ലോകത്തെവിടെ നിന്നും ലോഗിൻ ചെയ്ത് പരീക്ഷണങ്ങൾ സിമുലേറ്റ് ചെയ്യാവുന്ന ലബോറട്ടറികൾ ലോകത്ത് ഒരുങ്ങുകയാണ്; ചാൻസലറല്ല, സ്വയം ഭരണമാണ് പ്രശ്നം; മുരളി തുമ്മാരുകുടി എഴുതുന്നു
മുരളി തുമ്മാരുകുടി
ചാൻസലറല്ല, സ്വയം ഭരണമാണ് പ്രശ്നം.
ഏറെ നാൾ കേട്ടിട്ടുണ്ടെങ്കിലും കഴിഞ്ഞ വർഷമാണ് ഞാൻ തൃശൂരിലെ ഡോക്ടർ ജോൺ മത്തായി സെന്ററിൽ പോകുന്നത്. കോഴിക്കോട് സർവകലാശാലയുടെ എക്കണോമിക്സ് വകുപ്പിന്റെ ഭാഗമോ ആസ്ഥാനമോ ഒക്കെയാണ് ഈ സ്ഥലം. ഡോക്ടർ ജോൺ മത്തായിയുടെ വീട്ടിലാണ് ഈ സെന്റർ പ്രവർത്തിക്കുന്നത്.
ഒരു യൂണിവേഴ്സിറ്റി വിഭാഗം എന്നതിനേക്കാൾ ഈ സെന്റർ അറിയപ്പെടുന്നത് ഡോക്ടർ ജോൺ മത്തായിയുടെ പേരിലാണ്.
ആരായിരുന്നു ഡോക്ടർ ജോൺ മത്തായി?
1947 ൽ സ്വതന്ത്ര ഇന്ത്യയിലെ ഒന്നാം ജവഹർലാൽ നെഹൃ മന്ത്രിസഭയിലെ അംഗം.
സ്വതന്ത്ര ഇന്ത്യയിലെ ആദ്യത്തെ റയിൽവേ മന്ത്രി.
1948 ൽ ഇന്ത്യയുടെ ധനകാര്യമന്ത്രി.
സ്റ്റേറ്റ് ബാങ്ക് ഓഫ് ഇന്ത്യയുടെ ആദ്യത്തെ ചെയർമാൻ.
ബോംബേ യൂണിവേഴ്സിറ്റി വൈസ് ചാൻസലർ.
ഇത്തരം ഉയർന്ന സ്ഥാനങ്ങളിൽ ഒക്കെ ഇരുന്നതിനു ശേഷം അദ്ദേഹം കേരള യൂണിവേഴ്സിറ്റിയുടെ വി. സി. ആയി, 1957 - 58 കാലഘട്ടത്തിൽ.
അദ്ദേഹം കേരള യൂണിവേഴ്സിറ്റിയുടെ വൈസ് ചാൻസലർ ആയെങ്കിലും തൃശൂരിലെ അദ്ദേഹത്തിന്റെ വീട്ടിലിരുന്നാണ് ജോലി ചെയ്തിരുന്നത്. (ഈ വർക്ക് ഫ്രം ഹോം ഒക്കെ നുമ്മ പണ്ടേ വിട്ട സീനാണ് ബായ്).
അതൊക്കെ ഒരു കാലം.
ഇന്നിപ്പോൾ കേന്ദ്ര മന്ത്രി പോയിട്ട് സംസ്ഥാന മന്ത്രിയോ എംഎൽഎ. യോ എങ്കിലും ആയിട്ടുള്ളവർ ആഗ്രഹിക്കുന്ന ജോലിയല്ല വൈസ് ചാൻസലറുടേത്.
കേരളത്തിൽ വൈസ് ചാൻസലർമാർ ആയിരുന്നിട്ടുള്ളവർ പിൽക്കാലത്ത് എംഎൽഎ. ആകാൻ ഒക്കെ ശ്രമിക്കുന്നതാണ് സമീപ കാല ചരിത്രം.
കാരണം ഇന്നിപ്പോൾ ഒരു യൂണിവേഴ്സിറ്റി വൈസ് ചാൻസലറുടെ പദവി ഒരു കേന്ദ്രമന്ത്രിയുടെയോ സംസ്ഥാന മന്ത്രിയുടെയോ പദവിക്ക് എത്രയോ താഴെയായിട്ടാണ് പൊതുസമൂഹം കാണുന്നത്.
ഇതിന് പല കാരണങ്ങളുണ്ട്. യൂണിവേഴ്സിറ്റികളുടെ പെരുപ്പം തന്നെ ഒന്നാമത്തേത്. ഡോക്ടർ ജോൺ മത്തായി വൈസ് ചാൻസലർ ആകുന്ന കാലത്ത് കേരളത്തിൽ ഒറ്റ യൂണിവേഴ്സിറ്റിയാണ് ഉള്ളത്. ഇപ്പോൾ യൂണിവേഴ്സിറ്റിയും, യൂണിവേഴ്സിറ്റി പോലുള്ളതും ഒക്കെ കൂടി രണ്ടു ഡസൻ ആയി.
അത് മാത്രമല്ല കാര്യം.
വൈസ് ചാൻസലർ മുതൽ ഏറ്റവും താഴേക്കിടയിലുള്ള താൽക്കാലിക നിയമനങ്ങളിൽ വരെയുള്ള സാധ്യമായ രാഷ്ട്രീയ ഇടപെടലുകൾ.
സർവകലാശാലയുടെ നടത്തിപ്പിൽ രാഷ്ട്രീയ അതിപ്രസരമുള്ള സെനറ്റ്, സിൻഡിക്കേറ്റ്, തുടങ്ങിയ സംവിധാനങ്ങൾ കൊണ്ടുവരുന്ന വിലങ്ങുതടികൾ.
അദ്ധ്യാപകർക്ക് അപ്പുറം ശക്തമായ യൂണിവേഴ്സിറ്റിയിലെ അഡ്മിനിസ്ട്രേറ്റിവ് സ്റ്റാഫ് യൂണിയനുകൾ കൊണ്ടുവരുന്ന തലവേദനകൾ.
പരീക്ഷ നടത്തിപ്പിൽ പോലും കോടതിയുടെ വ്യവഹാരങ്ങൾ
സാന്പത്തികവും നിർമ്മാണപരവുമായ കാര്യങ്ങൾക്ക് ബ്യുറോക്രസിയുമായി നടത്തേണ്ട അങ്കം വെട്ടലുകൾ.
ഇവക്കെതിരെയൊക്കെ യുദ്ധം ചെയ്യുന്പോൾ തന്നെ യു. ജി. സി. നിയമങ്ങൾ ഉണ്ടാക്കുന്ന കർശന നിയന്ത്രണങ്ങൾ.
വിദ്യാർത്ഥികളും അദ്ധ്യാപകരും അനധ്യാപകരും അടങ്ങിയ ഒരു ബാൻഡ് സംഘത്തിനെ മുന്നിൽ നിന്നും നയിക്കുന്ന ഒരു ബാൻഡ് മാസ്റ്റർ ആയിട്ടല്ല മറിച്ച് ചുറ്റുമുള്ളവർ ഒക്കെ കൂടി കാലിനും കഴുത്തിനും പിടിക്കുന്പോഴും പന്തുമായി മുന്നോട്ട് പോകാൻ ശ്രമിക്കുന്ന ഒരു റഗ്ബി പ്ലെയർ ആയിട്ടാണ് എനിക്ക് നമ്മുടെ വൈസ് ചാൻസലറെ ഉപമിക്കാൻ തോന്നുന്നത്.
ഈ വക പ്രശ്നങ്ങളെല്ലാം നിലനിൽക്കുന്പോൾ ഏത് മുന്മന്ത്രിയാണ് വി. സി. ആകാൻ സമ്മതിക്കുന്നത് ?
അദ്ധ്യാപകരിൽ തന്നെ വി. സി. ആകാൻ ആളുകൾ സമ്മതിക്കുന്നു എന്നത് സത്യത്തിൽ എനിക്ക് അത്ഭുതമാണ്. ക്ഷമക്കും സഹനശക്തിക്കുമുള്ള ഓസ്ക്കാറിന് ഇവർ അർഹരുമാണ്.
ചാൻസലർ പദം ഗവർണറിൽ നിന്നും മുഖ്യമന്ത്രിയിലേക്ക് മാറിയതുകൊണ്ട് ഇപ്പറഞ്ഞതിലൊന്നും ഒരു മാറ്റവും ഉണ്ടാകാൻ പോകുന്നില്ല. അതിനാൽ ആ വിവാദം ഞാൻ ശ്രദ്ധിക്കുന്നേയില്ല.
എന്നാൽ കേരളത്തിന്റെ ഭാവി നിക്ഷിപ്തമായിരിക്കുന്നത് നമ്മുടെ പുതിയ തലമുറയെ വേണ്ട തരത്തിൽ പരിശീലിപ്പിച്ച് ലോക തൊഴിൽ കന്പോളത്തിന് തയ്യാറെടുപ്പിക്കുക എന്നതിലായതുകൊണ്ട് വിദ്യാഭ്യാസരംഗത്ത് വരുന്ന മാറ്റങ്ങളെ ഞാൻ സസൂക്ഷ്മം ശ്രദ്ധിക്കാറുണ്ട്. അവിടെ മാറ്റങ്ങൾ ആഗ്രഹിക്കാറുണ്ട്.
വിപ്ലവകരമായ മാറ്റങ്ങളാണ് ലോകത്തും ഇന്ത്യയിലും അടക്കം ഉന്നത വിദ്യാഭ്യാസരംഗത്ത് വന്നുകൊണ്ടിരിക്കുന്നത്.
കൊറോണക്കാലം വന്നതോടെ വിദ്യാഭ്യാസത്തിൽ അടിസ്ഥാനമായി മൂന്നു മാറ്റങ്ങൾ വന്നിട്ടുണ്ട്.
ഒന്ന്, വിദ്യാർത്ഥികൾ ഓട്ടോണമസ് ആയി. അവർക്ക് ഇഷ്ടമുള്ള വിഷയങ്ങൾ, ഇഷ്ടപ്പെടുന്ന അദ്ധ്യാപകരിൽ നിന്നും ഇഷ്ടമുള്ള സമയത്ത് ഇഷ്ടപ്പെടുന്ന സ്ഥലത്തിരുന്ന് പഠിക്കാം എന്നത് അവർക്ക് മനസ്സിലായിട്ടുണ്ട്.
ഉന്നത വിദ്യാഭ്യാസ രംഗത്തെ വിദ്യാർത്ഥികൾ എന്നാൽ പന്ത്രണ്ടാം ക്ളാസ്സ് പാസ്സ് ആയ, ജോലി കിട്ടാൻ വേണ്ടി വിദ്യ ആർജ്ജിക്കുന്നവർ എന്നത് പൂർണ്ണമായും ഇല്ലാതായി. പത്തു വയസ്സുള്ളവരും നൂറു വയസ്സ് കഴിഞ്ഞവരും, ജോലി ചെയ്യുന്നവരും, ജോലി ആഗ്രഹിക്കുന്നവരും, റിട്ടയർ ചെയ്തവരും, വീട്ടമ്മമാരും വീട്ടച്ഛന്മാരും എന്നിങ്ങനെ അറിവ്, ഏതൊരു കാരണത്താൽ ആഗ്രഹിക്കുന്നവരെല്ലാം വിദ്യാർത്ഥികളാണ്. അവർക്ക് അതിനുള്ള സാധ്യതയുണ്ട്.
മൂന്ന് , വിദ്യാഭ്യാസം സാർവർത്രികവും സൗജന്യവും ആക്കാമെന്ന് ലോകം മനസ്സിലാക്കിയിട്ടുണ്ട്. ഇപ്പോൾ തന്നെ നാപ്കിൻ മടക്കുന്നത് മുതൽ റോക്കറ്റ് സയൻസ് വരെയുള്ള ഏതൊരു വിഷയത്തിലും അറിവ് നേടാൻ ഒരു ഇമെയിലും ഒരു ഡേറ്റ പ്ലാനും മതിയാകും.
ഈ മൂന്നു കാര്യങ്ങളും ഇപ്പോൾ മനസ്സിലാക്കുന്ന രാജ്യങ്ങൾക്കും സ്ഥാപനങ്ങൾക്കും അദ്ധ്യാപകർക്കും മാത്രമേ ഇനി ഉന്നത വിദ്യാഭ്യാസ രംഗത്ത് ഭാവിയുള്ളൂ.
ലോകത്തെ പതിനായിരം യുണിവേഴ്സിറ്റികളിലും പത്തുലക്ഷം കോളേജുകളിലുമായി നൂറുകണക്കിന് സിലബസുകളുമായി കോടിക്കണക്കിന് വിദ്യാർത്ഥികളെ പഠിപ്പിക്കുന്ന ഇന്നത്തെ പഠന ലോകത്തിന് ഇനി പത്തുവർഷം പോലും ഭാവിയില്ല.
യൂണിവേഴ്സിറ്റിയും കോളേജും അദ്ധ്യാപകരും പറയുന്ന സ്ഥലത്തും സമയത്തും കുട്ടികൾ ക്ലാസിൽ വന്നിരുന്ന് ഗുരുമുഖത്ത് നിന്നും വിദ്യ അഭ്യസിക്കുന്ന രീതി ആയിരം വർഷങ്ങൾക്കിപ്പുറം മ്യുസിയം പീസ് ആകുകയാണ്.
ഏതൊരു വിഷയത്തെയും പറ്റി, വിദ്യാർത്ഥികൾക്ക് ഏറ്റവും നന്നായി മനസിലാക്കിക്കൊടുക്കാൻ കഴിവുള്ള മനുഷ്യനോ റോബോട്ടോ വിദ്യാർത്ഥികളെ പഠിപ്പിക്കും എന്നതായിരിക്കും ഇനിയുള്ള രീതി. ഇംഗ്ലീഷ് സംസാരിക്കുന്ന ലോകത്തെല്ലാം കുട്ടികളെ ഇംഗ്ലീഷ് പഠിപ്പിക്കുന്നത് ഒരു സൂപ്പർ ടീച്ചറായിരിക്കും. കേരളത്തിലെ അഞ്ഞൂറ് ആർട്ട്സ് കോളേജിലും ഇംഗ്ലീഷ്, കണക്ക്, ഫിസിക്സ് പഠിപ്പിക്കാൻ അഞ്ഞൂറ് ഇംഗ്ലീഷ്, കണക്ക്, ഫിസിക്സ് അദ്ധ്യാപകരുടെ ആവശ്യം ഇനി ഉണ്ടാകില്ല. എയ്ഡഡ് കോളേജ്, അദ്ധ്യാപക നിയമനം, കാപ്പിറ്റേഷൻ ഫീ ഇതൊന്നും നാളെയുടെ പ്രശ്നങ്ങൾ അല്ല.
വിദ്യാർത്ഥികളിലേക്ക് വിജ്ഞാനം പകരാനുള്ള കഴിവാണ്, അല്ലാതെ വിഷയത്തിലുള്ള അറിവല്ല, ഇനി നല്ല അദ്ധ്യാപകനെ തീരുമാനിക്കാൻ പോകുന്നത്. നല്ല അദ്ധ്യാപകർ സൂപ്പർ സ്റ്റാർ ആകുക മാത്രമല്ല, അമിതാഭ് ബച്ചനും മമ്മൂട്ടിയും പോലുള്ള സൂപ്പർ സ്റ്റാറുകൾക്ക് അദ്ധ്യാപകരാകാനും സാധിക്കും.
വിദ്യാർത്ഥികൾ പഠിക്കുന്നത് അവർക്കിഷ്ടമുള്ള സ്ഥലത്തും സമയത്തും ആയിരിക്കും. ഒരേ ലക്ച്ചറർ പല പ്രാവശ്യം കാണുകയും കേൾക്കുകയും ചെയ്യാം.
ഒരേ വിഷയം പഠിക്കുന്ന ലോകത്തെവിടെയുമുള്ള വിദ്യാർത്ഥികൾ പരസ്പരം നെറ്റ്വർക്കുകളും സഹൃദങ്ങളുമുണ്ടാക്കും. അവർ ഒരുമിച്ച് പ്രോജക്ടുകൾ ചെയ്യും, ആശയങ്ങൾ ചർച്ച ചെയ്യും.
ലോകത്തെവിടെ ചെന്നാലും അവർ പഠിച്ച സിലബസും പഠിപ്പിച്ച അദ്ധ്യാപകരും ഒന്നായിരിക്കും. യുട്യൂബ് പോലെയും ഫേസ്ബുക്ക് പോലെയും ഒറ്റ യൂണിവേഴ്സിറ്റി ആയിരിക്കും ഇനി ലോകത്തുണ്ടാകുക.
ലോകത്ത് മാത്രമല്ല, ഇന്ത്യയിലും വലിയ മാറ്റങ്ങളാണ് വരുന്നത്.
കൊറോണാന്തരം വിദ്യാഭ്യാസ ലോകത്തുണ്ടായ മാറ്റങ്ങൾക്ക് അനുസരിച്ചുള്ള വലിയ മാറ്റങ്ങളാണ് കേന്ദ്ര ഗവണ്മെന്റ് കൊണ്ടുവരുന്നത്. ലോകത്തിനു തന്നെ മാതൃകയായ മാറ്റങ്ങൾ.
യു. ജി. സി. പിരിച്ചുവിടുന്നു.
ഉന്നതവിദ്യാഭ്യാസം വേണ്ടവർക്കായി ഒരു അക്കാദമിക് ബാങ്ക് ഓഫ് ക്രെഡിറ്റ് ഉണ്ടാകുന്നു.
ലോകത്തെവിടെ നിന്നും ക്ലാസ് റൂമിനകത്തോ ഓൺലൈനായോ പഠിച്ച കോഴ്സുകൾക്ക് ക്രെഡിറ്റ് നേടി അക്കാദമിക് ബാങ്കിൽ നിക്ഷേപിക്കാൻ അനുമതി വരുന്നു.
നമുക്ക് ഇഷ്ടമുള്ള ഏതൊരു വിഷയവും എവിടെനിന്നും പഠിക്കാൻ അനുവദിക്കുന്നു. മെഡിസിനും മ്യൂസിക്കും, ഫിസിക്സും ഫിലോസഫിയും ഭാഷയും മരപ്പണിയും ഉൾപ്പടെ എന്തും എന്തുമായും ചേർക്കാവുന്ന രീതി.
നമ്മുടെ ക്രെഡിറ്റ് ബാങ്കിലുള്ള കോഴ്സുകളുടെ എണ്ണവും രീതിയും അനുസരിച്ച് സർട്ടിഫിക്കറ്റോ ഡിപ്ലോമയോ ഡിഗ്രിയോ നേടി പുറത്തുവരാൻ അവസരം നൽകുന്നു.
അഫിലിയേറ്റഡ് കോളേജ് എന്ന ഇപ്പോഴത്തെ സംവിധാനം എടുത്തുകളയുന്നു.
ഡിഗ്രി കൊടുക്കാനുള്ള അവകാശമുൾപ്പെടെയുള്ള ഓട്ടോണമസ് കോളേജുകൾ സാർവത്രികമാകുന്നു.
ഇതാണ് കേന്ദ്ര സർക്കാർ വിഭാവനം ചെയ്യുന്ന ഭാവി.
ഇതൊന്നും നമ്മൾ അറിഞ്ഞ മട്ടില്ല.
ഇന്നലത്തെ ചിന്തകളെയും ഉപകരണങ്ങളെയും കൊണ്ട് ഈ മാറ്റങ്ങളെ നേരിടാൻ നമുക്ക് സാധിക്കില്ല.
കേരളത്തിന് പുറത്ത് അധികമാരും കേട്ടിട്ടില്ലാത്ത, ലോകത്തെ യൂണിവേഴ്സിറ്റിയുടെ റാങ്കിങ് എടുത്താൽ ആദ്യത്തെ ആയിരത്തിലും വരാത്ത, കുറച്ചു സർവ്വകലാശാലകൾ ആണ് നമുക്കുള്ളത്. സത്യത്തിൽ കേരളത്തിലെ ഉന്നതവിദ്യാഭ്യാസ ഭാവിയെക്കുറിച്ച് നമ്മുടെ യുവതലമുറ അവരുടെ കാലുകൾ കൊണ്ട് വോട്ട് ചെയ്യുന്നുണ്ട് (voting with their feet എന്ന പ്രയോഗം കേട്ടിട്ടില്ലാത്തവർ വായിച്ചു നോക്കണം).
ഏറ്റവും കൂടുതൽ മാർക്കുള്ളവരും, മറ്റു രീതിയിൽ സാധിക്കുന്നവരും കേരളത്തിന് പുറത്തേക്ക് ഐ.ഐ.ടി.യിലോ എൻ. ഐ. ടി.യിലോ എയിംസിലോ ഡൽഹി യുണിവേഴ്സിറ്റിയിലോ ബാംഗ്ലൂരിലെ ക്രൈസ്റ്റിലോ മദ്രാസ് ലയോളയിലോ പോകുന്നുണ്ട്
ഇതൊക്കെ ചുറ്റും നടക്കുന്പോഴാണ് നാം വൈസ് ചാൻസലർമാരുടെ നിയമനത്തെപ്പറ്റി, ആരാണ് ചാൻസലർ ആയിരിക്കേണ്ടത് എന്നതിനെ പറ്റി ചർച്ച നടത്തി സമയം കളയുന്നത്.
നമ്മുടെ ശ്രദ്ധ മുഴുവൻ ഉന്നത വിദ്യാഭ്യാസ രംഗത്ത് ഉയർന്നു വന്നിരിക്കുന്ന വിദ്യാർത്ഥികളുടെ ഓട്ടോണമിയെ എങ്ങനെയാണ് പ്രോത്സാഹിപ്പിക്കേണ്ടത് എന്നതിൽ ആയിരിക്കണം.
നമ്മുടെ ശ്രദ്ധ ലോകത്തിലെ ഏറ്റവും നല്ല അദ്ധ്യാപകരിൽ നിന്നും സൗജന്യമായി പഠിക്കാനുള്ള അവസരം നമ്മുടെ വിദ്യാർത്ഥികൾക്ക് എങ്ങനെയാണ് ഉപകാരപ്പെടുത്താൻ പറ്റുന്നത് എന്നതായിരിക്കണം.
അതിന്റെ ആദ്യത്തെ പടി വിദ്യാഭ്യാസത്തിന്റെ ഏറ്റവും അടിത്തട്ടിലുള്ള സ്ഥാപനങ്ങൾക്ക് പരമാവധി ഓട്ടോണമി നൽകുക എന്നതാണ്.
നമ്മുടെ കൊളേജുകൾക്ക്.
പുതിയ അക്കാദമിക് ബാങ്ക് ഓഫ് ക്രെഡിറ്റും ബ്ലെൻഡഡ് ലേണിംഗും വന്നുകഴിഞ്ഞാൽ പിന്നെ നല്ല ഹോസ്റ്റലുകളും കോഫീ ഷോപ്പും ഇന്റർനെറ്റുമുള്ള സ്ഥലങ്ങൾ നോക്കി വിദ്യാർത്ഥികൾ പോകും. ലോകം അറിയുന്ന ഏതെങ്കിലും സർവ്വകലാശാലയിൽ നിന്നുമുള്ള ബിരുദം കൊച്ചിയിലെ കോഫീഷോപ്പിലിരുന്ന് പഠിച്ചുനേടും. എന്നിട്ട് വെങ്ങോലയിലോ ബാംഗ്ലൂരിലോ ദുബായിലോ ഇരുന്ന് ഫേസ്ബുക്കിനോ അലിബാബക്കോ വേണ്ടി ജോലി ചെയ്യും.
എങ്ങനെയാണ് ഈ ലോകത്തിന് വേണ്ടി നമ്മുടെ കോളേജുകളെ തയ്യാറാക്കുന്നത്?
കോളേജുകൾ എന്നാൽ സർവ്വകലാശാലയുടെ കർശന നിയന്ത്രണങ്ങൾക്കുള്ളിൽ അവർ പറയുന്ന സിലബസിനുള്ളിൽ അവർ പറയുന്ന ദിവസങ്ങളിലും സമയത്തും അവർ പറയുന്ന പ്രായത്തിലുള്ള വിദ്യാർത്ഥികളെ പഠിപ്പിക്കുന്ന സ്ഥാപനങ്ങൾ എന്ന നിയന്ത്രണങ്ങൾ മാറ്റണം.
വിദ്യ ആഗ്രഹിക്കുന്ന ആർക്കും കടന്നു ചെല്ലാവുന്ന, അവർക്ക് വേണ്ട നിർദ്ദേശങ്ങൾ നൽകാൻ അറിവുള്ളവർ ഉള്ള, അവരെ വിദ്യാഭ്യാസത്തിന്റെയും തൊഴിലിന്റെയും വിവിധ പാതകളിലേക്ക് നയിക്കുന്ന സ്ഥലങ്ങൾ ആകണം 'ലേർണിങ് ആൻഡ് ഡെവലപ്പ്മെന്റ്' സെന്ററുകൾ. കോളേജ് എന്ന പേര് പോലും നമുക്ക് വേണ്ട.
ഇപ്പോഴത്തെ കൊളേജുകൾക്ക് ലോകത്ത് എവിടെ പഠിക്കുന്ന കുട്ടികൾക്കും ഭൗതിക സൗകര്യങ്ങൾ ഒരുക്കാനുള്ള സ്വാതന്ത്ര്യം വേണം. ഓരോ കോളേജിലും സ്റ്റാർട്ട് അപ്പ് പാർക്കുകൾ വേണം, ഓരോ കോളേജിലും കുട്ടികൾക്ക് ജോലി ചെയ്യാനും ജോലി ചെയ്യുന്നവർക്ക് പഠിക്കാനുമുള്ള അവസരമുണ്ടാകണം.
കോളേജുകൾ തൊഴിലിടങ്ങൾ ആകുന്നത് പോലെ തൊഴിലിടങ്ങൾ ലേർണിങ് സെന്ററുകൾ ആകണം. ഇൻഫോ പാർക്കിലും ടെക്നോപാർക്കിലും വലിയ വ്യവസായ സ്ഥാപനങ്ങളിലും ബാങ്കുകളിലും ഒക്കെ ഇത്തരം ലേർണിങ് സെന്ററുകൾ ഉണ്ടാകണം. അവയിൽ ഇപ്പോഴുള്ള ട്രെയിനിങ്ങ് സെന്ററുകൾ അല്പം ഒന്ന് പാകപ്പെടുത്തിയാൽ മതി.
നമ്മുടെ യൂണിവേഴ്സിറ്റികൾ ഒക്കെ കൂടി കൂട്ടിയിണക്കി നമുക്ക് ഒറ്റ യൂണിവേഴ്സിറ്റി മതി. അതിന് പരമാവധി സ്വയം ഭരണം നൽകണം. സാധിക്കുന്നത്ര വിഭവങ്ങളും.
എന്നാൽ തന്നെ അതിന് തന്നെ വലിയ ഭാവിയൊന്നും കൊടുക്കേണ്ട, കൂടിയാൽ ഇരുപത് വർഷം. അതിനകം ആഗോളഭീമന്മാരായ സ്ഥാപനങ്ങൾ വരും, അവർ ഇപ്പോഴത്തെ യൂണിവേഴ്സിറ്റികളെ മൊത്തമായി വിഴുങ്ങും.
നമ്മുടെ യൂണിവേഴ്സിറ്റികളിൽ നല്ല ഗവേഷണങ്ങളോ സൂപ്പർ ആയിട്ടുള്ള അദ്ധ്യാപകരോ ഒക്കെയുണ്ടെങ്കിൽ അതിനൊക്കെ ഡിമാൻഡ് ഉണ്ടാകും. ഇല്ലെങ്കിൽ റിയൽ എസ്റ്റേറ്റ് ആകും യൂണിവേഴ്സിറ്റിയുടെ പ്രധാന മൂല്യം.
ഓൺലൈൻ ആയി പഠിക്കുന്പോൾ ലാബ് ഉള്ള വിഷയങ്ങൾ, പ്രാക്ടിക്കൽ ആയിട്ടുള്ള വിഷയങ്ങൾ ഒക്കെ പഠിപ്പിക്കാൻ സാധിക്കുമോ എന്നുള്ള ചോദ്യം (തപാലിൽ നീന്തൽ പഠിക്കാൻ പറ്റുമോ എന്ന പഴയ ചോദ്യം) ഏറെ ആളുകൾ എന്നോട് ചോദിക്കാറുണ്ട്. ന്യായമായി തോന്നാം.
ഓൺലൈൻ ആയി കണക്കു പഠിപ്പിക്കുന്നതിലും വലിയ മാറ്റങ്ങൾ ആണ് ഓൺലൈൻ ആയി കെമിസ്ട്രി പഠിപ്പിക്കുന്ന ലോകത്ത് ഉണ്ടായിക്കൊണ്ടിരിക്കുന്നത്. 'സപ്പോസ് ദിസ് എസ് എ ടെസ്റ്റ് ട്യൂബ്' എന്ന തരത്തിൽ വളരെ പരിമിതമായ ലാബ് സൗകര്യങ്ങളോടെയാണ് ലോകത്തെ അനവധി സ്ഥലങ്ങളിൽ ഇന്നും കെമിസ്ട്രിയുടെ ബാല പാഠങ്ങൾ പഠിപ്പിക്കുന്നത്.
അത് മാറുകയാണ്.
ലോകത്തെവിടെ നിന്നും ലോഗിൻ ചെയ്ത് പരീക്ഷണങ്ങൾ സിമുലേറ്റ് ചെയ്യാവുന്ന ലബോറട്ടറികൾ ലോകത്ത് ഒരുങ്ങുകയാണ്. സപ്പോസ് ടെസ്റ്റ് ട്യൂബ് കാരും ശരിയായ ടെസ്റ്റ് ട്യൂബ് കാരും ഓൺലൈൻ സിമുലേറ്റഡ് ടെസ്റ്റ് ട്യൂബ് കാരും തമ്മിലുള്ള മാറ്റം ഇല്ലാതാവുകയാണ്.
ഇതൊന്നും അതി വിദൂര കാലമല്ല. നമ്മുടെ തൊട്ടു മുന്നിൽ ഉണ്ട്, നമുക്ക് ചുറ്റുമുണ്ട്.
ആ കാലം നമ്മുടെ കുട്ടികൾ കാണുന്നുണ്ട്. അദ്ധ്യാപകരും, സർവ്വകലാശാലകളും അതിന് മുകളിലുള്ളവരും കാണുന്നുണ്ടോ?
കണ്ടാൽ നല്ലത്. ഇല്ലെങ്കിൽ വിദ്യാഭ്യാസം നമ്മുടെ സംവിധാനത്തെ ബൈ പാസ് ചെയ്യും.
അതോടെ നമ്മുടെ യുണിവേഴ്സിറ്റികളും കോളേജുകളുമെല്ലാം നോക്കുകുത്തികളായി മാറും.
അതൊഴിവാക്കണമെങ്കിൽ നമുക്ക് ഇന്നുള്ള സൗകര്യങ്ങളും സാഹചര്യങ്ങളും മാറുന്ന നിയമത്തിനും സാങ്കേതികവിദ്യക്കും സാഹചര്യത്തിനുമനുസരിച്ച് മാറുന്ന ലോകത്തിന് വേണ്ടി എങ്ങനെ ക്രമീകരിക്കും എന്നതിനാണ് നമ്മുടെ മന്ത്രിമാരും ഉന്നത വിദ്യാഭ്യാസ കമ്മീഷനുമൊക്കെ സമയം ചെലവഴിക്കേണ്ടത്.
അതാണ് ഞാൻ സ്വപ്നം കാണുന്ന കിനാശ്ശേരി.
മുരളി തുമ്മാരുകുടി
Stories you may Like
- മുരളീ തുമ്മാരുകുടി മുൻകൂട്ടി കണ്ടത് താനൂരിൽ സംഭവിക്കുമ്പോൾ
- പൊന്നാനിയിലെ ലൈസൻസില്ലാത്ത യാർഡിൽ മീൻപിടിത്ത ബോട്ട് രൂപ മാറ്റം നടത്തി
- മുരളി തുമ്മാരുകുടിയുടെ പരാതി, കെഎസ്ഇബി സ്ഥാപിച്ച സ്റ്റേ വയർ നീക്കി
- സെക്രട്ടറിയേറ്റിൽ തീപിടുത്തം ഉണ്ടാകുന്നതും മുരളി തുമ്മാരുകുടി പ്രവചിച്ചിരുന്നോ
- മുരളി തുമ്മാരുകുടി ചർച്ചയാക്കിയത് എംജി യൂണിവേഴ്സിറ്റിയിലെ ട്രാൻസ്ക്രിപ്റ്റ് ദുരന്തകഥ
- TODAY
- LAST WEEK
- LAST MONTH
- 26ാം വയസ്സിൽ സൂപ്പർസ്റ്റാറായ മോഹൻലാൽ; 21-ാം വയസ്സിൽ ഹിറ്റുണ്ടാക്കിയ കുഞ്ചാക്കോ ബോബൻ; 24-ാം വയസ്സിൽ സ്റ്റേറ്റ് അവാർഡ് വാങ്ങിയ പൃഥിരാജ്; ഈ നിരയിലേക്ക് 23-ാം വയസ്സിൽ 100 കോടി ക്ലബിലെത്തിയ സിനിമയുടെ നായകനും; നസ്ലൻ എന്ന ന്യൂജെൻ സൂപ്പർസ്റ്റാറിന്റെ ജീവിത കഥ
- തെറിക്കുത്തരം മുറിപ്പത്തൽ എന്നതാണ് സിപിഎം ആഗ്രഹിക്കുന്നതെങ്കിൽ എന്റെ ഭാഷാശൈലി അതല്ലെന്ന് ഡീൻ കുര്യാക്കോസ്; എംഎം മണിയുടേത് സമാനതകളില്ലാത്ത വ്യക്തി അധിക്ഷേപം; തിരഞ്ഞെടുപ്പ് കമ്മീഷന് കോൺഗ്രസ് പരാതി നൽകിയേക്കും; 'ഷണ്ഡനും പെണ്ണുപിടിയനും' സിപിഎമ്മിന് തലവേദനയാകും; മണിയാശാൻ ചർച്ചകളിൽ
- ഒഎൽഎക്സിൽ വിൽപ്പനയ്ക്ക് വച്ച കാർ ടെസ്റ്റ് ഡ്രൈവിന് വാങ്ങിയത് ഗൂഢാലോചന; മുൻഭാര്യയോടും ഭർത്താവിനോടുമുള്ള വിരോധം തീർക്കാൻ എല്ലാം ആസൂത്രണം ചെയ്തത് ചീരാലിലെ മുഹമ്മദ് ബാദുഷാ; മോൻസിയിലേക്ക് അന്വേഷണം എത്തിയത് നിർണ്ണായകമായി; ബത്തേരിയിലേത് സമാതകളില്ലാത്ത പക; പൊലീസിന് കൈയടിക്കാം
- സഹകരിച്ചില്ലെങ്കിൽ മാർക്ക് കുറയ്ക്കും; വെവയ്ക്കിടെ മെഡിക്കൽ വിദ്യാർത്ഥിനിയെ അദ്ധ്യാപകൻ ലൈംഗികമായി പീഡിപ്പിച്ചതായി പരാതി
- ബിജെപിക്ക് ബോണ്ട് സ്വീകരിക്കാൻ ചട്ടം മറി കടന്ന് കേന്ദ്ര സർക്കാർ അനുമതി നൽകിയെന്ന് റിപ്പോർട്ട്; ബംഗ്ലൂരുവിൽ നിന്നും 10 കോടിയുടെ ബോണ്ടാണ് ചട്ടം ഇളവ് ചെയ്ത് ഇത്തരത്തിൽ ബിജെപി സ്വീകരിച്ചത് എന്ന് ആരോപണം; പിഎം കെയറിലും മോദിയെ കുടുക്കാൻ കോൺഗ്രസ്; ആര് ആർക്ക് പണം നൽകിയെന്നത് നിർണ്ണായകമാകും; ആളിക്കത്തി ബോണ്ട് വിവാദം
- ലണ്ടനിലേക്കുള്ള കുടിയേറ്റം വർദ്ധിച്ച് കരകവിഞ്ഞ് പൊട്ടാറായ അവസ്ഥയിലെന്ന് ഏറ്റവും പുതിയ റിപ്പോർട്ട്; ലണ്ടനിലെ പ്രധാന സിറ്റി പ്രദേശങ്ങളിൽ താമസിക്കുന്നവർ ഒരു കോടിയിലേറെ, ഉയർന്ന ജീവിത ചെലവും വീടു വാടകയും ലണ്ടനിലെ ജീവിതം കൂടുതൽ ദുസ്സഹമാക്കുമ്പോൾ
- കിരണും ലക്ഷ്മിയും വിവാഹിതരായത് വീട്ടുകാരുടെ എതിർപ്പ് മറികടന്ന്; ലക്ഷ്മിയുടെ ബിരുദ പഠനത്തെ ഭർത്താവും വീട്ടുകാരും എതിർത്തു; ലക്ഷ്മിയുടെ മരണം പഠനം മുടങ്ങിയതിലുള്ള നിരാശ മൂലമാകാമെന്ന് പൊലീസ്
- പെൺഗൂഡാലോചകക്കാർ ഇപ്പോൾ പുറത്ത് വിലസുന്നു; സാക്ഷികളെ സ്വാധീനിക്കാൻ കോളേജിൽ ഇടത് അദ്ധ്യാപക പ്രമുഖരും; 20 പേരെ അറസ്റ്റ് ചെയ്ത പൊലീസ് ഇപ്പോൾ ചർച്ചയാക്കുന്നത് ആ കള്ള ആത്മഹത്യാ വാദം; സിദ്ധാർത്ഥന്റെ കൊലയാളികൾ രക്ഷപ്പെടുമോ?
- സുഹൃത്തിനെ കാണാനെത്തിയ മലയാളി യുവാവിനെ കാത്തിരുന്നത് ആകസ്മിക മരണം; വെയിൽസിലെ ബ്രഹ്മോവരിൽ മരിച്ചത് പാലക്കാട് സ്വദേശി രാജേഷ്; രണ്ടു പതിറ്റാണ്ടായി യുകെ മലയാളിയായ രാജേഷ് മരണത്തിനു കീഴടങ്ങുമ്പോൾ നിസ്സഹായതയോടെ കുടുംബം
- വിദേശ നഴ്സുമാരെ അമിതമായി വേണ്ടെന്നു ബ്രിട്ടന്റെ നയവിദഗ്ധയായ നഴ്സിങ് ഓഫീസർ; മലയാളി നഴ്സുമാർക്ക് മുൻപിൽ വാതിൽ അടയുമോ? സർക്കാരിന് വേണ്ടി റൂത് മേ പറയുന്നത് റിക്രൂട്ടിങ് കുറയ്ക്കണം എന്നു തന്നെ; യുകെയിൽ കെയറർമാർക്ക് പിന്നാലെ മലയാളി നഴ്സുമാരുടെയും വഴിയടയുന്ന സാഹചര്യം
- 26ാം വയസ്സിൽ സൂപ്പർസ്റ്റാറായ മോഹൻലാൽ; 21-ാം വയസ്സിൽ ഹിറ്റുണ്ടാക്കിയ കുഞ്ചാക്കോ ബോബൻ; 24-ാം വയസ്സിൽ സ്റ്റേറ്റ് അവാർഡ് വാങ്ങിയ പൃഥിരാജ്; ഈ നിരയിലേക്ക് 23-ാം വയസ്സിൽ 100 കോടി ക്ലബിലെത്തിയ സിനിമയുടെ നായകനും; നസ്ലൻ എന്ന ന്യൂജെൻ സൂപ്പർസ്റ്റാറിന്റെ ജീവിത കഥ
- കുടിച്ചു കൂത്താടുന്നവനല്ല, സമ്പൂർണ്ണ മദ്യവിരോധിയും സസ്യഭുക്കും! ലോകത്തിലെ ആറാമത്തെ സമ്പന്നനിൽ നിന്ന് പാപ്പരിലേക്ക്; മുകേഷിന്റെ മകന്റെ വിവാഹത്തിനെത്തിയത് ലിനൻ ഷർട്ട് ധരിച്ച് സാധാരണക്കാരനെപ്പോലെ; ഇപ്പോഴും 5000 കോടിയുടെ ആസ്തി; അനിൽ അംബാനിയുടെ വിചിത്ര ജീവിതം
- 8,200 കോടി വിറ്റുവരവുള്ള ചേരി! പത്തുലക്ഷത്തോളം താമസക്കാർ; ഹാജിമസ്താനും, ദാവൂദടക്കമുള്ള ഡോണുകൾ വളർന്ന മണ്ണ്; കാമാട്ടിപുരയിലെ വേശ്യാലയങ്ങളും മാറുന്നു; അദാനിക്ക് വേണ്ടത് 17 വർഷം; ലോകത്തിലെ ഏറ്റവും വലിയ ചേരി നിർമ്മാർജന പദ്ധതിക്ക് ധാരാവിയിൽ തുടക്കമാവുമ്പോൾ
- സിനിമയിലെ സെക്സ് രംഗത്തിന്റെ പൂർണതയ്ക്ക് വേണ്ടി സഹതാരവുമായി കിടക്കപങ്കിടാൻ ഇവാൻസ് നിർബന്ധിച്ചു; ആരോപണവുായി ഷാരോൺ സ്റ്റോൺ
- 'നിനക്ക് ഇത്ര തടിയില്ലേടാ, പോയി കിളച്ചു തിന്നുകൂടേയെന്ന്' ചോദിച്ചത് അഞ്ജു കൃഷ്ണയെന്ന് ആരോപണം; ക്രിക്കറ്റ് ബാറ്റും ഹോക്കി സ്റ്റിക്കും കൊണ്ട് തല്ലിയത് എസ് എഫ് ഐ ജില്ലാ നേതാവെന്നും ആക്ഷേപം; അക്ഷയ്ക്കെതിരേയും മൊഴി; സ്വർണ്ണ മാലയും പേഴ്സും മോഷ്ടിച്ചതും സഖാക്കൾ! എസ് എഫ് ഐ പ്രതിരോധത്തിലേക്ക്
- സിപിഎം നടത്തിയത് കോടികളുടെ കള്ളപ്പണ ഇടപാടോ? ഇഡിയുടെയും ഇൻകംടാക്സിന്റെയും അന്വേഷണം സിപിഎം ദേശീയ നേതൃത്വത്തിലേക്ക്; യെച്ചൂരിയെ ഇൻകം ടാക്സ് ചോദ്യം ചെയ്യും; നൂറ് കണക്കിന് അക്കൗണ്ടുകൾ കേന്ദ്രീകരിച്ച് അന്വേഷണം
- എസ് എഫ് ഐ രാഷ്ട്രീയത്തെ നെഞ്ചുവിരിച്ച് എതിർത്ത കെ എസ് യുക്കാരൻ; മസിലുപിടിത്തമില്ലാത്ത കൗൺസിലറെ തോൽപ്പിക്കാൻ കഴിയാത്തതിനാൽ പുനഃസംഘടനയിലൂടെ വാർഡ് ഇല്ലാതാക്കിയ എതിരാളി രാഷ്ട്രീയം; കരുണാകരന്റെ വൽസല ശിഷ്യൻ; ഇനി തമ്പാനൂർ സതീഷ് ബിജെപിക്കാരൻ
- ഒസിഐ കാർഡ് ഉണ്ടെങ്കിൽ എന്തും ചെയ്യാമെന്ന ധാരണയിൽ ഇനി ഇന്ത്യയിൽ എത്തണ്ട; അവർ ഇനി വിദേശ പൗരന്മാർ തന്നെ; കേന്ദ്രം കടുപ്പിക്കുകയാണ്; കർക്കശ നിലപാടിലേക്ക് ഇന്ത്യൻ സർക്കാർ; തിരഞ്ഞെടുപ്പ് കാലത്തു നാട്ടിലെത്തുന്ന മലയാളി ഒസിഐ കാർഡ് ഉടമകൾ ശ്രദ്ധിക്കണം
- ഡ്രൈവിങ് സ്കൂളുകളുടെ വക്കാലത്തുമായി എളമരം എത്തി; ഇനി എല്ലാം തിരഞ്ഞെടുപ്പ് കഴിഞ്ഞ ശേഷം ഡ്രൈവിങ് സ്കൂൾ ഉടമകളുടെ മനസ്സ് അറിഞ്ഞ് മാത്രം തീരുമാനം; മന്ത്രി ഗണേശ്കുമാർ കൊണ്ടുവന്ന ഡ്രൈവിങ് ടെസ്റ്റ് പരിഷ്കാരങ്ങൾ നടക്കില്ല; അഴിമതി കുറയ്ക്കാനുള്ള പദ്ധതിക്ക് 'ചെക്ക്' പറഞ്ഞ് മുഖ്യമന്ത്രി; ഗണേശന്റെ നീക്കം നിർണ്ണായകം
- ബൈക്കിൽ ലിഫ്റ്റ് കൊടുത്തു; ആളൊഴിഞ്ഞ സ്ഥലത്ത് എത്തിയപ്പോൾ തോട്ടിൽ തള്ളിയിട്ട് തല ചവിട്ടി താഴ്ത്തിയ ശേഷം കവർച്ച; സിസിടിവിയിൽ പതിഞ്ഞത് നിർണ്ണായകമായി; പേരാമ്പ്രയിലെ അനുവിനെ കൊന്നത് സ്ഥിരം മോഷ്ടാവ്; ബലാത്സംഗക്കേസിലും പ്രതി; കൊണ്ടോട്ടിക്കാരൻ എത്തിയത് മോഷണ ബൈക്കിൽ; പ്രതിയെ പിടിച്ച് പൊലീസ്
- ''മഹാരാജാസ് ഗ്രൗണ്ടിൽനിന്ന് സെക്സ് വർക്കേഴ്സിനെ കിട്ടിയാൽ ഹോസ്റ്റലിൽ എത്തിച്ച് ചോദ്യം ചെയ്യലാണ്; പുലരും വരെ ഓടിച്ചിട്ട് ഇടിയാണ്; നിലവിളി കേട്ട് രാത്രി മുഴുവൻ ഇരുന്ന് കരഞ്ഞിട്ടുണ്ട്''; എസ് എഫ് ഐയുടെ ക്രൂരമായ സദാചാര സംരക്ഷണം വെളിപ്പെടുത്തി സംവിധായകൻ പ്രതാപ് ജോസഫ്
- 'ത്രിവർണ്ണപതാക പൈശാചികം; അല്ലാഹുവിന്റെയടുത്ത് അതിന് ഒരു വിലയുമില്ല''; ഫ്രഞ്ച് പതാകയെ നിന്ദിച്ച മുസ്ലിം പണ്ഡിതൻ ഇമാം മജൂബിയെ നാടുകടത്തി; പുറത്താക്കപ്പെട്ടത് ടൂണീഷ്യയിൽ നിന്ന് വന്ന് 38 വർഷമായി ഫ്രാൻസിൽ താമസിക്കുന്നയാൾ; ഭീകരതയോട് സന്ധിയില്ലാതെ മാക്രോൺ സർക്കാർ
- തിരുവല്ല കെ എസ് ആർ ടി സി സ്റ്റാന്റിലെത്തിയ പെൺകുട്ടി അവിടെ നിന്നും യൂണിഫോം മാറ്റി കളർ ഡ്രസ് ധരിച്ച് രണ്ട് യുവാക്കൾക്കൊപ്പം ബസിൽ യാത്ര; സിസിടിവി ദൃശ്യങ്ങൾ നിർണ്ണായകമായി; പെൺകുട്ടിയെ തിരുവല്ല പൊലീസ് സ്റ്റേഷനിൽ കൊണ്ടാക്കി യുവാവ് മുങ്ങി; ഒരാൾ പിടിയിൽ; തിരുവല്ലയിലെ പെ്ൺകുട്ടിയെ തിരിച്ചു കിട്ടുമ്പോൾ
- 26ാം വയസ്സിൽ സൂപ്പർസ്റ്റാറായ മോഹൻലാൽ; 21-ാം വയസ്സിൽ ഹിറ്റുണ്ടാക്കിയ കുഞ്ചാക്കോ ബോബൻ; 24-ാം വയസ്സിൽ സ്റ്റേറ്റ് അവാർഡ് വാങ്ങിയ പൃഥിരാജ്; ഈ നിരയിലേക്ക് 23-ാം വയസ്സിൽ 100 കോടി ക്ലബിലെത്തിയ സിനിമയുടെ നായകനും; നസ്ലൻ എന്ന ന്യൂജെൻ സൂപ്പർസ്റ്റാറിന്റെ ജീവിത കഥ
- വാതിലടച്ച് എസ് എഫ് ഐയുടെ വനിതാ പ്രസിഡന്റിനെ ആട്ടിയിറക്കിയ അമ്മ! ഒരക്ഷരം പോലും മിണ്ടാത്ത പ്രതിഷേധം; എല്ലാം എണ്ണി എണ്ണി പറഞ്ഞുള്ള അച്ഛന്റെ ചോദ്യങ്ങൾക്ക് മുന്നിൽ പതറിയ കുട്ടി സഖാക്കൾ; അനുശ്രീയ്ക്ക് നേരിടേണ്ടി വന്നത് കടുത്ത പ്രതിഷേധം; ഇനി എസ് എഫ് ഐ നേതാക്കൾ സിദ്ധാർത്ഥിന്റെ വീട്ടിൽ പോകില്ല
- നഗ്നപൂജയും പീഡനക്കേസും ജയിൽ ശിക്ഷയും വിവാദത്തിലാക്കിയ കട്ടപ്പനക്കാരൻ; പത്താംക്ലാസ് പഠന ശേഷം വീടു വിട്ടിറങ്ങി അലഞ്ഞു തിരിഞ്ഞ് സന്യാസിയായി; സ്വയം പ്രഖ്യാപിത ആൾദൈവത്തെ തകർത്തത് ശിഷ്യകളുടെ പരാതി; വിവാദ നായകൻ സന്തോഷ് മാധവൻ അന്തരിച്ചു
- ഹോസ്റ്റലിലെ 130 വിദ്യാർത്ഥികളുടെ മുന്നിൽ നഗ്നനാക്കി നിർത്തി; രണ്ട് ബെൽറ്റുകൾ മുറിയുന്നതു വരെ ക്രൂരമായ മർദ്ദനം; ഇരുമ്പുകമ്പിയും വയറുകളും ഉപയോഗിച്ചും മർദ്ദനം; കൊടും ക്രൂരതയ്ക്ക് സാക്ഷിയാകേണ്ടി വന്നവരോട് പറഞ്ഞത് 'പുറത്തുപറഞ്ഞാൽ തല കാണില്ല' എന്ന്; സിദ്ധാർഥന്റേത് ആൾകൂട്ട വിചാരണ നടത്തിയുള്ള 'കൊലപാതകം'
- 35 കോടിയോളം മുടക്കിയെടുത്ത ദിലീപ് ചിത്രം; ബാന്ദ്ര ഇറങ്ങിയ പാടേ നെഗറ്റീവ് റിവ്യു നൽകിയതോടെ ചിത്രം പരാജയപ്പെട്ടെന്ന് ആരോപണം; മോശം റിവ്യുവിന് അശ്വന്ത് കോക്കും ഉണ്ണി വ്ലോഗ്സും അടക്കം 7 വ്ലോഗർമാർക്കെതിരെ അന്വേഷണത്തിന് ഉത്തരവ്
- അൽ മുക്താദിർ ജൂവലറി ഗ്രൂപ്പിന്റെ വിവിധ ഷോറുമുകളിൽ ആദായ നികുതി വകുപ്പിന്റെ റെയ്ഡ്; തിരുവനന്തപുരത്തെയും കൊച്ചിയിലെയും അടക്കം എട്ടുഷോറൂമുകളിൽ പരിശോധന; ഐടി റെയ്ഡ് ഡിസംബറിൽ നടന്ന ബ്യൂറോ ഓഫ് ഇന്ത്യൻ സ്റ്റാൻഡേർഡ് അധികൃതരുടെ പരിശോധനയ്ക്ക് പിന്നാലെ
- കുടിച്ചു കൂത്താടുന്നവനല്ല, സമ്പൂർണ്ണ മദ്യവിരോധിയും സസ്യഭുക്കും! ലോകത്തിലെ ആറാമത്തെ സമ്പന്നനിൽ നിന്ന് പാപ്പരിലേക്ക്; മുകേഷിന്റെ മകന്റെ വിവാഹത്തിനെത്തിയത് ലിനൻ ഷർട്ട് ധരിച്ച് സാധാരണക്കാരനെപ്പോലെ; ഇപ്പോഴും 5000 കോടിയുടെ ആസ്തി; അനിൽ അംബാനിയുടെ വിചിത്ര ജീവിതം
Readers Comments+
മലയാളത്തിൽ ടൈപ്പ് ചെയ്യാൻ ഇവിടെ ക്ലിക്ക് ചെയ്യുകകമന്റ് ബോക്സില് വരുന്ന അഭിപ്രായങ്ങള് മറുനാടന് മലയാളിയുടേത് അല്ല. മാന്യമായ ഭാഷയില് വിയോജിക്കാനും തെറ്റുകള് ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്വ്വം അധിക്ഷേപിക്കാന് ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്ലൈന് ലിങ്കുകള് പോസ്റ്റ് ചെയ്യുന്നവരെയും മതവൈരം തീര്ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്