മദ്യക്കടയുടെ ചുമർ തുരന്ന് ഉള്ളിൽകടന്നു; കടക്കുള്ളിലെ 'നിധി' കണ്ടപ്പോൾ നിയന്ത്രണം വിട്...

മദ്യക്കടയുടെ ചുമർ തുരന്ന് ഉള്ളിൽകടന്നു; കടക്കുള്ളിലെ 'നിധി' കണ്ടപ്പോൾ നിയന്ത്രണം വിട്ടു; ആക്രാന്തം കൊണ്ടു അടിച്ചു കയറ്റിയത് വൻകിട ബ്രാൻഡ് മദ്യം; മോഷണശേഷം അടിച്ച് പൂസായി ഉള്ളിൽ കുടുങ്ങിയ കള്ളന്മാർ പിടിയിൽ

September 05, 202201:20 PM IST Permalink

മറുനാടൻ മലയാളി ബ്യൂറോ

ചെന്നൈ: മദ്യവിൽപനശാലയുടെ ചുമർ തുരന്ന് അകത്തുകടന്ന കള്ളന്മാർ പിടിയിലായി. മദ്യശാലയിലെ മദ്യം അകത്താക്കി പൂസായതോടെയാണ് മോഷ്ടാക്കൾ ഉള്ളിൽ തന്നെ കുടുങ്ങിയത്. ചെന്നൈ പള്ളിക്കരണി സ്വദേശി സതീഷ്, വിലുപ്പുറം സ്വദേശി മുനിയൻ എന്നിവരാണ് അറസ്റ്റിലായത്. തമിഴ്‌നാട് തിരുവള്ളൂർ ജില്ലയിൽ കരവട്ടിയിലെ സർക്കാർ ഉടമസ്ഥതയിലുള്ള ടാസ്മാക് മദ്യക്കടയിലാണ് സംഭവം.

ജീവനക്കാർ മദ്യക്കട അടച്ചു പോയശേഷമാണ് ഒരുവശത്തെ ചുമർ തുരന്ന് ഇരുവരും ഉള്ളിൽ പ്രവേശിച്ചത്. മേശവലിപ്പിലുണ്ടായിരുന്ന പണം എടുത്ത് പുറത്തുകടക്കാൻ ഒരുങ്ങുമ്പോഴാണ് മദ്യക്കുപ്പികൾ ഇരുവരുടേയും ശ്രദ്ധയിൽപ്പെട്ടത്. നിധിപോലെ കണ്ട് ഈ മദ്യം അവർ അകത്താക്കുകയായിരുന്നു.

കവർച്ചയ്ക്കു ശേഷം മദ്യവിൽപ്പനശാലയുടെ റാക്കിലിരുന്ന മദ്യമെടുത്തു കഴിച്ച് ലഹരിയിലായതോടെ പുറത്തിറങ്ങാൻ കഴിയാതെ ഇവർ ഉള്ളിൽ കുടുങ്ങുകയായിരുന്നു.

രാത്രി രണ്ടുമണിയോടെ കരവപ്പെട്ടി പൊലീസിന്റെ പട്രോളിങ് സംഘം കടയുടെ സമീപമെത്തിപ്പോൾ ഉള്ളിൽ നിന്ന് അസാധാരണ ശബ്ദം കേട്ടു. തുടർന്നു നടത്തിയ പരിശോധനയിൽ മുന്നിലെ സിസിടിവി ക്യാമറകളുടെ വയറുകൾ മുറിച്ചുമാറ്റിയതായും ഒരുവശത്തെ ചുവർ തുരന്നതായും കണ്ടെത്തി. മദ്യക്കുപ്പികൾ താഴെവീഴുന്ന ശബ്ദം ആവർത്തിച്ചതോടെയാണ് ഉള്ളിൽ ആളുണ്ടെന്ന് പൊലീസ് ഉറപ്പിച്ചത്.

മദ്യപിച്ച് ബോധം പോയ നിലയിൽ കടക്കുള്ളിൽനിന്ന് പുറത്തിറങ്ങാനാവാതെ കുടുങ്ങിയ ഇരുവരെയും പൊലീസ് അതേ ദ്വാരത്തിലൂടെ തന്നെ പുറത്തിറക്കി. ഇരുവരിൽ നിന്നും 14,000 രൂപ പൊലീസ് കണ്ടെടുത്തു. സ്റ്റേഷനിലെത്തിച്ച രണ്ടുപേരെയും മോഷണക്കുറ്റം ചുമത്തി അറസ്റ്റ് ചെയ്തു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മറുനാടൻ മലയാളി ബ്യൂറോ

Stories you may Like

Readers Comments+

More News in this category+

MNM Recommends +

ഫിറ്റ്‌നസ് ടെസ്റ്റ് പാസായി; തൃശൂർ പൂരത്തിന് തെച്ചിക്കോട്ടുകാവ് രാമചന്ദ്രനെ എഴുന്നള്ളിപ്പിക്കാം

എറണാകുളത്ത് കോവിഡ് കേസുകൾ കൂടുന്നു; വർദ്ധന മൂന്നുമാസത്തെ ഇടവേളയ്ക്ക് ശേഷം; ജാഗ്രത പുലർത്തണമെന്ന് ഐഎംഎ