Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ദാമ്പത്യത്തിൽ വില്ലനായി ട്രാഫിക് പിഴയും; ദുബായിൽ ട്രാഫിക് പിഴയെ ചൊല്ലിയുള്ള തർക്കവും വിവാഹ മോചനത്തിലേക്ക്

ദാമ്പത്യത്തിൽ വില്ലനായി ട്രാഫിക് പിഴയും; ദുബായിൽ ട്രാഫിക് പിഴയെ ചൊല്ലിയുള്ള തർക്കവും വിവാഹ മോചനത്തിലേക്ക്

സ്വന്തം ലേഖകൻ

ദുബായ്: ദുബായിൽ ട്രാഫിക് പിഴയെ ചൊല്ലിയുള്ള തർക്കം പോലും വിവാഹമോചന കേസുകളിലേക്കു നയിക്കുന്നു. ജോലിയോ വരുമാനമോ ഇല്ലാത്ത ഭാര്യമാർക്കു കിട്ടുന്ന പിഴ ഭർത്താവ് അടയ്ക്കണമെന്നാവശ്യപ്പെടുന്ന കേസുകളും കുറവല്ല. വിവാഹമോചിതർ ജീവനാംശമടക്കമുള്ള അവകാശങ്ങൾക്കു നൽകിയ പരാതികളിൽ, ട്രാഫിക് പിഴ അടയ്ക്കണമെന്ന ആവശ്യവും ഉള്ളതായി നിയമ വിദഗ്ധൻ ഡോ. യൂസുഫ് അശ്ശരീഫ് പറഞ്ഞു.

ഭാര്യയുടെ ട്രാഫിക് പിഴയടയ്ക്കാൻ ഭർത്താവിന് വ്യക്തിപരമായി നിയമബാധ്യതയില്ലെങ്കിലും തർക്കങ്ങളിൽ ഇതും വിഷയമാകുന്നു. വിവാഹ മോചിതരാകുന്നതോടെ കേസുകൾ മറ്റൊരു വിധത്തിൽ കോടതിയിലെത്തുന്നു. വിവാഹമോചിതരായ ശേഷം ഭാര്യയ്ക്കു നൽകേണ്ട ജീവിതച്ചെലവിന്റെ പരിധിയിൽ ട്രാഫിക് പിഴ ഉൾപ്പെടുന്നില്ല.

അതത് വ്യക്തികൾക്കാണ് ട്രാഫിക് പിഴയുടെ ഉത്തരവാദിത്തം. വാഹനയുടമയ്ക്ക് ഇക്കാര്യം ഗതാഗതവകുപ്പിൽ ബോധിപ്പിക്കാം. വേർപിരിയും മുൻപുള്ള തന്റെ ട്രാഫിക് പിഴയുടെ ബാധ്യത ഭർത്താവിനാണെന്ന് ചൂണ്ടിക്കാട്ടി നൽകിയ കേസിൽ കോടതിവിധി പരാതിക്കാരിക്കെതിരാണെന്നും ഡോ. യൂസുഫ് വ്യക്തമാക്കി.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP