നസീർ കശ്മീരിൽ പോയത് കമ്പിളിപ്പുതപ്പ് വിൽക്കാനോ! ബംഗ്ലാദേശ് അതിർത്തിയിൽ ടൂർ പോയതാണോ? നാലുവർഷം തുമ്പ് കിട്ടാത്ത അപൂർവ കേസ്; കുറ്റസമ്മത മൊഴിയുണ്ടായിട്ടും പ്രതികൾ രക്ഷപ്പെട്ടു; തീവ്രവാദത്തിന്റെ വേരുകൾ സുശക്തമോ; സ്ഫോടനത്തിൽ കോഴിക്കോട് നടുങ്ങിയ ആ വെള്ളിയാഴ്ചയുടെ ഓർമ്മകളിലുടെ...
എം റിജു
കോഴിക്കോട്: 'മലപ്പുറം കത്തി, അമ്പും വില്ലും ഒലക്കേടേ മൂട്'! ഒടുവിൽ പവനാഴി ശവമായി എന്ന് നാടോടിക്കാറ്റ് സിനിമയിൽ പറഞ്ഞതുപോലെയായി കോഴിക്കോട് ഇരട്ട സ്ഫോടനക്കേസിന്റെ അപ്പീലിലുള്ള വിധി. ഒന്നാം പ്രതി തടിയന്റവിട നസീറിനെയും നാലാം പ്രതി ഷിഫാസിനെയും വെറുതെ വിട്ടുകൊണ്ടുള്ള വിധി സത്യത്തിൽ പൊലീസിലും നിയമവൃത്തങ്ങളിലും വലിയ അങ്കലാപ്പാണ് ഉണ്ടാക്കിയിരിക്കുന്നത്. കാരണം തടിയന്റവിട നസീറിനെ എൻഐഎയും കേരളാ പൊലീസും പ്ലേസ് ചെയ്തിരിക്കുന്നത്, കേരളത്തിലെ ഏറ്റവും വലിയ ഭീകരൻ ആയിട്ടാണ്. നായനാർ വധശ്രമക്കേസ് തൊട്ട് ബംഗളുരു സ്ഫോടന പരമ്പര കേസുവരെയുള്ള ഒരു ഡസനോളം കേസുകളാണ് നസീറിന്റെ പേരിലുള്ളത്. അതുകൊണ്ടുതന്നെ ഈ കേസിൽ കുറ്റ വിമുക്തനായാലും ഉടനെയൊന്നും നസീറിന് പുറത്തിറങ്ങാൻ കഴിയില്ല.
താൻ ഈ കുറ്റങ്ങൾ ചെയ്തുവെന്ന് നസീറും കൂട്ടാളിയും പറയുന്നതിന്റെ കൃത്യമായ കുറ്റസമ്മത മൊഴിയും വീഡിയോയും എൻഐഎയുടെ കൈയിലുണ്ട്്. അത് കോടതിയിൽ ഹാജരാക്കിയതുമാണ്. എന്നാൽ കുറ്റസമ്മത മൊഴികൾക്ക് അപ്പുറം നിഷ്പക്ഷമായ തെളിവ് കണ്ടത്താൻ എൻഐഎ ശ്രമിച്ചില്ല എന്നും കോടതി വിമർശിച്ചു. മാപ്പു സാക്ഷിയുടെ മൊഴികൾ കേസ് തെളിയിക്കുന്നതിൽ പൂർണ്ണ പരാജയമായി. കുറ്റസമ്മതമൊഴികൾക്ക് തെളിവ് നിയമത്തിൽ സാധുതയില്ലാതിരുന്നിട്ടും അത് മാത്രം വെച്ച് കേസ് ചിട്ടപ്പെടുത്തിയെന്നും കോടതി വിമർശിച്ചു.
പക്ഷേ വിധി വന്നതോടെ എൻഐഎ ഉദ്യോഗസ്ഥരെപ്പോലെ പൊലീസും നിരാശയിലാണ്. തീവ്രവാദക്കേസുകളിൽ പലതിലും തെളിവുകൾ പോലും കിട്ടാത്തവിധം സുശക്തമാണ് ഭീകരതയുടെ നെറ്റ്വർക്ക് എന്ന് ഇതിൽനിന്ന് വ്യക്തമാണ്. ഈ വിഷയത്തിൽ പ്രതികരണം ആരാഞ്ഞപ്പോൾ ഒരു ഉന്നത പൊലീസ് ഉദ്യോഗസ്ഥൻ ഇങ്ങനെ പ്രതികരിക്കുന്നു. 'കോഴിക്കോട് ഇരട്ട സ്ഫോടനത്തിൽ ആദ്യത്തെ നാലുവർഷം ഒരു തുമ്പും കിട്ടിയിരുന്നില്ല. പിന്നെയാണ് യാദൃശ്ചികമായി തെളിവ് വരുന്നത്. ഗുണ്ടാ ആക്രമണം പോലെയോ അതിർത്തി തർക്കം പോലെയോ അല്ല തീവ്രവാദക്കേസുകൾ. അവിടെ സാക്ഷിമൊഴിയെന്നും ഉണ്ടാവില്ല. സാഹചര്യത്തെളിവുകളും കുറ്റസമ്മതമൊഴിക്കുമൊക്കെ കൂടുതൽ വിലയുണ്ട്. പക്ഷേ ഇവിടെ നിരാശാജനകമായ വിധിയാണ് ഉണ്ടായത്. കോഴിക്കോട്ടെ ഇരട്ട സ്ഫോടനം പിന്നെ തനിയെ ഉണ്ടായതാണോ. വെറുതെ ഒരു നിരപരാധിയെ പിടിച്ച് പ്രതിയാക്കാൻ കഴിയില്ല. നസീർ കശ്മീരിൽ പോയത് കമ്പിളിപ്പുതപ്പ് വിൽക്കാനെന്ന് വിശ്വസിക്കാൻ മാത്രം മണ്ടന്മാരല്ല നാം. ബംഗ്ലാദേശ് അതിർത്തിയിൽ പോയത് ടൂറിനാണെന്നും വിശ്വസിക്കാം. പ്രതികളെ ജാമ്യത്തിലെടുക്കാനും, മികച്ച അഭിഭാഷകരെ വെച്ച് വാദിക്കാനും ഒക്കെ കോടികൾ ചെലവിടാൻ പുറത്ത് ആളുകൾ ഉണ്ട്. കേരളത്തിന്റെ തീവ്രവാദ നെറ്റ്വർക്ക് അതീവ സുസംഘടിതമാണ് എന്നാണ് തെളിയിക്കുന്നത്.''
പി.ഡി.പി പ്രവർത്തകനിൽ നിന്ന് ലഷ്കറിലേക്ക്
പൊലീസും എൻഐഎയും തടിയന്റവിട നസീറിന് ഒരു കൊടും ഭീകരന്റെ ചിത്രമാണ് നൽകിയത്. നസീറിന്റെ കുറ്റസമ്മത മൊഴിയിലും അയാളുടെ ജീവിത കഥ ആവർത്തിക്കുന്നുണ്ട്. കണ്ണൂർ സ്വദേശിയാണ് തടിയന്റവിട നസീർ അഥവാ ഉമ്മർ ഹാജി എന്നറിയപ്പെടുന്ന നീർച്ചാൽ ബെയ്തുൽ ഹിലാലിൽ തടിയന്റവിടെ നസീർ. നിരവധി കേസുകളിൽ ഇയാൾ പ്രതിയാണ്. കോഴിക്കോട് ഇരട്ട സ്ഫോടനക്കേസ് അതിൽ ഒന്നുമാത്രം. അന്വേഷണോദ്യോഗസ്ഥരുടെ അഭിപ്രായ പ്രകാരം നസീർ തന്റെ പ്രവർത്തനങ്ങൾ തുടങ്ങിയത് അബ്ദുൾ നാസർ മ്ദനി 1989ൽ ആരംഭിച്ച ഇസ്ലാമിക് സേവാ സംഘിലൂടെ (ഐ.എസ്.എസ്.) ആണ്. പിന്നീട് ഐഎസ്എസ് പിരിച്ചുവിട്ട് മ്ദനി പുതിയതായി തുടങ്ങിയ പിഡി.പിയുടെ പ്രവർത്തകനായി. കോയമ്പത്തൂർ സ്ഫോടന പരമ്പരയെത്തുടർന്ന് മഅ്ദനി അറസ്റ്റിലായതോടെ നസീർ സ്വന്തം നിലയ്ക്ക് പ്രവർത്തനമാരംഭിച്ചുവെന്നും എൻഐഎ പറയുന്നു.
എൻഐഎ ആരോപിക്കുന്ന നസീറിന്റെ തുടർ ജീവിതം ഇങ്ങനെയാണ്. അക്കാലത്ത് മുഖ്യമന്ത്രിയായിരുന്ന ഇ.കെ. നായനാരെ വധിക്കാനുള്ള ഗൂഢാലോചന പുറത്തായതിനെത്തുടർന്ന് അറസ്റ്റിലായെങ്കിലും പുറത്തിറങ്ങി. തുടർന്ന് തീവ്രവാദ പ്രവർത്തനങ്ങൾക്കായി പണമുണ്ടാക്കാൻ 2002 ജൂൺ 20ന് എറണാകുളം കിഴക്കമ്പലത്തെ കാച്ചപ്പള്ളി ജൂവലറി ഉടമയെ വെട്ടിപ്പരിക്കേൽപ്പിച്ച് രണ്ടരക്കിലോ സ്വർണം മോഷ്ടിച്ചിരുന്നു. ഇക്കാര്യത്തിൽ നസീർ കുറ്റസമ്മതം നടത്തിയിട്ടുണ്ട്.
തടവിലായിരുന്ന മ്ദനിയെ മോചിപ്പിക്കുന്നതിനായി തമിഴ്നാട് സർക്കാരിനെ ഭീഷണിപ്പെടുത്തുവാനെന്ന് കരുതപ്പെടുന്ന, തമിഴ്നാട് സർക്കാരിന്റെ എറണാകുളത്ത് നിന്ന് പുറപ്പെട്ട ബസ് 2005 സെപ്റ്റംബർ 9ന് തട്ടിയെടുത്ത് യാത്രക്കാരെ പുറത്തിറക്കി കളമശ്ശേരിയിൽ വെച്ച് തീവെച്ച് നശിപ്പിച്ച കേസിൽ പ്രധാന സൂത്രധാരനും ഒന്നാം പ്രതിയുമാണ്. ആ കേസിൽ മ്ദനിയുടെ ഭാര്യ സൂഫിയ മ്അദനിയും കൂട്ടുപ്രതിയാണ്.
പിന്നീട് കൂടുതൽ ഗൗരവകരവും ഇന്ത്യാവിരുദ്ധവുമായ കുറ്റങ്ങൾ ചെയ്തതായി ആരോപണമുണ്ട്. കുടകിലെ തീവ്രവാദ ക്യാമ്പ്, കാശ്മീർ റിക്രൂട്ട്മെന്റ് കേസ് തുടങ്ങിയവയൊക്കെ ഈ കാലത്തെ കേസുകളാണ്. 2008 ഒക്ടോബറിൽ കാശ്മീരിൽ നാല് മലയാളി യുവാക്കൾ സൈന്യത്തിന്റെ വെടിയേറ്റ് മരിച്ച കേസിൽ, തീവ്രവാദ പ്രവർത്തനങ്ങൾക്കായി അവരെ എടുത്ത കേസിൽ ഒളിവിൽ കഴിയവെ പിടിയിലായി. കാശ്മീർ റിക്രൂട്ട്മെന്റ് കേസിലും നസീർ കുറ്റക്കാരനാണെന്ന് കണ്ടെത്തപ്പെടുകയും ജീവപര്യന്തം ശിക്ഷ ലഭിക്കുകയും ചെയ്തിട്ടുള്ളതാണ്. വിധി പ്രകാരം കോഴിക്കോട് ഇരട്ട സ്ഫോടനക്കേസിലെ ശിക്ഷ പൂർത്തിയായ ശേഷമാണ് ഈ ശിക്ഷ പ്രാബല്യത്തിൽ വരിക. 2008ൽ തന്നെ ബംഗളുരുവിൽ നടന്ന സ്ഫോടന പരമ്പര കേസിലും പ്രതിയാണ്.
റഹിം പൂക്കടശ്ശേരി വധശ്രമം, തയ്യിൽ വിനോദ് വധം തുടങ്ങിയ കേസുകൾ, കള്ളനോട്ട് കേസുകൾ, പൊലീസുകാരെ ആക്രമിച്ച കേസുകൾ, വിവിധ വ്യാപാരസ്ഥാപനങ്ങളിൽ മോഷണം നടത്തുകയും തെളിവു നശിപ്പിക്കാൻ അവ കത്തിക്കുകയും ചെയ്ത കേസുകൾ, കാർ മോഷണക്കേസുകൾ തുടങ്ങി മറ്റു നിരവധി കേസുകളിലും പ്രതിയാണ്. ഇന്ത്യൻ മുജാഹിദ്ദീൻ സ്ഥാപകനേതാവായ യാസീൻ ഭട്കൽ, തടിയന്റവിട നസീറുമായി ചേർന്ന് കേരളത്തിൽ തീവ്രവാദപ്രവർത്തനങ്ങൾ നടത്തിയതായി അന്വേഷണ ഉദ്യോഗസ്ഥർക്ക് മൊഴി നൽകിയിട്ടുണ്ട്.
പത്രമോഫീസിലേക്ക് വിളിച്ചു പറഞ്ഞ് സ്ഫോടനം
2006 മാർച്ച് മൂന്നാം തീയതിയാണ്് കോഴിക്കോട് നഗരത്തെ നടുക്കിയ ഇരട്ടസ്ഫോടനം നടന്നത്. അന്ന് ഒരു വെള്ളിയാഴ്ചയായിരുന്നു. മാവൂർ റോഡിലെ രണ്ട് ബസ് സ്റ്റാൻഡുകളിൽ 20 മിനിറ്റിന്റെ ഇടവേളയിലായിരുന്നു സ്ഫോടനങ്ങൾ. രണ്ടുപേർക്ക് നിസ്സാര പരിക്കേൽക്കുകയും ചെയ്തു. സ്ഫോടനം നടക്കുന്നതിന് മുമ്പ് കളക്ടറേറ്റിലേക്കും ഒരു സായാഹ്ന പത്രത്തിന്റെ ഓഫീസിലേക്കും അജ്ഞാത ഫോൺകോൾ വന്നിരുന്നു. 'കളിയല്ല, കാര്യമായിട്ടാണ്. അരമണിക്കൂറിനകം ബോംബ് സ്ഫോടനം ഉണ്ടാകും. മാറാട് സംഭവത്തിന്റെ ബാക്കിയാണിത്'- എന്നായിരുന്നു ഫോൺസന്ദേശം. കളക്ടറേറ്റിൽ വിളിച്ചയാൾ കളക്ടറെ കിട്ടാത്തതിനാൽ എ.ഡി.എമ്മിനോടാണ് സംസാരിച്ചത്.
അജ്ഞാത ഫോൺകോളിന് പിന്നാലെ പറഞ്ഞസമയത്തുതന്നെ ആദ്യ ബോംബ് സ്ഫോടനമുണ്ടായി. ഉച്ചയ്ക്ക് 12.45ഓടെ മാവൂർ റോഡിലെ കെ.എസ്.ആർ.ടി.സി ബസ് സ്റ്റാൻഡിലായിരുന്നു ആദ്യ സ്ഫോടനം. കെ.എസ്.ആർ.ടി.സി. വർക്കേഴ്സ് കോ-ഓപ്പറേറ്റീവ് സൊസൈറ്റി കെട്ടിടത്തിന് പിന്നിൽ മാലിന്യം കൂട്ടിയിട്ട സ്ഥലത്തായിരുന്നു ബോംബ് പൊട്ടിയത്. തൊട്ടടുത്തുള്ള ഹോട്ടലിന്റെ ജനൽച്ചില്ല് സ്ഫോടനത്തിൽ തകർന്നു. പരസ്യബോർഡിൽ തുളകൾ വീണു. സ്ഫോടനശബ്ദം കേട്ടതോടെ കൈരളി തീയേറ്ററിൽനിന്ന് ജനങ്ങൾ ഇറങ്ങിയോടി. വിവരമറിഞ്ഞ് പൊലീസും മറ്റും സ്ഥലത്തേക്ക് ഓടിയെത്തി.
എന്നാൽ കെ.എസ്.ആർ.ടി.സി. ബസ് സ്റ്റാൻഡിൽ പൊലീസ് പരിശോധന നടക്കുന്നതിനിടെ 1.05ന് തൊട്ടടുത്ത മൊഫ്യൂസൽ ബസ് സ്റ്റാൻഡിലും അടുത്ത ബോംബ് പൊട്ടി. ഇവിടെയാണ് ചുമട്ട് തൊഴിലാളിക്കും പൊലീസ് ഉദ്യോഗസ്ഥനും നിസാര പരിക്കേറ്റത്. രണ്ടിടത്ത് മിനിറ്റുകളുടെ ഇടവേളകളിൽ ബോംബ് സ്ഫോടനമുണ്ടായതോടെ നഗരം പരിഭ്രാന്തിയിലായി. ജനങ്ങൾ പരക്കംപാഞ്ഞതോടെ നഗരത്തിൽ മണിക്കൂറുകളോളം ഗതാഗതം സ്തംഭിച്ചു.
നഗരത്തിലെ തിരക്കേറിയ കേന്ദ്രങ്ങളിൽ ബോംബ് സ്ഫോടനമുണ്ടായത് പൊലീസിനെയും അധികൃതരെയും ഒരുപോലെ ഞെട്ടിച്ചു. തിരക്കേറിയ ബസ് സ്റ്റാൻഡുകളാണെങ്കിലും രണ്ടിടത്തും ആളൊഴിഞ്ഞ സ്ഥലമാണ് അക്രമികൾ സ്ഫോടനം നടത്താനായി തിരഞ്ഞെടുത്തത്. സ്ഫോടനത്തിന്റെ ഉത്തരവാദിത്വം ഏറ്റെടുത്ത് 'അൽഖാനുൻ കേരള' എന്ന സംഘടനയുടെ പേരിൽ എഴുതിത്ത്ത്തയ്യാറാക്കിയ കുറിപ്പും അന്നേദിവസം പത്രം ഓഫീസുകളിൽ ലഭിച്ചിരുന്നു.
നടക്കാവ് പൊലീസും കസബ പൊലീസുമാണ് സംഭവത്തിൽ ആദ്യം കേസെടുത്ത് അന്വേഷണം ആരംഭിച്ചത്. പിന്നീട് ക്രൈംബ്രാഞ്ച് അന്വേഷണം ഏറ്റെടുത്തു. പ്രതികളെക്കുറിച്ച് ചില സൂചനകൾ അന്വേഷണസംഘത്തിന് ലഭിച്ചിരുന്നെങ്കിലും കൊച്ചി കളക്ടറേറ്റ് സ്ഫോടനക്കേസിൽ അബ്ദുൾ ഹാലിം പിടിയിലായതോടെയാണ് കോഴിക്കോട് ഇരട്ട സ്ഫോടനക്കേസിലും വഴിത്തിരിവുണ്ടായത്. തുടർന്ന് തടിയന്റവിട നസീറിലേക്കും അന്വേഷണമെത്തി. പ്രതികളെക്കുറിച്ചും ആസൂത്രണത്തെക്കുറിച്ചും ക്രൈംബ്രാഞ്ചിന് ഏകദേശ വിവരങ്ങൾ ലഭിച്ച വേളയിലാണ് കേസിന്റെ അന്വേഷണം ദേശീയ അന്വേഷണ ഏജൻസി (എൻ.ഐ.എ) ഏറ്റെടുത്തത്. 2009 ഡിസംബർ നാലിനാണ് കേസ് എൻ.ഐ.എ.യെ ഏൽപിക്കാൻ തീരുമാനമായത്. തുടർന്ന് എൻ.ഐ.എ. കേസിൽ അന്വേഷണം നടത്തി കോടതിയിൽ കുറ്റപത്രം സമർപ്പിക്കുകയായിരുന്നു.
തടിയന്റവിട നസീർ, ഷഫാസ്, അബ്ദുൾ ഹാലിം, ചെട്ടിപ്പടി യൂസഫ് എന്നിവരാണ് കേസിന്റെ ആദ്യവിചാരണ നേരിട്ടത്. കേസിലെ പ്രതികളായിരുന്ന രണ്ടുപേർ അന്ന് വിദേശത്ത് ഒളിവിലായിരുന്നു. മുഹമ്മദ് അസർ, പി.പി.യൂസഫ് എന്നിവരായിരുന്നു ഇവർ. ഇരുവരെയും 2019ൽ ഡൽഹി വിമാനത്താവളത്തിൽനിന്ന് പിന്നീട് പിടികൂടി. കേസിന്റെ വിചാരണയ്ക്കിടെ ഒരു പ്രതി മരിച്ചു. മറ്റൊരു പ്രതിയായ ഷമ്മി ഫിറോസിനെ കേസിൽ മാപ്പ് സാക്ഷിയാക്കുകയും ചെയ്തു.
പ്രതികൾ പിടിയിലായത് യാദൃശ്ചികമായി
പ്രതികളെക്കുറിച്ച് ഒരു സൂചനയും ആദ്യ നാലുവർഷം ലഭിച്ചില്ല. ഇതും അപുർവങ്ങളിൽ അപൂർവമാണ്. തീവ്രാവാദ നെറ്റ്വർക്കിന്റെ ശക്തിയാണ് ഇവിടെയും പൊലീസ് ചൂണ്ടിക്കാട്ടുന്നത്. 2009 നവംബറിൽ മേഘാലയ-ബംഗ്ലാദേശ് അതിർത്തിയിൽവെച്ച് നസീർ ബംഗ്ലാദേശി പൊലീസിന്റെ പിടിയിൽ അകപ്പെടുകയായിരുന്നു. മുംബൈ ഭീകരാക്രമണത്തിന്റെ വാർഷികത്തിൽ ബംഗ്ലാദേശിലെ ഇന്ത്യയുടേയും അമേരിക്കൻ ഐക്യനാടുകളുടേയും എംബസ്സികൾ ആക്രമിക്കാനായിട്ട് എത്തിയതായിരുന്നു എന്ന് പറയപ്പെടുന്നു. ഈ കേസിൽ ചോദ്യം ചെയ്തപ്പോഴാണ് കോഴിക്കോട് ഇരട്ട് സ്ഫോടനത്തിലെ പങ്കാളിത്തം തെളിഞ്ഞത്.
അതുപോലെ സ്പിരിച്വൽ മൂവ്മെന്റ് നേതാവ് റഹീം പൂക്കുടശ്ശേരിയെ ആക്രമിച്ച കേസ് അടക്കം പലകേസുകളിലും വിവരങ്ങളും ഇങ്ങനെയാണ് കിട്ടിയത്. 2008 ജനുവരി പത്തിനാണു സ്പിരിച്വൽ മൂവ്മെന്റ് നേതാവ് റഹീം പൂക്കടശ്ശേരിക്കു നേരേ കാക്കനാട് ഇടച്ചിറയിൽ ഇൻഫോപാർക്കിന് സമീപം വെച്ച് വധശ്രമമുണ്ടായത്. പട്ടാപ്പകൽ ബോംബെറിഞ്ഞു ഭീകരാന്തരീക്ഷം സൃഷ്ടിച്ച ശേഷം കഴുത്തിൽ കോടാലി കൊണ്ടു വെട്ടുകയായിരുന്നു. റഹിം മരിച്ചെന്നു കരുതിയാണ് അക്രമികൾ രക്ഷപ്പെട്ടത്. എന്നാൽ പിന്നീട് കശ്മീരിൽ ഏറ്റുമുട്ടലിൽ കൊല്ലപ്പെട്ട അബ്ദുർറഹീമിന്റെ ഫോട്ടോ പത്രങ്ങളിൽ വന്നതോടെയാണ് അക്രമികളെക്കുറിച്ച് വിവരം കിട്ടിയത്. അബ്ദുർറഹീമടക്കം കേസിലെ മൂന്ന് പ്രതികൾ കാശ്മീർ അതിർത്തിയിൽ സൈന്യവുമായുള്ള ഏറ്റുമുട്ടലിൽ കൊല്ലപ്പെട്ടിരുന്നു. ഇവരുടെ കൂട്ടാളികളെ തേടിയുള്ള അന്വേഷണത്തിലാണ് ഈ കശ്മീർ റിക്രൂട്ട്മെന്റ് നടത്തിയത് തടിയന്റവിട നസീർ ആണെന്ന് തെളിഞ്ഞത്.
ഇരട്ട സ്ഫോടന കേസിൽ തടിയന്റവിട നസീറിനെ ജീവപര്യന്തം തടവിനും ഷഫാസിനെ ഇരട്ട ജീവപര്യന്തം തടവിനുമാണ് എൻഐഎ വിചാരണകോടതി ശിക്ഷിച്ചത്. പ്രത്യേക എൻഐഎ. ജഡ്ജി എസ്.വിജയകുമാറാണ് പ്രതികളുടെ ശിക്ഷ വിധിച്ചത്. മറ്റുപ്രതികളായ അബ്ദുൾ ഹാലിമിനെയും ചെട്ടിപ്പടി യൂസഫിനെയും കോടതി വെറുതെവിടുകയും ചെയ്തു. കോഴിക്കോട് ഇരട്ട സ്ഫോടനം തീവ്രവാദി ആക്രമണമാണെന്നായിരുന്നു കോടതിയുടെ കണ്ടെത്തൽ. രണ്ടാം മാറാട് കേസിൽ പ്രതികൾക്ക് ജാമ്യം കിട്ടാത്തതിനാലാണ് പ്രതികൾ സ്ഫോടനം ആസൂത്രണം ചെയ്തതെന്നും സർക്കാരിനെതിരായ പ്രതിഷേധം കൂടെയായിരുന്നു സ്ഫോടനമെന്നും കോടതി വിലയിരുത്തി. കുറച്ചുകൂടിയ വലിയ സ്ഫോടനമാണ് പ്രതികൾ ഉദ്ദേശിച്ചതെന്നും തെളിവുകൾ വിലയിരുത്തിയ ശേഷം കോടതി പറഞ്ഞിരുന്നു.
രവീന്ദ്രനായിരുന്നു അന്നത്തെ എൻ.ഐ.എ. പ്രോസിക്യൂട്ടർ. ശിക്ഷാവിധി കഴിഞ്ഞ് അല്പനേരം കഴിഞ്ഞപ്പോൾ തടിയന്റവിട നസീർ ഒരു ഖുർആൻ പ്രോസിക്യൂട്ടർക്ക് നൽകിയതും വാർത്തയായിരുന്നു. വിശുദ്ധ ഖുർആന്റെ ഇംഗ്ലീഷിലുള്ള ചെറിയ പതിപ്പാണ് നസീർ പ്രോസിക്യൂട്ടർക്ക് നൽകിയിരുന്നത്. ഇതിലെ പല പേജുകളിലും ചുവന്നമഷി കൊണ്ട് അടയാളപ്പെടുത്തുകയും ചെയ്തിരുന്നു. ദേശീയ അന്വേഷണ ഏജൻസി അന്വേഷിച്ച ആദ്യ തീവ്രവാദ കേസിലെ വിധിയായിരുന്നു കോഴിക്കോട് ഇരട്ട സ്ഫോടന കേസിന്റേത്. അതിനാൽതന്നെ പ്രതികളെ വെറുതെവിട്ടതിനെതിരേ എൻ.ഐ.എ. ഹൈക്കോടതിയിൽ അപ്പീൽ നൽകുകയും ചെയ്തു. ഇതിനിടെ, ശിക്ഷാവിധിക്കെതിരേ നസീറും ഷഫാസും ഹൈക്കോടതിയെ സമീപിച്ചു. ഈ രണ്ട് അപ്പീലുകളിലുമാണ് ഇപ്പോൾ വിധി പറഞ്ഞത്.
കോഴിക്കോട് ഇരട്ട സ്ഫോടനം രണ്ടാം മാറാട് കൂട്ടക്കൊലക്കേസിലെ പ്രതികൾക്ക് ജാമ്യം അനുവദിക്കാത്തതിലുള്ള പ്രതികാരം എന്ന നിലയ്ക്കാണ് നടത്തിയതെന്നായിരുന്നു എൻഐഎ കണ്ടെത്തൽ.സ്ഫോടനം നടത്തുകയെന്ന ഉദ്ദേശത്തോടെ 2002 ൽ എറണാകുളത്ത് നിന്നും ജലാറ്റിൻ സ്റ്റിക്ക് സംഘടിപ്പിക്കുകയും പിന്നീട് ആസൂത്രണം ചെയ്ത് സ്ഫോടനം നടത്തിയെന്നുമായിരുന്നു എൻഐഎ വാദം. എന്നാൽ രണ്ടാം മാറാട് കൂട്ടക്കൊലക്കേസിന്റെ സംഭവങ്ങൾ നടക്കുന്നത് 2003 ലാണ്. അങ്ങനെയെങ്കിൽ എങ്ങനെയാണ് 2002 ൽ ജലാറ്റിൻസ്റ്റിക്ക് സംഘടിപ്പിച്ച് ഗൂഢാലോചന നടത്തിയെന്ന വാദം ശരിയാകും എന്നായിരുന്നു പ്രതികൾ ഹൈക്കോടതിയിൽ ചോദിച്ചത്. പ്രതികളുടെ ഈ വാദം കോടതി അംഗീകരിക്കുകയായിരുന്നു. പക്ഷേ തീവ്രാദ സംഘടകൾ ദീർഘകാലത്തേക്ക് സ്ഫോടകവസ്തുക്കൾ വാങ്ങി സൂക്ഷിക്കൂമെന്ന എൻഐഎയുടെ വാദം കോടതി കേട്ടില്ല.
വാൽക്കഷ്ണം: ഇപ്പോൾ രണ്ട് മുഖ്യപ്രതികളെകൂടി കുറ്റവിമുക്തർ ആക്കിയതോടെ ഫലത്തിൽ കോഴിക്കോട് ഇരട്ട സ്ഫോടനക്കേസ് ആവിയായിരിക്കയാണ്. അപ്പോൾ പിന്നെ ആരാണ്, എന്തിനാണ് കോഴിക്കോട് സ്ഫോടനം നടത്തിയത് എന്ന ചോദ്യം ബാക്കിയാവുന്നു. രണ്ടു ബസ് സ്റ്റാൻഡുകളിൽ വെയിലിന്റെ ചൂടുകൊണ്ട് താനേ സ്ഫോടനം ഉണ്ടാവില്ലല്ലോ.
- TODAY
- LAST WEEK
- LAST MONTH
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- പ്രകാശ് ജാവദേക്കർ തന്നെയും ഇ പി ജയരാജനെയും കണ്ടിരുന്നു; ഒരേ ഒരു സീറ്റിൽ വിട്ടുവീഴ്ച ചെയ്താൽ ലാവ്ലിൻ കേസും സ്വർണക്കടത്ത് കേസും സെറ്റിൽ ചെയ്യാം എന്ന്ഉറപ്പുകൊടുത്തു; പക്ഷേ ആ ഡീൽ നടക്കാത്തത് ഇക്കാരണം കൊണ്ട്; വെളിപ്പെടുത്തലുമായി ടി ജി നന്ദകുമാർ
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- പോളിങ് ഉദ്യോഗസ്ഥരുടെ നിയമന ഉത്തരവ് ചോർന്ന സംഭവം; കോന്നി താലൂക്ക് ഓഫീസിലെ എൽഡി ക്ലാർക്ക് യദുകൃഷ്ണനെ കലക്ടർ സസ്പെൻഡ് ചെയ്തു; പ്രിന്റ് അടിക്കാൻ കൊടുത്ത കോപ്പിയാണ് പുറത്തു പോയതെന്ന് വിശദീകരണം; ആന്റോയുടെ ആരോപണം ശരിയാകുമ്പോൾ
- സംസ്കരിച്ച എണ്ണ ഇറക്കുമതിയിലുള്ള ലൂപ് ഹോൾ വഴി യുക്രെയിനെതിരെയുള്ള യുദ്ധത്തിൽ റഷ്യയെ ബ്രിട്ടൻ സഹായിക്കുന്നു എന്ന ഡാറ്റ പുറത്ത്; റഷ്യൻ എണ്ണ എത്തുന്നത് ഇന്ത്യയും ചൈനയും തുർക്കിയും വഴി; ഇന്ത്യയ്ക്കുണ്ടായത് വൻ നേട്ടം
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- കുടുംബകലഹത്തെ തുടർന്ന് മക്കളെ പൂട്ടിയിട്ട ശേഷം ഭാര്യയെ പ്രവാസി വെട്ടിക്കൊന്നു തൂങ്ങി മരിച്ചു; സംഭവം വെൺമണി പുന്തലയിൽ
- കെ എസ് എഫ് ഇ ഉദ്യോഗസ്ഥയ്ക്കെതിരെ പരാതിപ്പെട്ട റിട്ട പൊലീസ് ഉദ്യോഗസ്ഥനെ ക്രൂരമായി മർദ്ദിച്ച് സിപിഎം ബ്രാഞ്ച് സെക്രട്ടറിയും സുഹൃത്തും; നിസ്സാര വകുപ്പിൽ കേസൊതുക്കി പൊലീസും; ഡാനിയൽ വർഗ്ഗീസിന് നേരിട്ടത് സമാനതകളില്ലാത്ത മർദ്ദനം
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- സുഹൃത്തും തന്റെ ഭാര്യയുമായി അവിഹിത ബന്ധം; പകരം സുഹൃത്തിന്റെ ഭാര്യയോട് കിടപ്പറ പങ്കിടാൻ ആവശ്യപ്പെട്ടു; പൊലീസ് കേസും വഴക്കുമായപ്പോൾ ആത്മഹത്യ ചെയ്യാൻ തീരുമാനിച്ച ദമ്പതികളിൽ ഭാര്യ മരിച്ചു; പ്രേരണാക്കുറ്റത്തിന് ഭർത്താവ് അറസ്റ്റിൽ: വെച്ചൂച്ചിറയിൽ നിന്ന് ഞെട്ടിക്കുന്ന കഥ
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- അനന്തപുരിയിൽ തരൂർ വീഴുമോ? ആറ്റിങ്ങലിൽ അടൂർ പ്രകാശിന് അടിതെറ്റുമോ? കൊല്ലത്ത് മുകേഷോ, പ്രേമചന്ദ്രനോ? പത്തനംതിട്ട ആർക്ക്? അനിൽ ആന്റണി വോട്ടുയർത്തുമോ; മാവേലിക്കരയിൽ അട്ടിമറിയോ? കേരളം ആർക്കൊപ്പം; 20 മണ്ഡലങ്ങളിലെയും മറുനാടൻ സർവേ ഫലം അറിയാം
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- ആടുജീവിതം ഇസ്ലാമോഫോബിയ പരത്തുന്ന ചിത്രമോ? നോവലിന്റെ അറബിപതിപ്പ് യുഎഇയിലും സൗദിയിലും നിരോധിച്ചത് 2014ൽ; ഇപ്പോൾ സിനിമക്കും യുഎഇ ഒഴികെയുള്ള ഗൾഫ് രാജ്യങ്ങളിൽ പ്രദർശനാനുമതിയില്ല; കേരളത്തിലെ യുക്തിവാദികൾക്കിടയിലും ചർച്ച; ആടുജീവിതം വിവാദമാവുമ്പോൾ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- റഷ്യയിലെ ഭീകരാക്രമണത്തിൽ പിടികൂടിയ ഐസിസ് ഭീകരർ നേരിടാൻ പോകുന്നത് റഷ്യൻ പൊലീസിന്റെ സമാനതകളില്ലാത്ത മർദ്ദനമുറകൾ; ചെവിമുറിച്ച് സ്വയം ഭക്ഷിക്കുവാൻ കൊടുത്തതിന് പുറമെ വൈദ്യുതാഘാതവും വസ്ത്രമൂരി അടിയും; മരിച്ചാൽ ബന്ധുക്കൾക്ക് ശരീരം വിട്ടു നൽകുന്നത് ആന്തരികാവയവങ്ങൾ നീക്കിയ ശേഷം
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്