Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

കണ്ണൂർ സർവകലാശാലാ യൂണിയൻ തെരഞ്ഞെടുപ്പിൽ എസ്. എഫ്. ഐക്ക് മിന്നും വിജയം; 53 കോളേജുകളിൽ വ്യക്തമായ ആധിപത്യം

കണ്ണൂർ സർവകലാശാലാ യൂണിയൻ തെരഞ്ഞെടുപ്പിൽ എസ്. എഫ്. ഐക്ക് മിന്നും വിജയം; 53 കോളേജുകളിൽ വ്യക്തമായ ആധിപത്യം

അനീഷ് കുമാർ

കണ്ണൂർ: കണ്ണൂർ സർവകലാശാല കോളേജ് യൂനിയർ തിരഞ്ഞെടുപ്പിൽ എസ്.എഫ്.ഐ ക്ക് മിന്നും ജയം. തെരഞ്ഞെടുപ്പ് നടന്ന 64 കോളേജുകളിൽ 53 സ്ഥലങ്ങളിൽ എസ് എഫ് ഐ വിജയിച്ചു. പത്തിലധികം കോളേജുകൾ മറ്റ് വിദ്യാർത്ഥി സംഘടനകളിൽ നിന്നും എസ്.എഫ്.ഐ പിടിച്ചെടുത്തു.

കണ്ണൂർ, കാസർകോഡ് ,വയനാട് ജില്ലകളിലായി വിദ്യാർത്ഥി സംഘടനാടിസ്ഥാനത്തിൽ തിരഞ്ഞെടുപ്പ് നടന്ന 64 കോളേജുകളിൽ 53 ഇടങ്ങളിലാണ് എസ്. എഫ്. ഐ വ്യക്തമായ മുൻതൂക്കം നേടിയത്. 32 കോളേജുകളിൽ വോട്ടെടുപ്പിന് മുൻപ തന്നെ എസ് എഫ് ഐ സ്ഥാനാർത്ഥികൾ എതിരില്ലാതെ തിരഞ്ഞെടുക്കപ്പെട്ടിരുന്നു. തങ്ങൾ മേധാവിത്വം പുലർത്തിയ കോളേജുകളിൽ കെ എസ് യു എം എസ് എഫ് സഖ്യത്തിന് തിരിച്ചടിയേറ്റിട്ടുണ്ട്. വയനാട് ജില്ലയിൽ തിരഞ്ഞെടുപ്പ് നടന്ന മൂന്ന് കോളേജുകളിൽ മുഴുവൻ സീറ്റുകളിലും എസ് എഫ് ഐ വിജയിച്ചു.കണ്ണൂർ ജില്ലയിൽ 46 കോളേജുകളിൽ 38 ഇടത്ത് എസ് എഫ് ഐ വിജയിച്ചു.

കാസർഗോഡ് ജില്ലയിൽ തിരഞ്ഞെടുപ്പ് നടന്ന 15 കോളേജുകളിൽ 12 സ്ഥലത്തും എസ് എഫ് ഐ വിജയം നേടി. കണ്ണൂർ ജില്ലയിലെ കൂത്തുപറമ്പ് നിർമ്മലഗിരി കോളേജ്, ഇരിട്ടി എം ജി, ഇരിക്കുർ സിബ്ഗ, അങ്ങാടിക്കടവ് ഡോൺ ബോസ്‌കോ തുടങ്ങിയ കോളേജുകൾ കെ എസ് യു വിൽ നിന്നും എസ് എഫ് ഐ പിടിച്ചെടുത്തു. കാസർകോഡ് ജില്ലയിലെ കുമ്പള ഐ എച്ച് ആർ ഡി കോളേജ് എബിവിപി യിൽ നിന്നും പെരിയ അംബേദ്കർ കോളേജ് കെ എസ് യു എം എസ് എഫ് സഖ്യത്തിൽ നിന്നും എസ് എഫ് ഐ പിടിച്ചെടുത്തു.പുരോഗമനവിദ്യാർത്ഥി പ്രസ്ഥാനങ്ങളുടെ കരുത്തറിയിച്ച തിരഞ്ഞെടുപ്പിൽ ഉജ്ജ്വലവിജയം സമ്മാനിച്ച വിദ്യാർത്ഥി സമൂഹത്തെ എസ്. എഫ്. ഐ കണ്ണൂർ ജില്ലാകമ്മിറ്റി അഭിവാദ്യം ചെയ്തു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP