Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

തിരിച്ചു വരവ് ഗംഭീരമാക്കി നീരജ് ചോപ്ര; ലൗസേൻ ഡയമണ്ട് ലീഗ് അത്ലറ്റിക്സിൽ ഒന്നാം സ്ഥാനം

തിരിച്ചു വരവ് ഗംഭീരമാക്കി നീരജ് ചോപ്ര; ലൗസേൻ ഡയമണ്ട് ലീഗ് അത്ലറ്റിക്സിൽ ഒന്നാം സ്ഥാനം

സ്വന്തം ലേഖകൻ

ലൗസേൻ: ലൗസേൻ ഡയമണ്ട് ലീഗ് അത്ലറ്റിക്സിൽ നീരജ് ചോപ്രയ്ക്ക് ഒന്നാം സ്ഥാനം. ജാവലിൽ ത്രോയിൽ 89.09 മീറ്റർ ദൂരം കണ്ടെത്തിയാണ് ഇന്ത്യയുടെ ഒളിമ്പിക് സ്വർണമെഡൽ ജേതാവ് ഒന്നാമതെത്തിയത്.

ആദ്യ ശ്രമത്തിൽ തന്നെ 89.09 മീറ്റർ കണ്ടെത്താൻ നീരജിന് സാധിച്ചു. 85.88 മീറ്റർ കണ്ടെത്തിയ ചെക്ക് റിപ്പബ്ലിക്കിന്റെ യാക്കൂബ് വാഡ്ലെയ്ഷ് രണ്ടാം സ്ഥാനവും 83.72 മീറ്റർ എറിഞ്ഞ അമേരിക്കയുടെ കുർട്വ തോംപ്സൺ മൂന്നാം സ്ഥാനവും സ്വന്തമാക്കി.

പരിക്കിൽ നിന്ന് മുക്തനായശേഷം നീരജ് പങ്കെടുത്ത ആദ്യ മത്സരമാണിത്. പരിക്കുമൂലം താരത്തിന് കോമൺവെൽത്ത് ഗെയിംസ് നഷ്ടമായിരുന്നു. ഈ വിജയത്തോടെ ഡയമണ്ട് ലീഗ് ഫൈനലിലേക്ക് യോഗ്യത നേടാൻ നീരജിന് സാധിച്ചു. ഡയമണ്ട് ലീഗ് ഫൈനലിലേക്ക് പ്രവേശനം നേടുന്ന ആദ്യ ഇന്ത്യൻ താരം എന്ന റെക്കോഡും നീരജ് സ്വന്തമാക്കി.

ആദ്യ ആറ് സ്ഥാനങ്ങളിലുള്ളവർക്കാണ് ഡയമണ്ട് ലീഗ് ഫൈനൽസിലേക്കുള്ള പ്രവേശനം. സെപ്റ്റംബർ 7,8 തീയതികളിലായി ഫൈനൽ നടക്കും.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP