Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

മടങ്ങി വരവ് ഗംഭീരമാക്കി നീരജ് ചോപ്ര; ദേശിയ റെക്കോർഡ് തിരുത്തി താരം: പാവോ നുർമി ഗെയിംസിൽ വെള്ളി മെഡൽ നേട്ടം

മടങ്ങി വരവ് ഗംഭീരമാക്കി നീരജ് ചോപ്ര; ദേശിയ റെക്കോർഡ് തിരുത്തി താരം: പാവോ നുർമി ഗെയിംസിൽ വെള്ളി മെഡൽ നേട്ടം

സ്വന്തം ലേഖകൻ

ടോക്യോ ഒളിമ്പിക്സിന് ശേഷമുള്ള മടങ്ങി വരവ് ഗംഭീരമാക്കി ഇന്ത്യയുടെ ഒളിമ്പിക് സ്വർണ മെഡൽ ജേതാവ് നീരജ് ചോപ്ര. ഫിൻലൻഡിൽ നടക്കുന്ന പാവോ നുർമി ഗെയിംസിൽ മികച്ച പ്രകടനം പുറത്തെടുത്ത താരം ജാവലിനിൽ 89.30 മീറ്റർ ദൂരം കണ്ടെത്തി വെള്ളി മെഡൽ സ്വന്തമാക്കി. ഇതോടൊപ്പം തന്റെ തന്നെ ദേശീയ റെക്കോഡും (88.07) നീരജ് തിരുത്തിയെഴുതി. 89.83 ദൂരം കണ്ടെത്തിയ ഫിൻലൻഡ് താരം ഒലിവർ ഹെലൻഡറാണ് പാവോ നുർമി ഗെയിംസിൽ ജാവലിൻ ത്രോയിൽ സ്വർണ മെഡൽ സ്വന്തമാക്കിയത്.

കഴിഞ്ഞ വർഷം മാർച്ചിൽ പാട്യാലയിൽ നടന്ന ഗെയിംസിലാണ് നീരജ് 88.07 മീറ്റർ കണ്ടെത്തി ദേശീയ റെക്കോഡിട്ടത്. പിന്നാലെ ടോക്യോ ഒളിമ്പിക്സിൽ 87.58 മീറ്റർ ജാവലിൻ പായിച്ച് ഇന്ത്യയ്ക്കായി അത്ലറ്റിക്സിൽ ആദ്യ ഒളിമ്പിക് സ്വർണ മെഡലെന്ന നേട്ടവും താരം സ്വന്തമാക്കി. ടോക്യോ ഒളിമ്പിക്സ് അവസാനിച്ച് 10 മാസത്തിനു ശേഷമാണ് 24-കാരനായ താരം കളത്തിലേക്ക് തിരിച്ചുവരുന്നത്.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP