Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202419Friday
ഹോം വാർത്ത ഇന്ത്യ

ഗുജറാത്ത് നിയമസഭാ തിരഞ്ഞെടുപ്പിൽ തങ്ങളുടെ 23 നേതാക്കൾ മത്സരിക്കും; നിലപാട് വ്യക്തമാക്കി പാട്ടിദാർ അനാമത് ആന്ദോളൻ സമിതി നേതാവ്

August 28, 202209:40 PM IST Permalink
ഗുജറാത്ത് നിയമസഭാ തിരഞ്ഞെടുപ്പിൽ തങ്ങളുടെ 23 നേതാക്കൾ മത്സരിക്കും; നിലപാട് വ്യക്തമാക്കി പാട്ടിദാർ അനാമത് ആന്ദോളൻ സമിതി നേതാവ്

സ്വന്തം ലേഖകൻ

അഹമ്മദാബാദ്: ഗുജറാത്ത് നിയമസഭാ തിരഞ്ഞെടുപ്പിൽ മത്സരിക്കാൻ ഒരുങ്ങി പാട്ടിദാർ അനാമത് ആന്ദോളൻ സമിതി. തങ്ങളുടെ 23 നേതാക്കളെങ്കിലും മത്സരിക്കുമെന്ന് പാട്ടിദാർ അനാമത് ആന്ദോളൻ സമിതി നേതാവ് ദിനേഷ് ബംഭാനിയ വ്യക്തമാക്കി. മത്സരിക്കുന്ന നേതാക്കളുടെ എണ്ണം വർധിച്ചേക്കാം. തിരഞ്ഞെടുപ്പ് കൂടുതൽ രസകരമായിരിക്കുമെന്നും അദ്ദേഹം ട്വീറ്റ് ചെയ്തു.

നേരത്തെ ബംഭാനിയ ഹാർദിക് പട്ടേലിന് അയച്ച കത്തിൽ പാസ് പ്ലാറ്റ്ഫോമിലേക്ക് മടങ്ങണമെന്നും ജനങ്ങൾക്കായി പോരാടാണമെന്നും അഭ്യർത്ഥിച്ചിരുന്നു. അതോടൊപ്പം തന്നെ ഒരു സമുദായ നേതാവ് ഏതെങ്കിലും രാഷ്ട്രീയ പാർട്ടിയിൽ ചേരുകയാണെങ്കിൽ, ഏത് പ്രശ്നങ്ങൾ ഉന്നയിക്കാനും പോരാടാനുമുള്ള അദ്ദേഹത്തിന്റെ അധികാരം നഷ്ടപ്പെടുത്തുമെന്നും പിന്നീട് പാർട്ടി ലൈനുകൾ പിന്തുടരേണ്ടതായി വരുമെന്നും ബംഭാനിയ കത്തിൽ പറഞ്ഞിരുന്നു.

സമുദായങ്ങൾക്കൊപ്പം തന്നെ സമുദായ സ്ഥാനാർത്ഥിയായി നാമനിർദ്ദേശം ചെയ്യപ്പെടുന്ന ഓരോ സ്ഥാനാർത്ഥിയുടെ പശ്ചാത്തലവും സൂക്ഷ്മമായി പരിശോധിക്കും. ഏതൊരാൾക്കും ഏതെങ്കിലും രാഷ്ട്രീയ പാർട്ടിയുടെ ചിഹ്നത്തിൽ മത്സരിക്കാം, എന്നാൽ ആരെങ്കിലും സമുദായത്തിനെതിരെ പ്രവർത്തിച്ചിട്ടുണ്ടെങ്കിൽ അവരെ പാട്ടിദാർ സമൂഹം ഒരിക്കലും ശുപാർശ ചെയ്യരുതെന്നും ബംഭാനിയ ഐഎഎൻഎസിനോട് പറഞ്ഞു.

പാസ് ഒരു രാഷ്ട്രീയ പാർട്ടിയായി രജിസ്റ്റർ ചെയ്തിട്ടില്ല, അതിനാൽ തന്നെ ഒരാൾക്ക് അവർ തിരഞ്ഞെടുക്കുന്ന പാർട്ടിയിൽ നിന്നോ സ്വതന്ത്ര സ്ഥാനാർത്ഥിയായോ മത്സരിക്കാം. പാട്ടിദാർ സമുദായത്തിന്റെ തീർപ്പുകൽപ്പിക്കാത്ത പ്രശ്നങ്ങൾക്കും വികസനത്തിനും വേണ്ടി പ്രവർത്തിക്കണമെന്നും ബംഭാനിയ അറിയിച്ചു.

എന്നാൽ അത്തരത്തിലൊരു തീരുമാനത്തെക്കുറിച്ച് തനിക്കറിയില്ലെന്നും താൻ കോൺഗ്രസ് പാർട്ടിക്കൊപ്പമാണെന്നും ദിനേശ് ബംഭാനിയയുടെ പ്രഖ്യാപനത്തിൽ ആശ്ചര്യപ്പെടുന്നതായും പാസ് വനിതാ വിഭാഗം പ്രസിഡന്റും കോൺഗ്രസ് ജനറൽ സെക്രട്ടറിയുമായ ഗീത പട്ടേൽ ഐഎഎൻഎസിനോട് പറഞ്ഞു.

പാസിന്റെ തീരുമാനത്തെക്കുറിച്ച് അറിയില്ലായിരുന്നുവെന്ന് പാസിന്റെ മറ്റൊരു മുൻ കൺവീനറും ഇപ്പോൾ ബിജെപി നേതാവുമായ വരുൺ പട്ടേലും അറിയിച്ചു. താൻ ബിജെപിയുടെയും പട്ടീദാർമാരുടെയും സൈനികനാണെന്നും പാർട്ടിയിൽ ഉറച്ചുനിൽക്കുമെന്നും, പാർട്ടിയുടെ നിർദ്ദേശങ്ങൾ പാലിക്കുകയും സമൂഹത്തെ സേവിക്കുകയും ചെയ്യുമെന്നും അദ്ദേഹം ഐഎഎൻഎസിനോട് പറഞ്ഞു.

 

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP