Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Mar / 202429Friday

കോഴിക്കോട് മെഡിക്കൽ കോളേജിന് 13000 ലിറ്റർ ശേഷിയുള്ള ഓക്സിജൻ സംഭരണ ടാങ്ക് സൗജന്യമായി നൽകി പികെ സ്റ്റീൽസ്; ടാങ്ക് പ്രതിഫലമൊന്നുമില്ലാതെ മെഡിക്കൽ കോളേജിലെത്തിച്ച് ഊരാളുങ്കൽ ഗ്രൂപ്പ്; കോവിഡ് പ്രതിരോധത്തിൽ സർക്കാർ-സ്വകാര്യ പങ്കാളിത്തത്തിന് ഒരു കോഴിക്കോടൻ മാതൃക

കോഴിക്കോട് മെഡിക്കൽ കോളേജിന് 13000 ലിറ്റർ ശേഷിയുള്ള ഓക്സിജൻ സംഭരണ ടാങ്ക് സൗജന്യമായി നൽകി പികെ സ്റ്റീൽസ്; ടാങ്ക് പ്രതിഫലമൊന്നുമില്ലാതെ മെഡിക്കൽ കോളേജിലെത്തിച്ച് ഊരാളുങ്കൽ ഗ്രൂപ്പ്; കോവിഡ് പ്രതിരോധത്തിൽ സർക്കാർ-സ്വകാര്യ പങ്കാളിത്തത്തിന് ഒരു കോഴിക്കോടൻ മാതൃക

ജാസിം മൊയ്തീൻ

കോഴിക്കോട്: കോഴിക്കോട് മെഡിക്കൽ കോളേജിലേക്ക് 13000 ലിറ്റർ സംഭരണ ശേഷിയുള്ള ഓക്സിജൻ സംഭരണ ടാങ്ക് സൗജന്യമായി വിട്ടുനൽകിയത് കോവിഡ് പ്രതിരോധത്തിൽ സർക്കാർ-സ്വകാര്യ പങ്കാളിത്തത്തിന്റെ് ഒരു കോഴിക്കോടൻ മാതൃകയായി. കോഴിക്കോട് ആസ്ഥാനമായി പ്രവർത്തിക്കുന്ന പികെ സറ്റീൽസ് ഗ്രൂപ്പാണ് തങ്ങളുടെ കൈവശമുണ്ടായിരുന്ന 13000 ലിറ്റർ ശേഷിയുള്ള ഓക്സിജൻ സംഭരണ ടാങ്ക് കോഴിക്കോട് ജില്ല ഭരണകൂടത്തിന് സൗജന്യമായി നൽകിയത്.

ടാങ്ക് പികെ സ്റ്റീൽസ് ഫ്ക്ടറിയിൽ നിന്നും 20 കിലോമീറ്റർ അകലെയുള്ള കോഴിക്കോട് മെഡിക്കൽ കോളേജിലേക്ക് പ്രതിഫലമൊന്നും വാങ്ങാതെ സുരക്ഷിതമായി എത്തിച്ച് കൊണ്ട് ഊരാളുങ്കൽ ലേബർ കോപ്പറേറ്റീവ് സൊസൈറ്റിയും കരുതലിന് കരുത്ത് പകർന്നു. മെഡി.കോളജിൽ പുതുതായി സജ്ജീകരിച്ച പി എം എസ് എസ് വൈ ബ്ലോക്കിൽ ഓരോ കിലോ ലിറ്ററിന്റെ രണ്ടു സംഭരണ ടാങ്കുകളാണുണ്ടായിരുന്നത്.

ജില്ലയിൽ കോവിഡ് കേസുകളുടെ വർധന മൂലം പി എം എസ് എസ് വൈ ബ്ലോക്കിൽ ഓക്സിജൻ ലഭ്യത പര്യാപ്തമാവാത്ത സാഹചര്യം ഉണ്ടായേക്കാം എന്ന വിലയിരുത്തലിന്റെ അടിസ്ഥാനത്തിൽ മുൻകരുതൽ എന്ന നിലയിൽ ജില്ലാ ഭരണകൂടം പി കെ സ്റ്റീലസ്സുമായി ബന്ധപ്പെട്ട് അവരുടെ പക്കലുള്ള ഓക്സിജൻ സംഭരണ ടാങ്ക് താത്കാലികമായി ഏറ്റെടുക്കുവാനുള്ള നടപടികളുമായി മുന്നോട്ട് പോവുകയായിരുന്നു. എന്നാൽ സാഹചര്യത്തിന്റെ ഗൗരവം മനസിലാക്കി സാമൂഹ്യ പ്രതിബദ്ധത പ്രവർത്തനങ്ങളിൽ ഉൾപ്പെടുത്തി ഓക്സിജൻ സംഭരണ ടാങ്ക് ജില്ലാ ഭരണകൂടത്തിന് സംഭാവനയായി കൈമാറാൻ പി കെ സ്റ്റീൽസ് സന്നദ്ധമായി.

13,000 ലിറ്റർ ശേഷയുള്ള ഓക്സിജൻ സംഭരണ ടാങ്ക് മാറ്റി സ്ഥാപിക്കുന്നതിനുള്ള സാങ്കേതിക സഹായത്തിനായി ഉരാളുങ്കൽ ലേബർ സൊസൈറ്റി ചെയർമാനുമായി കലക്ടർ സാംബശിവറാവു ബന്ധപെട്ടു. ഒട്ടും കാലതാമസം വരുത്താതെ പ്രതിഫലമില്ലാതെ സംഭരണ ടാങ്ക് മാറ്റിസ്ഥാപിക്കാനുള്ള പ്രവർത്തനങ്ങൾ ഊരാളുങ്കൽ ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റി ഏറ്റെടുത്തു. പി കെ സ്റ്റീൽ കോംപ്ലക്സ്‌കിൽ നിന്ന് 20 കിലോമീറ്ററോളം അകലെയുള്ള മെഡിക്കൽ കോളേജിലേക്ക് 13,000 ലിറ്റർ ശേഷിയുള്ള സംഭരണ ടാങ്ക് കൃത്യതയോടെയും കോവിഡ് മാനദണ്ഡങ്ങൾ പാലിച്ച് ഹെവി മെഷീനറിയുടെ സഹായത്തോടെ ഊരാളുങ്കൽ ലേബർ കോൺട്രാക്ട് കോ-ഓപ്പറേറ്റീവ് സൊസൈറ്റിയുടെ സാങ്കേതിക തൊഴിലാളികൾ പ്രഫഷണലായി ഏറ്റവും ചുരുങ്ങിയ സമയം കൊണ്ട് മാറ്റിസ്ഥാപിക്കുകയും ചെയ്തു.

 

Stories you may Like

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

Go to TOP