കേശു അഥവാ തറക്കോമഡി കൊണ്ടുള്ള ഭീകരാക്രമണം; ദിലീപിന്റെത് വികൃതമേക്കപ്പ്; തൊണ്ടിമുതലിലെ' പേര് കളഞ്ഞ് എഴുത്തുകാരൻ സജീവ് പാഴൂർ; നാദിർഷാക്കും ചീത്തപ്പേര് ബാക്കി; വ്യക്തിജീവിതത്തിലെന്നപോലെ സിനിമയിലും ജനപ്രിയ നായകന് തിരിച്ചടി; ഇത് ദിലീപിന്റെ 'അഭിനയ ശവമഞ്ചത്തിലെ' ആണിയടിയോ?
എം റിജു
നടിയെ ആക്രമിച്ചകേസിൽ ആരോപിതനായി ജയിലിലായതിന് ശേഷമുള്ള കാലം നമ്മുടെ ജനപ്രിയ നായകൻ ദിലീപിനും അത്ര സുഖമുള്ളതായിരുന്നില്ല. അറസ്്റ്റിനെതുടർന്ന്, കടുത്ത ജനവികാരമുള്ള സമയത്ത് ഇറങ്ങിയിട്ടും മെഗാഹിറ്റായ രാമലീല ഒഴിച്ചാൽ, 2017നുശേഷം അതായത് കഴിഞ്ഞ നാലുവർഷമായി ഒരു ഹിറ്റ് ചിത്രംപോലും ദിലീപിന് ഉണ്ടാക്കാൻ കഴിഞ്ഞിട്ടില്ല. കമ്മാരസംഭവം, ജാക്ക് ആൻഡ് ഡാനിയൽ, തുടങ്ങിയ ചിത്രങ്ങൾ ഒന്നൊന്നായി വീണതോടെ ആരാധകർ എറെ പ്രതീക്ഷയോടെ കാത്തിരുന്ന ചിത്രമാണ് നാദിർഷയുടെ സംവിധാനത്തിൽ ദിലീപ് വ്യത്യസ്തമായ ഗെറ്റപ്പിൽ ഇറങ്ങിയ 'കേശു ഈ വീടിന്റെ നാഥൻ' എന്ന ചിത്രം. ഡിസ്നി ഹോട്ട്സാറ്റാറിൽ ഈ ചിത്രം കണ്ടതോടെ പണ്ട് എം കൃഷ്ണനായർ ഒരു കഥയെ നിരൂപണം ചെയ്തുകൊണ്ട് സാഹിത്യവാരഫലം എന്ന തന്റെ കോളത്തിൽ എഴുതിയതാണ് ഓർമ്മവന്നത്. ''ഈ കഥ എഴുതിയ നേരത്ത്, ഇയാൾ രണ്ട് ഇഡ്ഡലി ഉണ്ടാക്കിയിരുന്നെങ്കിൽ ചമ്മന്തിയിൽ മുക്കി കഴിക്കാമായിരുന്നു''. അതുതന്നെയാണ് നാദിർഷായോടും പറയാനുള്ളത്.
ഇതിനെയൊക്കെ ആധുനിക കാലത്ത് സിനിമ എന്ന് വിളിക്കാൻ കഴിയുമോ എന്നും സംശയമാണ്. ചാനൽ കോമഡി സ്കിറ്റുകളിലെ ഒരു പാട് രംഗങ്ങൾ കൂട്ടിവച്ചാൽ എങ്ങനെയിരിക്കും, അതുപോലുണ്ട്്. കഥയും തിരക്കഥയും തീർത്തും പാളി. തൊണ്ടിമുതലും ദൃക്സാക്ഷിയും എന്ന ദിലീഷ്പോത്തന്റെ ബ്രില്ലന്റ് സിനിമയുടെ കഥാകൃത്ത് എന്ന പേര്, സജീവ് പാഴൂർ കളഞ്ഞുകുളിച്ചു.
അമർ അക്ബർ അന്തോണി, കട്ടപ്പനയിലെ ഋതിക്റോഷൻ തുടങ്ങിയ ഹിറ്റ് ചിത്രങ്ങൾ എടുത്ത നാദിർഷ തന്നെയാണോ ,പലയിടത്തും ബോറടിക്കുന്നു, ചത്ത സംഭാഷണങ്ങൾ ഉള്ള, കോമഡിയെന്ന പേരിൽ വളിപ്പുകൾ ഉള്ള ഈ ചിത്രത്തിന്റെ സംവിധായകൻ എന്നത് അമ്പരപ്പിക്കുന്നതാണ്. ദിലീപിനെ നായകനാക്കുമ്പോൾ ആത്മ മിത്രമായ നാദിർഷാ എല്ലാ കഴിവും പുറത്തെടുക്കുമെന്നാണ് പൊതുവെ കരുതിയിരുന്നത്. ( ദിലീപിന്റെ ആദ്യകാല ഹിറ്റ് സിനിമകളുടെ സ്ക്രിപ്റ്റ് പലതും വെട്ടിത്തിരുത്തി എഴുതിയും, പുതിയ പ്ലോട്ടുകൾ നിർദ്ദേശിച്ചും, അദ്ദേഹത്തെ ഇന്നുകാണുന്ന താരമാക്കിയതിൽ നാദിർഷാക്കുള്ള പങ്ക് ചെറുതല്ല)
ഈ വർഷം ദിലീപ് ആകെ ചെയ്ത പടമാണിത്. തുടർച്ചയായ പരാജയങ്ങളിലുടെ കാൽക്കീഴിലെ മണ്ണൊലിച്ച് പോകുന്നത് അദ്ദേഹം അറിയുന്നില്ല. അതോടൊപ്പമാണ് നടിയെ ആക്രമിച്ച കേസിൽ ദിലീപിന്റെ ചില ഓഡിയോകളും ലീക്കാവുന്നത്. ഒരു നടന്റെ ഇമേജ് എന്നത് അദ്ദേഹത്തിന്റെ സോഷ്യോ-പൊളിറ്റിക്കൽ എൻവയൺമെന്റിന്റെ സൃഷ്ടി കൂടിയാണ്. ഇക്കണക്കിന് പോയാൽ ജനപ്രിയ നായകൻ എന്ന് കൽപ്പിച്ച് കിട്ടിയ പേരൊന്നും പോവാൻ അധികം സമയം വേണ്ട. ചിത്രത്തിൽ ദിലീപിന്റെ അഭിനയവും ഒന്നാന്തരം ബോറാണ്. ഫേസ്ബുക്കിൽ ഒരാൾ കുറിച്ചപോലെ ദിലീപിന്റെ അഭിനയശവമഞ്ചത്തിലെ അവസാനത്തെ ആണിയടിയോണോ ഈ ചിത്രം? അങ്ങനെ ആവാതിരിക്കട്ടെ. ഇനിയും ഒരുപാട് മുന്നോട്ട്പോവാനുള്ള പവർ ഉള്ള നടനാണ് ദിലീപ്.
ദുർബലമായ കഥയിൽ കെട്ടിപ്പെടുത്ത സിനിമ
കഥയും തിരക്കഥയും തീർത്തും ദുർബലമായിപ്പോയതാണ് 'കേശു ഈ വീടിന്റെ നാഥന്' പറ്റിയ ആദ്യ പറ്റ്. നേരത്തെ നാദിർഷയുടെ 'മേരാ നാം ഷാജി' എന്ന ചിത്രത്തിനും പറ്റിയത് ഇതായിരുന്നു. പക്ഷേ അതിൽനിന്ന് നാദിർഷാ ഒരു പാഠവും പഠിച്ചില്ല. അറുപിശുക്കനും സൂത്രക്കാരനുമായ ഒരു ഡ്രൈവിങ്ങ് സ്കുൾ ഉടമയാണ് 60കാരനായ കേശുവേട്ടൻ. കേശു പെട്രോൾ പോലുമടിക്കാതെ മറ്റൊരു വണ്ടിയിൽ വടം കെട്ടി വലിച്ച് സ്ത്രീകളെ ഡ്രൈവിങ് പഠിപ്പിക്കുന്നത് കാണിച്ചാണ് ചിത്രം തുടങ്ങുന്നത്. പക്ഷേ യഥാർഥത്തിൽ ജീവിതത്തിന്റെ രണ്ടറ്റവും കൂട്ടിമുട്ടിക്കുവാൻ പാട് പെടുന്ന വ്യക്തിയാണ് അയാളെന്ന് പിന്നീടുള്ള രംഗങ്ങൾ കണ്ടാൽ അറിയാം.
അച്ഛൻ അവശേഷിപ്പിച്ചു പോയ ബാധ്യതകളും കുടുംബപ്രാരാബ്ധങ്ങളുമൊക്കെ തലയിലേറ്റുന്ന, ഒരു വല്ല്യേട്ടനാണ് അയാൾ. മൂന്നു സഹോദരിമാരുടെയും വിവാഹമൊക്കെ ആഘോഷമായി നടത്തിയ കേശുവാണ് ഇപ്പോൾ കുടുംബവീട്ടിലെ നാഥൻ. വേണ്ടിടത്തും വേണ്ടാത്തിടത്തുമെല്ലാം പിശുക്കിയും പണച്ചെലവുള്ള കാര്യങ്ങളിൽ നിന്നും ചെറിയ തന്ത്രങ്ങൾ ഒപ്പിച്ച് ഒഴിഞ്ഞുമാറിയുമൊക്കെ കേശു അങ്ങനെ ജീവിച്ചുപോവുകയാണ്. അങ്ങനെയിരിക്കെ അമ്മയുടെ ആഗ്രഹപ്രകാരം അച്ഛന്റെ ചിതാഭസ്മം രാമേശ്വരത്ത് ഒഴുക്കാനായി കേശുവും കുടുംബവും സഹോദരിമാരും അവരുടെ ഭർത്താക്കന്മാരും കുട്ടികളുമെല്ലാം ചേർന്ന് രാമേശ്വരത്തേക്ക് യാത്ര തിരിക്കുന്നത്. ആ യാത്രയ്ക്കിടയിലുണ്ടാവുന്ന ചില രസകരമായ സംഭവങ്ങളിലൂടെയാണ് കഥ വികസിക്കുന്നത്.
യാത്രക്കിടയിലാണ് കേശുവിന് 12 കോടി രൂപ ലോട്ടറി അടിക്കുന്നത്.വിവരം ആരെയും അറിയിക്കാതെ മുങ്ങാൻ ശ്രമിക്കുന്ന കേശു പിന്നീട് ചെന്നു പെടുന്ന പൊല്ലാപ്പുകളാണ് ചിത്രം പറയുന്നത്. പ്രാരാബ്ധക്കാരനായ മൂത്ത സഹോദരൻ, സ്വത്തിന്റെ ഭാഗം ചോദിക്കുന്ന സഹോദരിമാരും അളിയന്മാരും. എന്നിങ്ങനെ മലയാളസിനിമ നൂറുവട്ടം പറഞ്ഞ ഒരു വല്ല്യേട്ട- വാത്സല്യം ക്ലീഷെയിലേക്ക് മുട്ടിന് മുട്ടിന് കോമഡി കുത്തിത്തിരുകാനാണ് നാദർഷായുടെയും കഥാകൃത്ത് സജീവ് പാഴൂരിന്റെയും ശ്രമം. അത് അമ്പേ പാളുകയാണ്.
തറക്കോമഡികൊണ്ടുള്ള ഭീകരാക്രമണം
ഈ ചിത്രത്തിന്റെ ഏറ്റവും വലിയ പ്രശ്നം, എന്താണ് കോമഡി എന്താണ് വളിപ്പ് എന്ന് ഈ പടത്തിന്റെ അണിയറ ശിൽപ്പികൾക്ക് തിരിച്ചറിയാൻ കഴിയാതെപോയി എന്നതാണ്. മൂന്നുപതിറ്റാണ്ടുമുമ്പ് ദിലീപും നാർദിഷയും മിമിക്രി കളിച്ചുകൊണ്ടിരുന്ന കാലത്തുള്ള തമാശകളാണ് അവർ ഈ പുതിയ കാലത്തും പയറ്റുന്നത്. ചില ഉദാഹരണങ്ങൾ നോക്കുക. നായകൻ കേശുവിന്റെ പെങ്ങളുടെ മകനായ ഒരു കഥാപാത്രം ഒരു രണ്ടായിരത്തിന്റെ നോട്ടുമായാണ് നടക്കുന്നത്. എന്ത് ചെലവ് വന്നാലും ചില്ലറയില്ല എന്ന പറഞ്ഞ് ഓസുകയാണ് ഇയാളുടെ രീതി. ഈ കൺസപെറ്റ് ഒക്കെ നാം എത്രകാലമായി കേട്ടിട്ടുള്ളതാണ്. ഇതേ കഥാപാത്രത്തിന്റെ തന്നെ വിഗ്ഗ് കാറ്റിൽ പറന്നുപോയി കഷണ്ടിത്തല കാണുന്നും സിനിമയിലെ വലിയ തമാശയാണ്.
്ഇനി അത്യാവശ്യം കോമഡിയുള്ള രംഗങ്ങൾപോലും ഓവറാക്കി ചളമാക്കുന്നു. ഫോണിലുടെ സംസാരിക്കുമ്പോൾ അതിൽ മുഴുകി നിയന്ത്രണം വിട്ട് നടന്ന് നീങ്ങുന്ന സ്വഭാവമുള്ള ആളാണ് കേശു. രാമേശ്വരം യാത്രക്കിടെ ഒരു ഹോട്ടലിൽ ഒറ്റത്തോർത്തുമുണ്ട് ഉടുത്ത്, ദേഹമാസകലം സോപ്പുതേച്ച് കുളിക്കുന്നതിനിടെ, ആരും ഫോൺ എടുക്കാത്തതിനെ തുടർന്ന് അയാൾ തന്റെ സെൽഫോണിൽ ഒരു കോൾ അറ്റൻഡ് ചെയ്യുന്നു. തുടർന്ന് റൂമിനെ പുറത്ത് നിന്ന് സംസാരിച്ച് ലോബിയും കടന്ന് ഹോട്ടലും കടന്ന് അയാൾ നീങ്ങുകയാണ്. കുടവയറും ദേഹമാസകലമുള്ള സോപ്പുപതയും വെച്ച്. അവിടെ കട്ട് ചെയ്തിരുന്നെങ്കിൽ ശരിക്കും ചിരിവരുന്ന രംഗം. പക്ഷേ അത് നീട്ടി ലോജിക്ക് ഇല്ലാതാക്കി. കേശു ഫോണിൽ മതി മറന്ന് സംസാരിച്ച് റോഡും കടന്ന് നീങ്ങി, വാഹനപരിശോധന നടത്തുന്ന തമിഴ്നാട് പൊലീസിന്റെ ജീപ്പിന്റെ ബോണറ്റിലുള്ള രസീത് പേപ്പർ എടുത്ത് അതിന്റെ പുറകിൽ എഴുതുകയാണ്! ഓവറാക്കി ചളമാക്കിയെന്ന് ചുരുക്കം. ഈ രീതിയിലാണ് ചിത്രത്തിലെ കോമഡി സീനുകൾ.
ഇനി ചില കോമഡികളുടെ ലോജിക്ക് പിടികിട്ടുന്നില്ല. ലോട്ടറി അടിച്ചുവെന്നറിഞ്ഞതോടെ എന്തിനാണ് കേശു തീർത്ഥയാത്രയിൽനിന്ന് മുങ്ങുന്നത് എന്നും അത് അറിഞ്ഞ അയാളുടെ ചില ബന്ധക്കുകൾ മുങ്ങൽ തടഞ്ഞ് കാവൽ കിടക്കുന്നത് എന്ന് മനസ്സിലാവുന്നില്ല. ലോട്ടറി ഏജന്റ് ഒരാൾക്ക് ബമ്പർ അടിച്ചുവെന്ന് വിളിച്ചു പറഞ്ഞാൽ അത് നാട്ടിൽ എല്ലാവരും അറിയില്ലേ. രഹസ്യമായിപോയി വാങ്ങാൻ പറ്റുന്ന സാധനമാണോ ലോട്ടറി.
മഞ്ജുവാര്യരുമായി പിരിഞ്ഞതിന് ശേഷമുള്ള ദിലീപ് ചിത്രങ്ങളുടെ പൊതു സ്വഭാവമായി, സോഷ്യൽ മീഡിയ ചില വിമർശകർ ചൂണ്ടിക്കാണിച്ചിരുന്ന സോ കോൾഡ് സ്ത്രീവിരുദ്ധത ഈ ചിത്രത്തിലുമുണ്ട്. റിങ്ങ്മാസ്റ്റർ എന്ന ചിത്രത്തിലെ ഡയാന എന്ന നടിയുടെ അഹങ്കാരവും, വളർത്തിക്കൊണ്ടുവന്ന നായകനെ അവൾ 'തേയ്ക്കുന്നതുമൊക്കെ' കേവലം യാദൃശ്ചിമായിരിക്കാം. അതുപോലെ സ്ത്രീ എന്നാൽ മേക്കപ്പിൽ അമിതമായി അഭിരമിക്കുന്നവളും, വാ തോരാതെ സംസാരിക്കുന്നവളും, കൂടുതൽ നല്ലവനെ കണ്ടാൽ ഇട്ടച്ച് പോകുന്നവളും, ഭർത്താവിനെ അയാളുടെ പൂർവകാല ബന്ധങ്ങൾ ചൂണ്ടിക്കാട്ടി സംശയിക്കുന്നവളുമാണെന്ന് ഈ ചിത്രം കണ്ടാൽ തോന്നും. ശ്രീനിവാസൻ- സത്യൻ അന്തിക്കാടിന്റെ അന്തക്കാലത്ത് ഉണ്ടാക്കിയ തലയണമന്ത്രത്തിലെ ഉർവശിയുടെ മിനിയേച്ചറിനെ ഈ മാറിയ കാലത്തും അവതരിപ്പിക്കയാണ്. കാലം മാറുന്നതിനെ കുറിച്ച് ദിലീപ്-നാദിർഷ ടീമിന് യാതൊരു ബോധ്യവും ഇല്ല എന്ന് തോനുന്നു.
ദിലീപിന്റെത് വികൃതമേക്കപ്പും ഗോഷ്ഠിയും
്ഒട്ടും പിടികിട്ടാത്തത് ഈ ചിത്രത്തിൽ എന്തിനാണ് ദിലീപിന് ഈ വികൃതമായ മേക്കപ്പ് വെച്ചത് എന്നതാണ്. 54കാരനായ ദിലീപ് എന്ന ഗോപാലകൃഷ്ണന് ഒരു അറുപതുകാരനിലേക്ക് മാറാൻ ഇമ്മാതിരി ബിൽഡ് അപ്പ് ഒക്കെ വേണോ. നേരത്തെ കുഞ്ഞിക്കുനനിലും, പച്ചക്കുതിരയിലും, ചാന്തുപൊട്ടിലും, മായാമോഹിനിയിലുമൊക്കെ ദിലീപ് വേറിട്ട ഗെറ്റപ്പിൽ ഇറങ്ങിയിട്ടുണ്ട്. പക്ഷേ അതൊക്കെ കഥ ആവശ്യപ്പെടുന്നതായിരുന്നു. മാത്രമല്ല ആ രൂപമാറ്റം തന്നെയായിരുന്നു ആ സിനിമകളുടെ ഹൈലൈറ്റും. ഇവിടെ പല്ലുന്തിയും കഷണ്ടിത്തലയും കുടവയറുമൊക്കെ ചേർത്ത് എന്തിനാണ് കേശുവിനെ ഇത്രയും വിലക്ഷണനായി അവതരിപ്പിച്ചത് എന്ന് മനസ്സിലാവുന്നില്ല. കേശുവിന്റെ വികൃത മേക്കപ്പും കഥയും തമ്മിൽ യാതൊരു ബന്ധവുമില്ല. ഇത്തരം വേഷം കെട്ടലുകൾ ഇല്ലാതെ നോർമ്മലായി അവതിരിപ്പിച്ചിരുന്നെങ്കിൽ കേശുവിന് ഒരു ദോഷവും ഉണ്ടാവുമായിരുന്നില്ല. ( പക്ഷേ കുറ്റം പറയാൻ പറ്റില്ല. മരക്കാറിന് വസ്ത്രാലങ്കാരത്തിന് ദേശീയ അവാർഡ് കിട്ടയതുപോലെ നാളെ ഈ ചിത്രത്തിനും മികച്ച മേക്കപ്പിനുള്ള ദേശീയ പുരസ്ക്കാരം കിട്ടിയേക്കാം! )
ഇത്തരം വിലക്ഷണ മേക്കപ്പുകൊണ്ട് മറ്റൊരു ദോഷം കൂടിയുണ്ടായി. ദിലീപിന്റെ അഭിയനയം പലപ്പോഴും വെറും ഗോഷ്ഠിയായിപ്പോയി. പച്ചക്കുതിര സിനിമയിലെ ഓട്ടിസ്റ്റിക്കായ കഥാപാത്രവും, കുഞ്ഞിക്കുനനും മിക്സിയിൽ അടിച്ചാൽ കിട്ടുന്ന ഒരു സാധനം. ക്ലൈമാക്സിനോട് അടുപ്പിച്ച് കേശു കരയുന്ന ഒരു രംഗമുണ്ട്. പച്ചാളം ഭാസി പറഞ്ഞപോലെ പശു ചാണകമിടുന്നതാണ് ഓർമ്മവരിക. നായിക ഉർവ്വശിയും പഴയ പ്രതാപത്തിന്റെ നിഴൽ മാത്രമാണ്. പലയിടത്തും ഓവർ ആക്റ്റിങ്ങ് കൊണ്ട് നർമ്മരംഗങ്ങൾ ബോറാവുന്നു. കമലാഹസൻ ഒരു അഭിമുഖത്തിൽ പറഞ്ഞിരുന്നു. ''കൂടെ അഭിനയിക്കുന്നവരിൽ എനിക്ക് ഉർവശിയെ പേടിയാണ്. അവർ എപ്പോഴാണ് നമ്മളെ വെട്ടിച്ച് കറയുക എന്ന് അറിയില്ല''. ആ രീതിയിൽ കീർത്തി കേട്ട നടിയാണ് ഈ കോലത്തിൽ ആയിപ്പോയത്.
ഈ ചിത്രത്തിൽ വൃത്തിയായി തന്റെ വേഷം ചെയ്ത് ജാഫർ ഇടുക്കിയാണ്. കേശവിന്റെ ഈ വല്യളിയൻ ഒരു മേക്കോവറുമില്ലാതെ ഉണ്ടാക്കുന്ന സ്വാഭാവിക നർമ്മങ്ങൾ നോക്കുക. ന്യൂജൻ ശങ്കരാടി എന്ന വിശേഷണം നിസ്സംശയം കൊടുക്കാവുന്ന നടനാണ് അദ്ദേഹം. അതുപോലെ തന്നെ കേശുവിന്റെ മക്കളെ അവതരിപ്പിച്ച കൗമാര താരങ്ങളും നന്നായിട്ടുണ്ട്. കലാഭവൻ ഷാജോണും, ഹരിശ്രീ അശോകനും, കോട്ടയം നസീനും, ഹരീഷ് പെരുമണ്ണയും. അടക്കം ചെറുതും വലുതുമായ കഥാപാത്രങ്ങളെ ചെയ്ത ബാക്കി എല്ലാ നടന്മാരും ആവറേജിൽ ഒതുങ്ങുകയാണ്. ഗാനങ്ങളും അങ്ങിനെ തന്നെ. ദിലീപ് പാടിയ പാട്ട് എന്നൊക്കെ പരസ്യം ചെയ്യാമെന്ന് മാത്രം.
അടിസ്ഥാനമായ സിനിമ സംവിധായകന്റെ കലയാണെന്നാണെല്ലോ പറയുക. അതുകൊണ്ടുതന്നെ കേശവിലെ ഒന്നാം പ്രതി നാദിർഷതന്നെയാണ്. പ്രത്യേകിച്ച് ഒരു അർഥവുമില്ലാത്ത ചലച്ചിത്ര ഗാനങ്ങൾക്ക്, ഒന്നാന്തരം സാമൂഹിക യാഥാർഥ്യങ്ങളും നർമ്മവുമുള്ള പാരഡി രചിക്കുന്നത് തൊട്ട് അഭിനയം, ഗാനം, സംവിധാനം തുടങ്ങി കൈവെച്ച മേഖലകളിലെല്ലാം കഴിവ് തെളിയിച്ച പ്രതിഭയാണ് അദ്ദേഹം. നമ്മുടെ സലീംകുമാർ ഉൾപ്പടെ എത്രയോ നടീനടന്മാർ നാദിർഷയുടെ ശ്രമങ്ങൾ കൊണ്ട് ഉന്നതങ്ങളിലെത്തി. നാർദിർഷാക്ക് പ്രതിഭയില്ലാഞ്ഞിട്ടല്ല, എന്തോ ചില കമ്മിറ്റ്മെന്റുകളുടെ പുറത്ത് ബലമില്ലാത്ത ഒരു കഥ എടുത്ത് കുടുങ്ങിയെന്ന് വിശ്വസിക്കാനാണ്, അദ്ദേഹത്തിന്റെ ആരാധകരിൽ ഒരാളായ ഈ ലേഖകന് ഇഷ്ടം. കേശുവിലെ കൈത്തെറ്റ് നമുക്ക് പൊറുക്കാം. ഒരു സൂപ്പർ ഡ്യൂപ്പർ ജനപ്രിയ സിനിമയുമായി ഈ പ്രതിഭ തിരിച്ചുവരട്ടെ.
വാൽക്കഷ്ണം: കുറ്റം മാത്രം പറയരുതല്ലോ. ഈ ചിത്രത്തിൽ ആകെ ഇഷ്ടപ്പെട്ട ഒന്ന് അതിന്റെ വ്യത്യസ്തമായ തുടക്കമാണ്. അതിവേഗതയിൽ ഓടുന്ന ഒരു ചുവന്ന കാറിനെ പൊലീസുകാർ കൈകാണിച്ച് നിർത്തുന്നു. നടൻ ജോണി ആന്റണിയാണ് ഓഫീസർ. അപ്പോൾ അതിൽനിന്ന് ഇറങ്ങുന്നത് സാക്ഷാൽ നടൻ ദിലീപാണ്. തുടർന്ന് ജോണി ആന്റണിയും ദിലീപും തമ്മിലുള്ള രസകരമായ സംഭാഷണത്തിനിടയിലാണ് ചിത്രത്തിന്റെ ടൈറ്റിലുകൾ തെളിയുന്നത്. പുതിയ പടം ഏതെന്ന് ജോണി ചോദിക്കുന്നു കേശുവെന്ന് ദിലീപ് പറയുന്നു. അങ്ങനെയാണ് ചിത്രത്തിന്റെ അണിയറ ശിൽപ്പികളെ പരിചയപ്പെടുത്തുന്നത്. അതു മാത്രമാണ് ഈ ചിത്രത്തിൽ നൂറുശതമാനം ആസ്വദിച്ചത്.
Stories you may Like
- യുകെ ദമ്പതികളായ ദിലീപിനും അനുവിനും എതിരെ കൊല്ലം പൊലീസിൽ വിസ തട്ടിപ്പ് പരാതി
- മരണവീട്ടിലെത്തിയ ആൾ സമീപത്തെ വീട്ടുമുറ്റത്തു പ്രവേശിച്ചു; തർക്കത്തിനിടയിൽ വെട്ടിവീഴ്ത്തി യുവാക്കൾ
- രണ്ടുപേരെ കുത്തി പരിക്കേൽപ്പിച്ച പ്രതി പിടിയിൽ
- നാദിർഷ - റാഫി ടീമിന്റെ 'വൺസ് അപ്പോൺ എ ടൈം ഇൻ കൊച്ചി' പൂർത്തിയായി
- തിയേറ്റർ സംഘടനയ്ക്ക് പുതിയ ബദൽ വരുമോ?
- TODAY
- LAST WEEK
- LAST MONTH
- രജനിയെ തല്ലിയതുകണ്ട് മദ്യപാനം നിർത്തി; അടിക്കടി സിനിമകൾ ഹിറ്റായതോടെ അഹങ്കാരം തലക്ക് പിടിച്ചു; മണിരത്നത്തിന് ഗെറ്റൗട്ട് അടിച്ചത് വിനയായി; റഹ്മാൻ തരംഗത്തിൽ അപ്രസക്തൻ; ഇപ്പോൾ കോപ്പിറൈറ്റ് വിവാദത്തിൽ കോടതിയിൽനിന്നും തിരിച്ചടി; ഇളയരാജ വീണ്ടും വിവാദത്തിൽ
- പ്രകാശ് ജാവദേക്കർ തന്നെയും ഇ പി ജയരാജനെയും കണ്ടിരുന്നു; ഒരേ ഒരു സീറ്റിൽ വിട്ടുവീഴ്ച ചെയ്താൽ ലാവ്ലിൻ കേസും സ്വർണക്കടത്ത് കേസും സെറ്റിൽ ചെയ്യാം എന്ന്ഉറപ്പുകൊടുത്തു; പക്ഷേ ആ ഡീൽ നടക്കാത്തത് ഇക്കാരണം കൊണ്ട്; വെളിപ്പെടുത്തലുമായി ടി ജി നന്ദകുമാർ
- ബിജെപിയിൽ ചേരാൻ ചർച്ച നടത്തിയത് ഇ.പി ജയരാജൻ; മകന്റെ നമ്പറിലൂടെയാണ് ആദ്യം ബന്ധപ്പെട്ടത്; തൊണ്ണൂറ് ശതമാനം ചർച്ചകളും പൂർത്തിയായപ്പോൾ പിന്മാറി; എന്തുകൊണ്ട് പിന്മാറിയെന്നു ജയരാജൻ പറയട്ടെയെന്നും ശോഭ സുരേന്ദ്രൻ; തെളിവുകളും ഹാജരാക്കി ആരോപണം വോട്ടെടുപ്പിന്റെ തലേന്നാൾ
- വോട്ടെടുപ്പിന്റെ തലേന്നാൾ ഇടിത്തീയായി ആരോപണങ്ങൾ; കെ സുധാകരന്റെ തുറന്നടിക്കൽ ശരിവച്ച് ശോഭ സുരേന്ദ്രൻ; ഇപിയെ പിന്തുണയ്ക്കാൻ രംഗത്ത് വരാതെ സിപിഎം ഉന്നത നേതാക്കൾ; കാസർകോഡ്, കണ്ണൂർ, വടകര മണ്ഡലങ്ങളിൽ വിവാദം ബാധിക്കുമോ എന്ന ആശങ്കയും
- ബിജെപിയിലേക്ക് പോകാൻ ചർച്ച നടത്തി സിപിഎം നേതാവ് ഇ പി ജയരാജനാണ്; ശോഭസുരേന്ദ്രൻ മുഖാന്തരം ചർച്ച നടന്നു; പാർട്ടിയിൽ നിന്ന് ഭീഷണി വപ്പോൾ ജയരാജൻ പിന്മാറി; ശോഭയും ഇ പിയും ചർച്ച നടത്തിയത് ഗൾഫിൽ വച്ചും; രാഷ്ട്രീയാരോപണം കടുപ്പിച്ച് കെ സുധാകരൻ; ഇപിയുടെ മറുപടി നിർണ്ണായകം
- അമ്മയും മകളും തമ്മിൽ കണ്ടപ്പോൾ വികാരനിർഭര നിമിഷങ്ങൾ; അൽപനേരം ഒരുമിച്ച് ചെലവഴിക്കാൻ അനുമതി നൽകി സനയിലെ ജയിൽ അധികൃതർ; നിമിഷപ്രിയയെ കണ്ടതിന്റെ ആശ്വാസത്തിലും സന്തോഷത്തിലും പ്രേമകുമാരി; തൊടുപുഴയിലെ വീട്ടിൽ പ്രാർത്ഥനയോടെ നിമിഷയുടെ മകൾ
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- ആലത്തൂരിലെ ഇടത് സ്ഥാനാർത്ഥി കെ. രാധാകൃഷ്ണന്റെ അകമ്പടി വാഹനത്തിൽ നിന്ന് ആയുധം കണ്ടെത്തിയെന്ന് യു.ഡി.എഫ്; സി സി ടി വി ദൃശ്യങ്ങൾ പുറത്തുവിട്ടു; അക്രമം അഴിച്ചുവിടാനുള്ള ആസൂത്രിതമായ നീക്കത്തിന്റെ ഭാഗമെന്ന് രമ്യ ഹരിദാസ്; പ്രചാരണ ബോർഡുകൾ അഴിച്ചുമാറ്റാൻ ഉപയോഗിച്ച ആയുധങ്ങളാണെന്ന് സിപിഎം വിശദീകരണം
- പോളിങ് ഉദ്യോഗസ്ഥരുടെ നിയമന ഉത്തരവ് ചോർന്ന സംഭവം; കോന്നി താലൂക്ക് ഓഫീസിലെ എൽഡി ക്ലാർക്ക് യദുകൃഷ്ണനെ കലക്ടർ സസ്പെൻഡ് ചെയ്തു; പ്രിന്റ് അടിക്കാൻ കൊടുത്ത കോപ്പിയാണ് പുറത്തു പോയതെന്ന് വിശദീകരണം; ആന്റോയുടെ ആരോപണം ശരിയാകുമ്പോൾ
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- കൈവിലങ്ങിട്ടാൽ മതിൽ കയറാനാകില്ലെന്ന് പറഞ്ഞ പ്രതി; മതിൽ കയറിയാൽ ചാടിയോടാനുള്ള സാധ്യത കണ്ടെത്തിയ അന്വേഷകൻ; മതിലിലേക്ക് കയറ്റും മുമ്പ് അവിടെ ഒരുക്കിയൽ 'പൊലീസ് മതിൽ'! ബീഹാറി റോബിൻഹുഡ് എന്തിനും മിടിക്കില്ലെന്ന് തിരിച്ചറിഞ്ഞ ബ്രില്ലിയൻസ്; രാജ്കുമാർ എന്തുകൊണ്ട് 'സേതുരാമയ്യർ' ആയി? ഈ വീഡിയോ കാണം
- പൂരം നാളുകളിൽ വൻകിട ഹോട്ടലുകളിൽ പൊലീസ് സൗജന്യമായി മുറിയെടുത്തു; ഉന്നത ഉദ്യോഗസ്ഥരുടെ പേരുപറഞ്ഞ് ഓരോ ഹോട്ടലിലും രണ്ടും മൂന്നും മുറികൾ സൗജന്യമായി വാങ്ങി; പൂരത്തെ അറിയാവുന്ന ഉദ്യോഗസ്ഥരെ ഡ്യൂട്ടിയിലിൽ നിന്നും മാറ്റി; കമ്മീഷണറുടെ നിലപാടുകൾ സേനയ്ക്ക് കളങ്കമായി; തൃശൂർ പൂരത്തിൽ ഇന്റലിജൻസ് കണ്ടെത്തൽ ഇങ്ങനെ
- എന്തെങ്കിലും സ്വയം വിമർശനം വേണമെന്ന് തോന്നിയിട്ടുണ്ടോയെന്ന് നികേഷ് കുമാറിന്റെ ചോദ്യം; 'നിങ്ങൾ ചെയ്യുന്ന ചെറ്റത്തരത്തിന് ഞാനാണോ സ്വയം വിമർശനം നടത്തേണ്ടത്? കലിയിളകി പിണറായിയുടെ മറുപടി; മാധ്യമങ്ങൾക്ക് നിലവിട്ട സമീപനമെന്നും വിമർശനം
- ഇന്ത്യയിൽ നിന്നും യുകെയിലേക്ക് കെയറർ വിസയിൽ തൊഴിലാളികൾ എത്തുന്നതിൽ ആശങ്കയുമായി ലോകാരോഗ്യ സംഘടന; കെയർ ഹോമുകളിൽ ഗുണനിലവാരമില്ലാത്ത സേവനത്തിനു സാധ്യതയെന്ന് ഓക്സ്ഫോർഡ് യൂണിവേഴ്സിറ്റി മുന്നറിയിപ്പും; ഇന്ത്യക്കാർക്ക് വിസ നിഷേധിക്കാൻ മറ്റൊരു കാരണം കൂടി
- മുഖ്യമന്ത്രിക്ക് ഇരിക്കാൻ സ്ഥാപിച്ച അരലക്ഷം വിലയുള്ള കറങ്ങുന്ന കസേരയുള്ള സീറ്റ് ഇളക്കിമാറ്റി; വി.വി.ഐ.പി. പരിവേഷത്തിൽ കേരളം കറങ്ങിയ നവകേരള ബസ് ഇപ്പോൾ ആർക്കും വേണ്ടാതെ വെറുതേ കിടക്കുന്നു; ഗതാഗത മന്ത്രി മാറിയതോടെ താൽപ്പര്യം കുറഞ്ഞു; ടൂറിസം ആവശ്യത്തിനും വിട്ടുനൽകാതെ 1.15 കോടി രൂപ മുടക്കി വാങ്ങിയ ബസ്
- ഇസ്രയേൽ ഇറാന് ശക്തമായ തിരിച്ചടി നൽകിയത് ഒരീച്ച പോലും അറിയാതെ; മിസൈലുകളും ഡ്രോണുകളും റഷ്യൻ നിർമ്മിത എസ്-300 സംവിധാനത്തെ തകർത്തു; ആക്രമണം ഇറാൻ വ്യോമ പ്രതിരോധ സംവിധാനത്തെ പൂർണമായി കബളിപ്പിച്ചുകൊണ്ട്; ആക്രമണം നടന്നയിടത്ത് പൊടി പൊലുമില്ല കണ്ടുപിടിക്കാൻ
- സൗബിൻ സാഹിറിനെതിരെ മരട് പൊലീസ് ചുമത്തിയത് ഗൗരവതരമുള്ള വകുപ്പുകൾ; മരട് ഇൻസ്പെക്ടർ തയ്യാറാക്കിയ എഫ് ഐ ആറിലേത് അക്കൗണ്ട് വഴി പണം കൈമാറിയിട്ടും വഞ്ചിച്ചെന്ന ആരോപണം; ചുമത്തുന്നത് വഞ്ചനയും ക്രിമിനൽ ഗൂഢാലോചനയും; 'മഞ്ഞുമ്മൽ ബോയ്സ്' അറസ്റ്റിലാകാൻ സാധ്യത ഏറെ; ആ 47 കോടി തിരിച്ചു കൊടുക്കേണ്ടി വരും
- ഇറാൻ പ്രകോപനത്തിന് തിരിച്ചടിയുമായി ഇസ്രയേൽ; ഇറാന്റെ വടക്കൻ നഗരമായ ഇസ്ഫഹാനിലെ വിമാനത്താവളത്തിന് മിസൈൽ ആക്രമണം നടത്തി ഇസ്രയേൽ; ആക്രമണത്തിന പിന്നാലെ ഇറാനിൽ വിമാന സർവീസുകൾ പൂർണായും നിർത്തിവെച്ചു; ഇസ്രയേൽ ആക്രമണം അമേരിക്കയെ അറിയിച്ച ശേഷം
- സംസ്ഥാന സർക്കാരിന് നാണക്കേടായി കെ എസ് ആർ ടിസി ബസിൽ സഹയാത്രികയുടെ മാറിടത്തിൽ കയറിപ്പിടിച്ച് അപമാനിച്ച് പൊതു മേഖലാ സ്ഥാപനത്തിന്റെ മാനേജിങ് ഡയറക്ടർ; ഡോ ആർ രാജീവിന് ജാമ്യം കിട്ടിത് മാത്രം ആശ്വാസമായി; ഏപ്രിൽ ഫൂൾ ദിനത്തിൽ നടന്ന ആരും അറിയാത്ത പീഡന വാർത്ത
- ഒരു ജൂനിയർ പറയാൻ പാടില്ലാത്ത കഥകളാണ് ശ്രീനിയുടെ മകൻ പറഞ്ഞതെന്ന് മുകേഷ്; എന്നാൽ അത് ധ്യാൻ തന്നെയാകുമെന്ന് ആരാധകർ
- അനുജയുമൊന്നിച്ച് കാർ തടിലോറിയിലേക്ക് ഇടിച്ചു കയറ്റി ഹാഷിം ജീവനൊടുക്കിയെന്ന് സഹ അദ്ധ്യാപകരുടെയും ബന്ധുക്കളുടെയും മൊഴി; അടൂരിനെ നടുക്കിയ അപകടം; സ്കൂൾ അദ്ധ്യാപികയെയും കൂട്ടി സ്വകാര്യ ബസ് ഡ്രൈവർ ആത്മഹത്യ ചെയ്തതെന്ന് സൂചന; സ്വിഫ്ട് ഡിസയർ കാർ ഓടിച്ചു കയറ്റിയത് കണ്ടെയ്നർ ലോറിയിലേക്ക്: സംഭവം കെപി റോഡിൽ പട്ടാഴമുക്കിൽ
- കള്ളി എന്നതാണ് ഇപ്പോഴത്തെ മേൽവിലാസം.. കള്ളിയുടെ അച്ഛൻ എന്ന മേൽവിലാസവും കൊണ്ട് ആണ് 2 മാസം മുമ്പ് അച്ഛൻ മരിച്ചുപോയത്; കൂടെ ഉണ്ടായിരുന്നവരൊന്നും കൂട്ടുന്നില്ല; ഉറങ്ങിയിട്ട് വർഷം ഒന്നാകാറായി; വിദ്യ വിജയന്റെ കുറിപ്പ്
- പിറന്നാളിന് വാങ്ങിയത് ഓൺലൈനിൽ ഓർഡൽ ചെയ്ത കേക്ക്; ഭക്ഷ്യവിഷബാധയേറ്റ് പത്തു വയസ്സുകാരിക്ക് ദാരുണാന്ത്യം: പിറന്നാൾ പിറ്റേന്ന് ദാരുണമായി മരിച്ചത് പത്തു വയസ്സുകാരി മൻവി
- ഇറാനിൽ ഇസ്രയേലിന്റെ വ്യോമാക്രമണം ഇന്ത്യൻ വിപണിക്ക് ആശങ്കയാകുന്നു; കുതിച്ചുയർന്ന് ക്രൂഡോയിൽ വില; ബാരലിന് 90 ഡോളറിലെത്തി; ഇപ്പോഴത്തെ നിലയിൽ വില 100 ഡോളർ വരെ ഉയർന്നേക്കുമെന്ന് ആശങ്ക; ഇറാൻ-ഇസ്രയേൽ പോര് പശ്ചിമേഷ്യയിലെ സ്ഥിതിഗതികൾ കൂടുതൽ ആശങ്കപ്പെടുത്തുന്നു
- സിനിമയുടെയും ആത്മാവായ ആ സീൻ സെൻസർ ബോർഡ് വെട്ടിമാറ്റിയെന്ന് ബെന്യാമിൻ; ഷൂട്ട് ചെയ്തിട്ടില്ലെന്ന് ബ്ലെസി; അങ്ങനെ ഒന്ന് ഉണ്ടായിട്ടില്ലെന്നും എഴുത്തുകാരൻ ചേർത്തതാണെന്നും നജീബ്; ആടുമായി നജീബ് ലൈംഗിക ബന്ധത്തിൽ ഏർപ്പെടുന്ന രംഗത്തിന് എന്താണ് സംഭവിച്ചത്?
- കാസർകോട് ഇടതുമുന്നണി തിരിച്ചുപിടിക്കുമോ? കണ്ണൂരിൽ സുധാകരൻ വീഴുമോ? വടകരയിൽ ഷാഫിയോ ശൈലജയോ? കോഴിക്കോട് രാഘവേട്ടനോ, കരീംക്കയോ? രാഹുൽഗാന്ധി മാജിക്ക് ആവർത്തിക്കുമോ? എൻഡിഎ വോട്ട് ഉയർത്തുമോ? മറുനാടൻ മലയാളി ഇലക്ഷൻ സർവേയുടെ ആദ്യഘട്ട ഫലം അറിയാം
- പേരാമ്പ്രയിൽ അദ്ധ്യാപകൻ മരിച്ച നിലയിൽ; വീട്ടിലെ മുറിയിൽ മരിച്ച നിലയിൽ കണ്ടെത്തിയത് സിദ്ധാർഥന്റെ മരണവുമായി ബന്ധപ്പെട്ട കേസിലെ 11ാം പ്രതിയുടെ പിതാവ്
- വയനാട്ടിലെ മേപ്പാടിയിൽ വനിതാ ഡോക്ടർ തൂങ്ങി മരിച്ച നിലയിൽ; കണ്ടെത്തിയത് ആശുപത്രി ക്യാംപസിലെ വീട്ടിൽ; ഡോ. ഫെലിസ് നസീർ ആത്മഹത്യ തടയുന്നതിനുള്ള അസോസിയേഷനിലെ കൗൺസിലർ
- ക്ഷേമപെൻഷൻ യഥാസമയം കൊടുക്കാൻ കഴിഞ്ഞില്ലെങ്കിൽ തിരിച്ചടിയെന്ന് വിലയിരുത്തൽ; പണം കണ്ടെത്താൻ സഹകരണ ബാങ്കുകളിൽ നിന്ന് 2000 കോടി കടമെടുക്കാൻ സർക്കാർ; 9.1 ശതമാനം പലിശയിൽ കടമെടുപ്പ്; ഒന്ന വർഷത്തിനുള്ളിൽ സഹകരണ ബാങ്കുകളെ സമീപിക്കുന്നത് ഇത് മൂന്നാം വട്ടം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്