Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202428Thursday

രാഷ്ട്രീയ കിസാൻ മഹാസംഘ് സംസ്ഥാന സമിതി പുനഃസംഘടിപ്പിച്ചു; അഡ്വ. ബിനോയ് തോമസ് ചെയർമാൻ

രാഷ്ട്രീയ കിസാൻ മഹാസംഘ് സംസ്ഥാന സമിതി പുനഃസംഘടിപ്പിച്ചു; അഡ്വ. ബിനോയ് തോമസ് ചെയർമാൻ

സ്വന്തം ലേഖകൻ

കോട്ടയം: സ്വതന്ത്ര കർഷക സംഘടനകളുടെ ദേശീയ ഐക്യ വേദിയായ രാഷ്ട്രീയ കിസാൻ മഹാ സംഘ് സംസ്ഥാന സമിതി പുനഃസംഘടിപ്പിച്ചു. ചെയർമാനായി ഓൾ ഇന്ത്യ ഫാർമേഴ്സ് അസോസിയേഷൻ (ഐഫ) ചെയർമാൻ അഡ്വ.ബിനോയ് തോമസിനെയും ജനറൽ കൺവീനറായി മലനാട് കർഷക രക്ഷാസമിതി ചെയർമാൻ ഡോ: ജോസ്‌കുട്ടി ഒഴുകയിലിനേയും തിരഞ്ഞെടുത്തു. കഴിഞ്ഞ 4 വർഷമായി ചെയർമാനായി പ്രവർത്തിച്ചു വന്ന ഇൻഫാം ദേശീയ സെക്രട്ടറി ജനറൽ കൂടിയായ അഡ്വ. വി സി സെബാസ്റ്റ്യൻ രാഷ്ട്രീയ കിസാൻ മഹാ സംഘ് ദേശീയ സമിതി അംഗമായതിനെ തുടർന്നാണ് സംസ്ഥാന ജനറൽ കൺവീനറായിരുന്ന അഡ്വ. ബിനോയ് തോമസിനെ പുതിയ ചെയർമാനായി തിരഞ്ഞെടുത്തത്. നേരത്തേ കേരളത്തിലെ കർഷകരുടെ പ്രശ്നങ്ങൾ പഠിച്ച് പരിഹാര നിർദ്ദേശങ്ങൾ സഹിതം കേന്ദ്ര സംസ്ഥാന സർക്കാരുകൾക്ക് റിപ്പോർട്ട് നൽകുന്നതിന് രാഷ്ട്രീയ കിസാൻ മഹാ സംഘ് രൂപീകരിച്ച ഒന്നാം കർഷക കമ്മീഷന്റെ ചെയർമാൻ കൂടിയാണ് അഡ്വ.ബിനോയ് തോമസ്.

വൈസ് ചെയർമാന്മാരായി വിവിധ സംഘടനാ നേതാക്കളായ മുതലാംതോട് മണി, ബേബി സക്കറിയാസ്, ജോയ് കണ്ണംചിറ, ഫാ.ജോസഫ് കാവനാടിയിൽ, ജയപ്രകാശ് ടി.ജെ, ജോയ് കൈതാരം, മനു ജോസഫ് എന്നിവരേയും കൺവീനർമാരായി മാർട്ടിൻ തോമസ്, വിദ്യാധരൻ ചേർത്തല, പി.കെ ബാലഗോപാൽ, ഷുക്കൂർ കണാജെ, ജോസ് അഞ്ചൽ, രാജൻ അബ്രാഹം, വേണുഗോപാലൻ പി.കെ, അഡ്വ. സുമിൻ എസ് നെടുങ്ങാടൻ, പി.ജെ ജോൺ മാസ്റ്റർ, സുനിൽ മഠത്തിൽ, സണ്ണി തുണ്ടത്തിൽ, എന്നിവരേയും ട്രഷററായി ജിന്നറ്റ് മാത്യുവിനേയും ദേശീയ സമിതി അംഗങ്ങളായി ബിജു കെ.വി, ഷെവലിയർ അഡ്വ.വി സി സെബാസ്റ്റ്യൻ, പി.ടി ജോൺ, അഡ്വ. ജോൺ ജോസഫ്, രാജു സേവ്യർ എന്നിവരേയും സമ്മേളനം തിരഞ്ഞെടുത്തു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP