ; രത്തൻ ഖേൽക്കർ ടാക്‌സ് -എക്‌സൈസ് വകുപ്പ് സെക്രട്ടറി

സംസ്ഥാനത്ത് ഐഎഎസ് തലപ്പത്ത് വീണ്ടും മാറ്റം; ബിശ്വനാഥ് സിൻഹ ധനകാര്യ വകുപ്പ് അഡീഷണൽ ചീഫ് സെക്രട്ടറി; മടങ്ങി എത്തിയ കെ.വാസുകി പുതിയ ലാൻഡ് റവന്യു കമ്മീഷണർ; രത്തൻ ഖേൽക്കർ ടാക്‌സ് -എക്‌സൈസ് വകുപ്പ് സെക്രട്ടറി

മറുനാടൻ മലയാളി ബ്യൂറോ

തിരുവനന്തപുരം: സംസ്ഥാനത്ത് ഐഎഎസ് തലപ്പത്ത് വീണ്ടും അഴിച്ചുപണി. ബിശ്വനാഥ് സിൻഹ ധനകാര്യ വകുപ്പ് അഡീഷണൽ ചീഫ് സെക്രട്ടറിയായി ചുമതലയേൽക്കും. അവധിയിലായിരുന്ന തിരുവനന്തപുരം മുൻ കലക്ടർ കെ വാസുകിയെ ലാൻഡ് റവന്യൂ കമ്മിഷണറായി നിമയിച്ചു. ദുരന്ത നിവാരണ കമ്മീഷണർ ചുമതലയും വാസുകിക്കാണ്.

ഡോ. കാർത്തികേയൻ മുഖ്യമന്ത്രിയുടെ ഓഫീസർ ഓൺ സ്‌പെഷ്യൽ ഡ്യൂട്ടിയായി ചുമതലയേൽക്കും. ദേശീയാരോഗ്യ മിഷൻ ഡയറക്ടറുടെ അധിക ചുമതലയുമുണ്ട്
ബിശ്വനാഥ് സിൻഹ ആസൂത്രണ സാമ്പത്തികകാര്യം (നവകേരള നിർമ്മാണം), സ്റ്റോർ പർച്ചേസ് വകുപ്പുകളുടെ അഡീഷണൽ ചീഫ് സെക്രട്ടറി അധിക ചുമതലയും റീബിൽഡ് കേരളയുടെ ചീഫ് എക്സിക്യൂട്ടീവ് ഓഫീസർ അധിക ചുമതലയും വഹിക്കും.

ഡോ. രത്തൻ യു ഖേൽക്കറിനെ ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി സെക്രട്ടറിയായി നിയമിച്ചു. നികുതിവകുപ്പിന്റെ അധിക ചുമതലയും വഹിക്കും. ഡോ. കെ വാസുകിക്ക് ദുരന്തനിവാരണ കമീഷണറുടെയും ദേശീയ ചുഴലിക്കാറ്റ് ദുരന്ത ലഘൂകരണ പദ്ധതി സംസ്ഥാന മാനേജരുടെയും അധിക ചുമതലയുണ്ട്.

ജാഫർ മാലിക്കിന്റെ കുടുംബശ്രീ എക്സിക്യൂട്ടീവ് ഡയറക്ടറാക്കി. നിലവിലെ അധിക ചുമതലകൾ തുടരും. എച്ച് ദിനേശന് ഇൻഫർമേഷൻ ആൻഡ് പബ്ലിക് റിലേഷൻ വകുപ്പിന്റെ അധിക ചുമതല നൽകി. എ ഷിബുവിന് കയർ വികസനവകുപ്പ് ഡയറക്ടറായി നിയമിച്ചു. ആസിഫ് കെ യൂസഫിനെ മിൽമ ഡയറക്ടറാക്കി. പ്രമോജ് ശങ്കറിനെ സംസ്ഥാന ഗതാഗത പദ്ധതി ഡയറക്ടറുടെ അധിക ചുമതല നൽകി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP