Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

കൾച്ചറൽ ഫോറം മെഗാ രക്തദാന ക്യാമ്പ് സമാപിച്ചു

കൾച്ചറൽ ഫോറം മെഗാ രക്തദാന ക്യാമ്പ് സമാപിച്ചു

സ്വന്തം ലേഖകൻ

ദോഹ:ഇന്ത്യൻ റിപ്പബ്ലിക് ദിനാഘോഷത്തിന്റെ ഭാഗമായും ആസാദീ കാ അമൃത് മഹോത്സവത്തിന് ഐക്യദാർഢ്യം പ്രകടിപ്പിച്ചും കൾച്ചറൽ ഫോറം സംഘടിപ്പിച്ച മെഗാ രക്തദാന ക്യാമ്പ് സമാപിച്ചു.ഹമദ് മെഡിക്കൽ കോർപറേഷനുമായി സഹകരിച്ച് ബർവ സിറ്റിയിലെ കിംസ്‌ഹെൽത്ത് മെഡിക്കൽ സെന്ററിൽ നടന്ന രക്തദാന ക്യാമ്പിൽ ഓൺലൈൻ രജിസ്‌ട്രേഷൻ വഴി നൂറ്റി ഇരുപതോളം ആളുകൾ രക്തദാനം നടത്തി.

കൾച്ചറൽ ഫോറം വൈസ് പ്രസിഡന്റ് മുഹമ്മദ് കുഞ്ഞി അധ്യക്ഷത വഹിച്ച ഉദ്ഘാടന സെഷനിൽ ഐ സി ബി എഫ് പ്രസിഡന്റ് സിയാദ് ഉസ്മാൻ,വൈസ് പ്രസിഡന്റ് വിനോദ് നായർ, സാമൂഹിക പ്രവർത്തകൻ അബ്ദുറഊഫ് കൊണ്ടോട്ടി,കിംസ് ഡയറക്ടർ നിഷാദ്,കിംസ് അഡ്‌മിനിസ്‌ട്രേഷൻ മാനേജർ ഡോ.ദീപിക എന്നിവരുംകൾച്ചറൽ ഫോറം പ്രസിഡന്റ് മുനീഷ് എ സി,ജനറൽ സെക്രട്ടറി മജീദലി,വൈസ് പ്രസിഡന്റുമാരായ ചന്ദ്രമോഹൻ,ഷാനവാസ് ഖാലിദ്,സജ്‌ന സാക്കി,സെക്രട്ടറി കെ ടി മുബാറക് എന്നിവർ സംബന്ധിച്ചു.

കൾച്ചറൽ ഫോറം ജനറൽ സെക്രട്ടറിയും രക്തദാന ക്യാമ്പ് കൺവീനറുമായ തസീൻ അമീൻ, കോഡിനേറ്റർ സിദ്ദീഖ് വേങ്ങര,കൾച്ചറൽ ഫോറം സെക്രട്ടറി അഹമ്മദ് ഷാഫി,കൾച്ചറൽ ഫോറം സംസ്ഥാന സമിതിയംഗങ്ങളായ രാധാകൃഷ്ണൻ,അബ്ദുൽഗഫൂർ, റഷീദലി, നജ്‌ല നജീബ്,ഫാതിമ തസ്‌നീം,സകീന അബ്ദുല്ല തുടങ്ങിയവർ നേതൃത്വം കൊടുത്തു.
കോവിഡ് സാഹചര്യമായതിനാൽ ഹമദ് രക്തബാങ്കിൽ കുറവ് വന്നതോടെയാണ് ചുരുങ്ങിയ സമയത്തിനുള്ളിൽ കൾച്ചറൽ ഫോറം മെഗാ രക്തദാന ക്യാമ്പ് സംഘടിപ്പിച്ചത്.
വെള്ളിയാഴ്ച ഉച്ചക്ക് രണ്ടു മണിയോടുകൂടി ആരംഭിച്ച ക്യാമ്പ് രാത്രി എട്ടുമണിയോടുകൂടിയാണ് അവസാനിച്ചു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP