റബർ ടാപ്പിങ് തൊഴിലാളിക്ക് കാട്ടുപന്നിയുടെ കുത്തേറ്റു; ഗുരുതര പരുക്കേറ്റ യുവാവ് തലശേരി...

റബർ ടാപ്പിങ് തൊഴിലാളിക്ക് കാട്ടുപന്നിയുടെ കുത്തേറ്റു; ഗുരുതര പരുക്കേറ്റ യുവാവ് തലശേരി ജനറൽ ആശുപത്രിയിൽ

December 28, 202109:41 PM IST Permalink

അനീഷ് കുമാർ

തലശേരി: കാട്ടുപന്നിയുടെ ആക്രമണത്തിൽ ഗുരുതരമായി പരുക്കേറ്റ യുവാവിനെ ഇന്ന് തലശേരി ജനറൽ ആശുപത്രിയിൽ പ്രവേശിപ്പിച്ചു. റബ്ബർ ടാപിങ് തൊഴിലാളിയായ യുവാവിനാണ് കാട്ടുപന്നിയുടെ കുത്തേറ്റത്. ഇരിട്ടി പുന്നാട് ചെടിക്കുളം വയലുങ്കൽ ബിനോജിനാണ് (35) തിങ്കളാഴ്‌ച്ച പുലർച്ചെ കാട്ടുപന്നിയുടെ കുത്തേറ്റത്.

റബ്ബർ തോട്ടത്തിൽ കാട്ടുപന്നിയുടെ കുത്തേറ്റ് ബോധരഹിതനായി വീണു കിടക്കുന്ന യുവാവിനെ നാട്ടുകാർ ആദ്യം ഇരിട്ടിയിലെ സ്വകാര്യ ആശുപത്രിയിലും പിന്നീട് പരുക്ക് ഗുരുതരമായതിനാൽ തലശേരി ജനറൽ ആശുപത്രിയിലുമെത്തിക്കുകയുമായിരുന്നു. കാട്ടുപന്നിയുടെ കുത്തേറ്റു ഇയാൾക്ക് കൈകാലുകൾക്ക് ഗുരുതരമായി മുറിവേറ്റു ചോര വാർന്നൊഴുകിയ നിലയിലായിരുന്നു.

മറ്റൊരു ടാപ്പിങ് തൊഴിലാളിയാണ് പുലർച്ചെ ഇയാളെ തോട്ടത്തിൽ ചോര വാർന്ന നിലയിൽ കണ്ടെത്തിയത്. നേരത്തെ മയ്യിൽ മേഖലയിൽ കാട്ടുപന്നി ബൈക്കിനു കുറുകെ ചാടിയതിനെ തുടർന്ന് രണ്ടു യുവാക്കൾക്ക് പരുക്കേറ്റിരുന്നു ഇവർ ആശുപത്രിയിൽ ചികിത്സയിലാണ്

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: