ചിക്കൻ ഫ്രൈ പാകം ചെയ്ത് നൽകിയില്ല; യുവാവ് മരവടികൊണ്ട് അടിച്ചു കൊലപ്പെടുത്തി...

ചിക്കൻ ഫ്രൈ പാകം ചെയ്ത് നൽകിയില്ല; യുവാവ് മരവടികൊണ്ട് അടിച്ചു കൊലപ്പെടുത്തി

August 25, 202103:06 PM IST Permalink

മറുനാടൻ മലയാളി ബ്യൂറോ

ബെംഗളൂരു: ചിക്കൻഫ്രൈ പാചകം ചെയ്ത് നൽകാത്തതിൽ പ്രകോപിതനായ യുവാവ് ഭാര്യയെ അടിച്ച് കൊലപ്പെടുത്തി. ബെംഗളൂരുവിലാണ് നടുക്കുന്ന സംഭവം. ഷിറിൻ ബാനു എന്ന യുവതിയാണ് കൊല്ലപ്പെട്ടത്. സംഭവത്തിൽ മുബാറക് പാഷ എന്ന 30കാരനാണ് അറസ്റ്റിലായത്. ഓഗസ്റ്റ് 18നാണ് സംഭവം.

മുബാറക് പാഷ ഭാര്യയോട് ചിക്കൻ ഫ്രൈ ഉണ്ടാക്കാൻ ആവശ്യപ്പെട്ട് പുറത്തുപോയി. എന്നാൽ തിരിച്ചെത്തിയപ്പോൾ ഭാര്യ ചിക്കൻഫ്രൈ ഉണ്ടാക്കിയിരുന്നില്ല. ഇതിനെ ചൊല്ലി ഇരുവരും വഴക്കായി. കൈയിൽ കിട്ടിയ മരവടി ഉപയോഗിച്ച് ഇയാൾ ഭാര്യയെ അടിച്ച് കൊലപ്പെടുത്തി.

ഈ സമയം കുട്ടികൾ ഉറങ്ങുകയായിരുന്നു. മകളെ കാണാതായതോടെ ഷിറിൻ ബാനുവിന്റെ മാതാപിതാക്കൾ പൊലീസിൽ പരാതി നൽകി. തുടർന്നാണ് ഭർത്താവിനെ കസ്റ്റഡിയിലെടുത്തത്. പൊലീസ് ചോദ്യം കുറ്റം നിഷേധിച്ചു. എന്നാൽ, തിങ്കളാഴ്ച സൊലദേവനഹള്ളി പൊലീസ് സ്റ്റേഷനിൽ ഹാജരായി കുറ്റം സമ്മതിച്ച് കീഴടങ്ങി.

മൃതദേഹം ചാക്കിൽ കെട്ടി ചിക്കനബര തടാകത്തിൽ ഉപേക്ഷിച്ചെന്നാണ് ഇയാൾ പറഞ്ഞത്. പൊലീസ് മൃതദേഹം തെരഞ്ഞെങ്കിലും കിട്ടിയില്ല. കിടക്ക നിർമ്മാണ തൊഴിലാളിയായ മുബാറക് സ്ഥിരമായി മർദ്ദിച്ചിരുന്നെന്നും പൊലീസ് പറഞ്ഞു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate: