Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202419Friday
ഹോം വാർത്ത ഇന്ത്യ

ഒടിച്ചോടി വിവാഹം കഴിച്ചത് രണ്ട് മാസം മുമ്പ്; ദാമ്പത്യജീവിതത്തിൽ നിരന്തരം വഴക്ക്; ഭാര്യയുടെ നഗ്‌നചിത്രം പ്രചരിപ്പിച്ച് ഭീഷണിയെന്ന് പരാതി; ഭർത്താവിനെതിരേ കേസ്

May 28, 202205:47 PM IST Permalink
ഒടിച്ചോടി വിവാഹം കഴിച്ചത് രണ്ട് മാസം മുമ്പ്; ദാമ്പത്യജീവിതത്തിൽ നിരന്തരം വഴക്ക്; ഭാര്യയുടെ നഗ്‌നചിത്രം പ്രചരിപ്പിച്ച് ഭീഷണിയെന്ന് പരാതി; ഭർത്താവിനെതിരേ കേസ്

ന്യൂസ് ഡെസ്‌ക്‌

റായ്പുർ: തന്റെ നഗ്‌നചിത്രങ്ങൾ പ്രചരിപ്പിച്ച് ഭർത്താവ് ഭീഷണിപ്പെടുത്തിയെന്ന യുവതിയുടെ പരാതിയിൽ കേസെടുത്ത് പൊലീസ്. ഛത്തീസ്‌ഗഢ് ബിലാസ്പുർ സ്വദേശിനിയാണ് ഭർത്താവിനെതിരേ പൊലീസിനെ സമീപിച്ചത്. തങ്ങൾക്കിടയിലുണ്ടായ വഴക്കിന് പിന്നാലെ വ്യാജ ഇൻസ്റ്റഗ്രാം അക്കൗണ്ട് നിർമ്മിച്ച് ഭർത്താവ് തന്റെ നഗ്‌നചിത്രങ്ങൾ പ്രചരിപ്പിക്കുകയാണെന്നും ഇതുകാണിച്ച് ഭീഷണിപ്പെടുത്തുകയാണെന്നും പരാതിയിൽ ആരോപിക്കുന്നു.

രണ്ടുമാസം മുമ്പാണ് ദമ്പതിമാർ വിവാഹിതരായത്. പ്രണയത്തിലായിരുന്ന ഇവരുടെ വിവാഹത്തിന് വീട്ടുകാർ സമ്മതിച്ചിരുന്നില്ല. തുടർന്ന് ഇരുവരും ഒളിച്ചോടി വിവാഹിതരാവുകയായിരുന്നു.എന്നാൽ, ദാമ്പത്യജീവിതം ആരംഭിച്ചതിന് പിന്നാലെ ദമ്പതിമാർക്കിടയിൽ വഴക്ക് പതിവായി.

വിവാഹത്തിന് ശേഷം ഇരുവരും വാടകവീട്ടിലാണ് താമസിച്ചിരുന്നത്. ഇവിടെവെച്ച് ദമ്പതിമാർ തമ്മിൽ വഴക്കിടുന്നത് പതിവായിരുന്നു. ഇതോടെ യുവതി ഭർത്താവിനോട് പിണങ്ങി സ്വന്തം വീട്ടിലേക്ക് മടങ്ങി. ഇതിനുപിന്നാലെയാണ് ഭർത്താവ് തന്റെ നഗ്‌നചിത്രങ്ങൾ പ്രചരിപ്പിച്ചതെന്നാണ് യുവതിയുടെ ആരോപണം.

ഒരുമിച്ച് താമസിക്കുന്നതിനിടെ ഭാര്യയുടെ നിരവധി നഗ്‌നചിത്രങ്ങൾ ഭർത്താവ് മൊബൈൽ ഫോണിൽ പകർത്തിയിരുന്നു. ഈ ചിത്രങ്ങളാണ് പിന്നീട് വ്യാജ ഇൻസ്റ്റഗ്രാം അക്കൗണ്ടിലൂടെ പ്രചരിപ്പിച്ചത്. ഭാര്യ പിണങ്ങിപ്പോയതിന്റെ ദേഷ്യത്തിലാണ് ഭർത്താവ് ഇതെല്ലാം ചെയ്തതെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. ചിത്രം പ്രചരിക്കുന്നത് ശ്രദ്ധയിൽപ്പെട്ടതോടെ യുവതി സഹോദരനമൊപ്പമെത്തി പൊലീസ് സ്റ്റേഷനിൽ പരാതി നൽകുകയായിരുന്നു.

നഗ്‌നചിത്രങ്ങൾ പ്രചരിപ്പിച്ച് ഭീഷണിപ്പെടുത്തിയതിന് പുറമേ, തന്റെ ആഭരണങ്ങൾ ഭർത്താവ് തട്ടിയെടുത്തതായും പരാതിയിൽ ആരോപിക്കുന്നുണ്ട്. യുവതിയുടെ പരാതിയിൽ പൊലീസ് കേസെടുത്ത് അന്വേഷണം ആരംഭിച്ചു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP