Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

'യോഗാ ഗുരുവാണെങ്കിലും രാംദേവ് യോഗിയല്ല; യോഗിയാകണമെങ്കിൽ ഇന്ദ്രിയ നിയന്ത്രണമുണ്ടാകണം; കോക്കകോളയും പെപ്‌സിയും പോലെ രാംദേവ് വന്നപ്പോൾ യോഗ വീട്ടുപടിക്കലെത്തി';വിമർശനവുമായി ബിഹാർ ബിജെപി അധ്യക്ഷൻ

'യോഗാ ഗുരുവാണെങ്കിലും രാംദേവ് യോഗിയല്ല; യോഗിയാകണമെങ്കിൽ ഇന്ദ്രിയ നിയന്ത്രണമുണ്ടാകണം; കോക്കകോളയും പെപ്‌സിയും പോലെ രാംദേവ് വന്നപ്പോൾ യോഗ വീട്ടുപടിക്കലെത്തി';വിമർശനവുമായി ബിഹാർ ബിജെപി അധ്യക്ഷൻ

ന്യൂസ് ഡെസ്‌ക്‌

പട്‌ന: അലോപ്പതി മരുന്നുകൾക്കെതിരെ രാംദേവ് നടത്തുന്ന വിമർശനങ്ങൾ വിവാദമായ പശ്ചാത്തലത്തിൽ രാംദേവുമായി വാഗ്വാദത്തിനുനിന്ന് ഊർജം പാഴാക്കരുതെന്ന് ഇന്ത്യൻ മെഡിക്കൽ അസോസിയേഷൻ ഭാരവാഹികളെ ഉപദേശിച്ച് ബിജെപി ബിഹാർ സംസ്ഥാന അധ്യക്ഷൻ ഡോ. സഞ്ജയ് ജയ്‌സ്വാൾ.

യോഗാഗുരു ബാബാ രാംദേവിനെ കോക്കകോളയുമായി ഉപമിച്ച ഡോ. സഞ്ജയ് ജയ്‌സ്വാളിന്റെ ട്വീറ്റ് വിവാദമായി. അലോപ്പതി മരുന്നുകൾക്കെതിരെ രാംദേവ് നടത്തുന്ന വിമർശനങ്ങളാണ് ഡോ. സഞ്ജയ് ജയ്‌സ്വാളിനെ പ്രകോപിപ്പിച്ചത്.

യോഗാ ഗുരുവാണെങ്കിലും രാംദേവ് യോഗിയല്ല. യോഗയെ കുറിച്ചു രാംദേവിനു നല്ല ജ്ഞാനമുണ്ട്. പക്ഷേ, യോഗിയാകണമെങ്കിൽ ഇന്ദ്രിയ നിയന്ത്രണമുണ്ടാകണം ജയ്‌സ്വാൾ പറഞ്ഞു.

പാനീയങ്ങളിൽ കോക്കകോളയും പെപ്‌സിയും പോലെയാണു രാംദേവ്. ഇന്ത്യക്കാർ കാലങ്ങളായി രുചിച്ചിരുന്ന ശീതളപാനീയങ്ങൾ ഉണ്ടായിരുന്നെങ്കിലും കോക്കകോള വന്നതോടെ വീടുകളിൽ കോള കുപ്പികൾ സ്റ്റോക്ക് ചെയ്യാൻ തുടങ്ങി. യോഗ കാലങ്ങളായുണ്ടെങ്കിലും രാംദേവ് രംഗപ്രവേശം ചെയ്തതോടെ യോഗ വീട്ടുപടിക്കലെത്തിയെന്ന് അദ്ദേഹം വിശദീകരിച്ചു.

കോവിഡിനെ നേരിടുന്നതിൽ അലോപ്പതി മരുന്നുകൾ വൻപരാജയമാണെന്ന രാംദേവിന്റെ പരാമർശത്തെ തുടർന്നാണ് ഐഎംഎയും രാംദേവുമായി വാക്‌പോരു തുടങ്ങിയത്. ഐഎംഎ ഉത്തരാഖണ്ഡ് ഘടകം രാംദേവിനെതിരെ നിയമ നടപടിയും തുടങ്ങി.

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP