Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202420Saturday
ഹോം സൈടെൿ സൈബർ ഇടം

ഭാര്യ മുഖം മറച്ചാലും വിവാദം, നഖം മിനുക്കിയാലും വിവാദം; സമൂഹമാധ്യമത്തിൽ പങ്കുവെച്ച ഭാര്യ സഫയുടെ ചിത്രത്തിന് പിന്നാലെ പുലിവാല് പിടിച്ച് ഇർഫാൻ പഠാൻ

May 27, 202108:03 AM IST Permalink
ഭാര്യ മുഖം മറച്ചാലും വിവാദം, നഖം മിനുക്കിയാലും വിവാദം; സമൂഹമാധ്യമത്തിൽ പങ്കുവെച്ച ഭാര്യ സഫയുടെ ചിത്രത്തിന് പിന്നാലെ പുലിവാല് പിടിച്ച് ഇർഫാൻ പഠാൻ

സ്വന്തം ലേഖകൻ

മുംബൈ: സമൂഹമാധ്യമത്തിൽ ഭാര്യ സഫയുടെ ചിത്രം എപ്പോൾ പങ്കുവച്ചാലും പുലിവാല് പിടിക്കുന്ന ഇന്ത്യൻ ക്രിക്കറ്റ് താരമാണ് ഇർഫാൻ പഠാൻ. മുഖം മറച്ചും നഖം മിനിക്കിയും ഭാര്യ എത്തുന്നതാണ് ഇർഫാനെ കുഴപ്പത്തിലാക്കുന്നത്. സഫയുമായുള്ള ഏറ്റവും പുതിയ ചിത്രത്തിന്റെ പേരിലും ഇർഫാൻ വിമർശനം നേരിടുകയാണ്. മകന്റെ ഇൻസ്റ്റഗ്രാം പേജിൽ പങ്കുവച്ച ചിത്രത്തിലാണ് സഫയുടെ മുഖം മറച്ചത്. സംഭവം വൻതോതിൽ ശ്രദ്ധ നേടിയതോടെ പഠാനെതിരെ വിദ്വേഷ പ്രചാരണവുമായി ഒരു വിഭാഗം ആളുകൾ രംഗത്തിറങ്ങുകയും വിിശദീകരണവുമായി താരം നേരിട്ട് രംഗത്തു വരേണ്ടി വന്നു.

മുഖം മറച്ചത് ഭാര്യയുടെ സ്വന്തം ഇഷ്ടപ്രകാരമാണെന്നും അവളുടെ അധിപനല്ല, പങ്കാളിയാണ് താനെന്നും പഠാൻ ട്വിറ്ററിൽ കുറിച്ചു. ഇന്ത്യയുടെ പഴയ ഓൾറൗണ്ടർ ഭാര്യയുടെ ചിത്രം പോസ്റ്റ് ചെയ്ത് വിവാദത്തിൽ ചാടുന്നത് ഇതാദ്യമല്ല. പോയ വർഷങ്ങളിലെല്ലാം തന്നെ താരം സോഷ്യൽ മീഡിയയുടെ വിമർശനത്തിന് ഇരയായിട്ടുണ്ട്. ഭാര്യ നഖം മിനുക്കിയതിന്റെ പേരിലും വിവാദങ്ങളുണ്ടായി. ഒരു പക്ഷെ ഭാര്യ മുഖം മറച്ചതിനേക്കാൾ നഖം മിനുക്കിയതിനാണ് പഴികേട്ടത്.

2017ലാണ് ഇർഫാൻ പഠാൻ ഭാര്യയ്‌ക്കൊപ്പമുള്ള ചിത്രം പോസ്റ്റ് ചെയ്ത് ആദ്യം വിവാദത്തിൽ ചാടുന്നത്. അന്ന് വാഹനത്തിൽവച്ച് പഠാൻ പകർത്തിയ സെൽഫിയിൽ കൈകൊണ്ട് മുഖം മറച്ചാണ് സഫ പോസ് ചെയ്തത്. മുഖം മറച്ചതിനേക്കാൾ, കൈവിരലുകളിലെ നഖത്തിൽ 'നെയിൽ പോളിഷ്' ഇട്ടതാണ് വിമർശനം ക്ഷണിച്ചുവരുത്തിയത്.

2018ൽ നടൻ പ്രിൻസ് നരൂലയുടെയും യുവികയുടെയും വിവാഹച്ചടങ്ങിൽ ഇർഫാൻ പഠാനൊപ്പം ഭാര്യ സഫ 'ഹിജാബ്' ധരിച്ചെത്തിയതിന് ഒട്ടേറെ ട്രോളുകളുണ്ടായി. അതേ വർഷം, കയ്യിൽ മെഹന്തിയും 'നെയിൽ പോളിഷും' അണിഞ്ഞ സഫയുടെ കൈയുടെ ചിത്രം ഇർഫാൻ പങ്കുവച്ചതും വിവാദമായി.

2019ലും കാര്യമായ വ്യത്യാസങ്ങളൊന്നുമുണ്ടായില്ല. വെക്കേഷൻ കാലത്ത് മഞ്ഞുമൂടിയ പ്രദേശത്തുനിന്ന് ഇർഫാൻ പഠാൻ പങ്കുവച്ച ചിത്രത്തിൽ, ഭാര്യയുടെ മുഖം മറച്ചത് വിവാദമായി.

2020ൽ നാലാം വിവാഹ വാർഷിക ദിനത്തിൽ പഠാൻ പങ്കുവച്ച ചിത്രമാണ് മറ്റൊരു വിവാദത്തിന് തിരികൊളുത്തിയത്. ഇത്തവണയും ഭാര്യയുടെ മുഖം മറച്ചതുതന്നെ പ്രശ്‌നം. നാലാം വിവാഹ വാർഷികമെന്ന് ഇംഗ്ലിഷിൽ എഴുതിയത് ഭാര്യയുടെ മുഖം മറയ്ക്കുന്ന രീതിയിലായത് മനഃപൂർവമാണെന്നായിരുന്നു വിമർശനം.

 

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP