Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ഏറ്റവും മികച്ച ഹെൽത്ത് കെയർ വർക്കർ അവാർഡ് ഷിജി അലക്‌സിന്

ഏറ്റവും മികച്ച ഹെൽത്ത് കെയർ വർക്കർ അവാർഡ് ഷിജി അലക്‌സിന്

അനിൽ മറ്റത്തികുന്നേൽ

ഷിക്കാഗോ: ഇന്ത്യാ പ്രസ്സ് ക്ലബ് ഓഫ് നോർത്ത് അമേരിക്കയുടെ ഷിക്കാഗോയിൽ വച്ച് നടത്തപ്പെടുന്ന മീഡിയ കോൺഫ്രൻസിന്റെ ഭാഗമായി സമ്മാനിക്കുന്ന ഏറ്റവും മികച്ച ഹെൽത്ത് കെയർ വർക്കർ അവാർഡ് ഷിജി അലക്‌സിന് ഈ കോൺഫെറെൻസിൽ വച്ച് നൽകി ആദരിക്കുന്നു. ഷിക്കാഗോ സമൂഹത്തിൽ സുപരിചിതയും , ഇന്ത്യൻ നേഴ്സസ് അസോസിയേഷൻ ഓഫ് ഇല്ലിനോയിയുടെ പ്രസിഡന്റും എഴുത്തുകാരിയും പ്രെസൻസ് ഹെൽത്ത് സിസ്റ്റത്തിൽ വൈസ് പ്രസിഡന്റ് ഓഫ് ഓപറേഷൻസ് ആയി ഷിജി അലക്‌സ് സേവനം ചെയ്യുന്നു.

കോവിഡ് കാലത്ത് മലയാളി സമൂഹത്തിന് വ്യക്തിപരമായി നൽകിയ സേവനങ്ങളും, താൻ പ്രസിഡണ്ട് എന്ന നിലയിൽ പ്രതിനിധാനം ചെയ്യുന്ന ഷിക്കാഗോയിലെ നേഴ്‌സിങ്ങ് സമൂഹത്തിന്റെ പ്രതിനിധി എന്ന നിലയിലുമാണ് ഇദംപ്രഥമമായി ഏർപ്പെടുത്തിയിരിക്കുന്ന ഈ അവാർഡിന് ഷിജി അലക്‌സിനെ തെരെഞ്ഞെടുത്തിട്ടുള്ളത് എന്ന് IPCNA പ്രതിനിധീകരിച്ച് പ്രസിഡണ്ട് ബിജു കിഴക്കേക്കുറ്റ് അറിയിച്ചു. അടുത്തവാരത്തിൽ (നവംബർ 11 മുതൽ 14 വരെ) റിനയസൻസ് ഷിക്കാഗോ ഗ്ലെൻവ്യൂ സ്യൂട്ട്‌സ് കൺവെൻഷൻ സെന്ററിൽ വച്ച് നടത്തപെടുന്ന മീഡിയ കോൺഫ്രൻസ് വേദിയിൽ വച്ച് അവാർഡ് സമ്മാനിക്കും.

കേരള സർക്കാർ നേഴ്‌സിങ്ങ് കോളേജിൽ നിന്നും ബിരുദം കരസ്ഥമാക്കി , 2006 ലാണ് ഷിജി അലക്‌സ് അമേരിക്കയിലേക്ക് കുടിയേറിയത്. തുടർന്ന് ഷിക്കാഗോയിലെ വിവിധ ആശുപത്രികളിൽ സേവനം ചെയ്യുന്നതിനോടൊപ്പം നേഴ്സിങ് ലീഡർഷിപ്പിലും ബിസിനസ് അഡ്‌മിനിസ്ട്രഷനിലും ബിരുദാനന്തര ബിരുദം കരസ്ഥമാക്കുകയും ഒരു പ്രൊഫഷണൽ നേഴ്‌സ് എന്ന നിലയിൽ നേഴ്സിംഗിന്റെ ഉയരങ്ങൾ കീഴടക്കുകയും ചെയ്യുകയായിരുന്നു.

അമീതാ ഹെൽത്തിൽ ഡിറക്ടർ എന്ന സ്ഥാനം അലങ്കരിക്കുന്ന സമയത്താണ് കോവിഡ് തരംഗം ആഞ്ഞടിക്കുന്നതും ആശുപത്രികളും പൊതു സമൂഹവും അതിജീവനത്തിനായുള്ള പോരാട്ടത്തിലേക്ക് കടക്കുന്നതും. താൻ സേവനം ചെയ്യുന്ന ആശുപത്രിയെ കൊവിഡിനെ പ്രതിയോധിക്കുവാനും ചികല്‌സിക്കുവാനും വേണ്ടി സജ്ജമാക്കുക എന്ന കർത്തവ്യത്തിനോടൊപ്പം ഷിക്കാഗോയിലെ വിവിധ മലയാളി സംഘടനകൾക്കും സന്നദ്ധ പ്രവർത്തകരുടെ കൂട്ടായ്മകൾക്കും മാർഗ്ഗനിർദ്ദേശം നൽകുകയും അവരിലൂടെ നിരവധിപേർക്ക് ചികിത്സാ സഹായങ്ങൾ ഏകോപിപ്പിക്കുവാനും ഷിജി അലക്‌സ് നേതൃത്വം നൽകി. കോവിഡ് ബാധിതയായിരിക്കുന്ന സമയത്തുപോലും സഹായം വേണ്ടവർക്ക് സഹായങ്ങളും സ്വന്തം അനുഭവങ്ങൾ പങ്കുവെച്ചുകൊണ്ടും വിദഗ്ധരുടെ നിർദേശങ്ങൾക്കനുസരിച്ചും മാർഗ്ഗ നിർദേശങ്ങളും നൽകുകയും ചെയ്തു.

INAI യുടെ പ്രസിഡണ്ട് , അമേരിക്കയിലെ എഴുത്തുകാരുടെ കൂട്ടായമയായ LANA യുടെ സജീവാംഗം, സാംസ്‌കാരിക സംഘടന ആയ അലയുടെട പ്രസിഡന്റ് , മലയാളി സമൂഹത്തിലെ അറിയപ്പെടുന്ന മോട്ടിവേഷണൽ സ്പീക്കർ തുടങ്ങി നിരവധി വിശേഷണങ്ങൾക്കർഹയാണ് ഷിജി അലക്‌സ്. അമേരിക്കയിലെ ഹെൽത്ത് കെയർ ഓപ്പറേഷൻസ് മേഖലയിലെ മുഖ്യാധാരാ നേതൃത്വത്തിലേക്ക് കടന്നുവരുകയും നേതൃത്വ പാടവം തെളിയിക്കുകയും ചെയ്ത ചുരുക്കം മലയാളി വനിതകളിൽ ഒരാളാണ് ഷിജി അലക്‌സ്. കോവിഡ് ദുരിതാശ്വസസഹായമായി കേരളത്തിലേക്ക് ഒന്നരകോടി രൂപയുടെ ജീവൻ രക്ഷ ഉപകരണങ്ങൾ അയച്ചത് ഷിജിയുടെ നേതൃത്വത്തിൽ ആയിരുന്നു. ഇപ്പോൾ സൈക്കോളജി ആൻഡ് കൗൺസിലിംഗിൽ ഡോക്ടറേറ്റ് ചെയ്യുന്നു. ഹെൽത്ത് കെയർ വർക്കർ ആയി ജോലി ചെയ്യുന്ന അലക്‌സ് തോമസ്, മക്കൾ ആഷ്‌ന അലക്‌സ് , ക്രിസ്റ്റ അലക്‌സ് എന്നിവരോടൊപ്പം, ഷിക്കാഗോയ്ക്കടുത്ത് ഡെസ് പ്ലൈൻസിൽ താമസിക്കുന്നു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP