Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

ഖത്തറിലെ മുതിർന്ന മാധ്യമ പ്രവർത്തകൻ പി.എ മുബാറക് അന്തരിച്ചു

ഖത്തറിലെ മുതിർന്ന മാധ്യമ പ്രവർത്തകൻ പി.എ മുബാറക് അന്തരിച്ചു

ന്യൂസ് ഡെസ്‌ക്‌

ദോഹ: ഖത്തറിലെ മുതിർന്ന മാധ്യമ പ്രവർത്തകനും കെ.എം.സി.സി മുൻ സംസ്ഥാന ജനറൽ സെക്രട്ടറിയുമായിരുന്ന പി.എ മുബാറക് (66) അന്തരിച്ചു. അസുഖ ബാധിതനായതിനെ തുടർന്ന് കഴിഞ്ഞ രണ്ട് മാസത്തിലധികമായി ഖത്തറിലെ ഹമദ് ജനറൽ ആശുപത്രിയിൽ ചികിത്സയിലായിരുന്നു.

നാല് പതിറ്റാണ്ടിലേറെ ഖത്തറിൽ ജോലി ചെയ്തിരുന്ന അദ്ദേഹം സാമൂഹിക സാംസ്‌കാരിക രംഗങ്ങളിലെ സജീവ സാന്നിദ്ധ്യമായിരുന്നു. വാണിജ്യ മന്ത്രാലയത്തിൽ ഉദ്യോഗസ്ഥനായിരുന്ന അദ്ദേഹം പിന്നീട് ബിസിനസ് കൺസൾട്ടന്റായും ചന്ദ്രിക ദിനപ്പത്രത്തിന്റെ ഖത്തറിലെ ആദ്യകാല ലേഖകനായും പ്രവർത്തിച്ചു.

എറണാകുളം ജില്ലയിലെ മുസ്‌ലിം ലീഗ് ഭാരവാഹിയായിരുന്ന പരേതനായ പി.എ അബ്ദുൽ റഹ്‌മാൻ കുട്ടിയുടെയും പരേതയായ എ.ജെ ഫാത്തിമയുടെയും മകനാണ്. ഭാര്യ നാജിയ മുബാറക് കോവിഡ് ബാധിച്ച് ചികിത്സയിലിരിക്കെ കഴിഞ്ഞ ഏപ്രിലിൽ മരണപ്പെട്ടിരുന്നു.

മക്കൾ - നാദിയ (ദുബൈ), ഫാത്തിമ (ഖത്തർ). മരുമക്കൾ - മുഹമ്മദ് ഷമീൻ (ദുബൈ), മുഹമ്മദ് പർവീസ് (ഖത്തർ). നിര്യാണത്തിൽ ഖത്തർ ഇന്ത്യൻ മീഡിയാ ഫോറം അനുശോചിച്ചു.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP