Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

അമ്മയ്ക്ക് മറ്റൊരാളുമായി പ്രണയമുണ്ടെന്ന് സംശയം; വീട്ടിനുള്ളിലിട്ട് കുത്തിക്കൊലപ്പെടുത്തി മൃതദേഹം ഒളിപ്പിച്ചു; 21 കാരനമായ മകൻ അറസ്റ്റിൽ

അമ്മയ്ക്ക് മറ്റൊരാളുമായി പ്രണയമുണ്ടെന്ന് സംശയം; വീട്ടിനുള്ളിലിട്ട് കുത്തിക്കൊലപ്പെടുത്തി മൃതദേഹം ഒളിപ്പിച്ചു; 21 കാരനമായ മകൻ അറസ്റ്റിൽ

ന്യൂസ് ഡെസ്‌ക്‌

ഗുരുഗ്രാം: അമ്മയ്ക്ക് മറ്റൊരാളുമായി പ്രണയമുണ്ടെന്ന് സംശയിച്ച് വീട്ടിനുള്ളിലിട്ട് കുത്തിക്കൊലപ്പെടുത്തി മൃതദേഹം ഒളിപ്പിച്ച മകൻ അറസ്റ്റിൽ. ഗുരുഗ്രാമിലെ സോനാദേവി(40) ആണ് ദാരുണായി കൊല്ലപ്പെട്ടത്. പ്രദേശവാസികളുടെ പരാതിയെ തുടർന്നാണ് 21 കാരനമായ മകൻ പർവേഷിനെ പൊലീസ് അറസ്റ്റ് ചെയ്തത്. ഇയാൾ കുറ്റം സമ്മതിച്ചു.

നിരവധി തവണ കുത്തി സോനാദേവിയുടെ മരണം ഉറപ്പാക്കിയ ശേഷം മൃതദേഹം കിടക്കയിൽ കെട്ടി അകത്ത് ഒളിപ്പിച്ചെന്നും പൊലീസ് പറഞ്ഞു. ദുർഗന്ധം വന്നതോടെ കെട്ടിട ഉടമ പരാതിയെ തുടർന്ന് പരിശോധിച്ചപ്പോഴാണ് മരിച്ച് നാല് ദിവസത്തിന് ശേഷം സോനാദേവിയുടെ മൃതദേഹം കണ്ടെത്തിയത്.

സോനാദേവിയുടെ സഹോദരൻ തുടർന്ന് പരാതി നൽകി. പൊലീസ് നടത്തിയ അന്വേഷണത്തിലാണ് വ്യാഴാഴ്ച റോഹത്തിൽ നിന്നും പർവേഷിനെ അറസ്റ്റ് ചെയ്തു. കൊലപാതകം, തെളിവ് നശിപ്പിക്കൽ എന്നിവയടക്കമുള്ള കുറ്റം ചുമത്തിയാണ് പൊലീസ് പർവേഷിനെതിരെ അറസ്റ്റ് ചെയ്തിരിക്കുന്നത്.

ഭർത്താവിന്റെ മരണ ശേഷം സോനാദേവി സ്വന്തം ഗ്രാമമായ ഹിസാറിലെ ഗാർഹിയിലായിരുന്നു താമസിച്ചു വരുന്നത്. അവിടെ സ്വകാര്യ സ്‌കൂളിൽ വാർഡനായി ജോലിയും നോക്കിയിരുന്നു. ഏകദേശം ആറ് മാസം മുമ്പ് അവർ ജോലി വിടുകയും ഇതേ ഗ്രാമത്തിൽ വാടകയ്ക്ക് താമസിച്ചുവരികയുമായിരുന്നു.

സോനിപത്തിൽ താമസിക്കുകയായിരുന്ന പർവേഷ് ഇവിടെ ഇടയ്ക്കിടെ സന്ദർശിക്കാറുണ്ടായിരുന്നു. തുടർന്നാണ് അമ്മയ്ക്ക് മറ്റൊരാളുമായി പ്രണയമുണ്ടെന്ന തോന്നൽ പർവേഷിനുണ്ടായത്. പലപ്പോഴും അമ്മ ഫോൺവിളിക്കുന്നത് താൻ കാണാറുണ്ടെന്നും പർവേഷ് പൊലീസിനോട് പറഞ്ഞിട്ടുണ്ട്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP