Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

വാക്സിൻ ആവശ്യത്തിലധികം;11 കോടി ആളുകൾ രണ്ടാം ഡോസ് സ്വീകരിക്കുന്നില്ല;ആശങ്ക രേഖപ്പെടുത്തി കേന്ദ്രം ആരോഗ്യമന്ത്രിമാരുടെ യോഗം വിളിച്ചു

വാക്സിൻ ആവശ്യത്തിലധികം;11 കോടി ആളുകൾ രണ്ടാം ഡോസ് സ്വീകരിക്കുന്നില്ല;ആശങ്ക രേഖപ്പെടുത്തി കേന്ദ്രം ആരോഗ്യമന്ത്രിമാരുടെ യോഗം വിളിച്ചു

മറുനാടൻ മലയാളി ബ്യൂറോ

ന്യൂഡൽഹി: രാജ്യത്ത് കോവിഡ് വാക്സിനേഷൻ നൂറ് കോടി എന്ന നാഴികക്കല്ല് പിന്നിട്ടതിന് പിന്നാലെ സംസ്ഥാന ആരോഗ്യമന്ത്രിമാരുടെ യോഗം വിളിച്ച് കേന്ദ്രസർക്കാർ. വാക്സിനേഷൻ വേഗത്തിലാക്കുന്നതിന്റെ ഭാഗമായാണ് കേന്ദ്ര ആരോഗ്യമന്ത്രി മൻസൂഖ് മാണ്ഡവ്യ ബുധനാഴ്ച സംസ്ഥാന ആരോഗ്യമന്ത്രിമാരുടെ യോഗം വിളിച്ചത്.

കഴിഞ്ഞദിവസമാണ് കോവിഡ് വാക്സിനേഷൻ രംഗത്ത് നൂറ് കോടി എന്ന ചരിത്ര നേട്ടം ഇന്ത്യ കൈവരിച്ചത്. ഇതിന് പിന്നാലെയാണ് വാക്സിനേഷൻ കൂടുതൽ വേഗത്തിലാക്കാൻ കേന്ദ്ര ആരോഗ്യമന്ത്രി യോഗം വിളിച്ചത്. നിലവിൽ വാക്സിൻ ആവശ്യത്തിന് ഉണ്ടായിട്ടും രണ്ടാമത്തെ ഡോസ് എടുക്കാൻ അർഹതയുള്ള കോടിക്കണക്കിന് ആളുകൾ ഇതിന് തയ്യാറാവാത്തതിൽ കേന്ദ്രത്തിന് ഉത്കണ്ഠ ഉണ്ട്. ഏകദേശം ഇത്തരത്തിൽ 11 കോടി ആളുകൾ രണ്ടാമത്തെ ഡോസ് വാക്സിൻ എടുക്കാൻ ഉണ്ടെന്നാണ് കേന്ദ്രസർക്കാരിന്റെ കണക്കുകൂട്ടൽ. ഇവരെ കൊണ്ട് എത്രയും വേഗം വാക്സിൻ എടുപ്പിക്കുന്നതിന്റെ ഭാഗമായാണ് യോഗം.

വാക്സിനേഷൻ ഒരു ദൗത്യമായി കണ്ട് എല്ലാവരെയും കൊണ്ട് കുത്തിവെയ്പ് എടുപ്പിക്കാൻ സംസ്ഥാനങ്ങളെ കൂടുതൽ പ്രോത്സാഹിപ്പിക്കുന്നതിന്റെ ഭാഗമായാണ് യോഗം വിളിച്ചത്. എല്ലാവർക്കും വാക്സിൻ എന്ന പ്രധാനമന്ത്രിയുടെ ലക്ഷ്യം നിറവേറ്റാൻ വാക്സിനേഷൻ ഡ്രൈവ് സംഘടിപ്പിക്കാൻ സംസ്ഥാനങ്ങൾക്ക് കേന്ദ്രം നിർദ്ദേശം നൽകും.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP