Forex Rate:

1 usd = 76.25 inr 1 gbp = 94.16 inr 1 eur = 85.23 inr 1 aed = 20.76 inr 1 sar = 20.32 inr 1 kwd = 247.66 inr
Apr / 202425Thursday
ഹോം രാഷ്ട്രീയം തെരഞ്ഞെടുപ്പുകള്‍

കേരളത്തിൽ ഇടതുമുന്നണിക്ക് ഭരണത്തുടർച്ച; 82 സീറ്റ് വരെ നേടാൻ സാധ്യത; യുഡിഎഫ് ഭൂരിപക്ഷം നേടില്ലെന്നും 56 സീറ്റ് വരെ നേടിയേക്കുമെന്നും പ്രവചനം; ബിജെപിയുടെ പ്രകടനത്തിലും കാര്യമായ പുരോഗതിയില്ല; കിട്ടുക ഒരുസീറ്റ് മാത്രം; ജനപ്രീതിയുള്ള നേതാവ് പിണറായി വിജയൻ തന്നെ; 42.3 ശതമാനം പേരും പിണറായി ഭരണത്തിൽ തൃപ്തർ; ടൈംസ് നൗ -സി വോട്ടർ ഒപ്പീനിയൻ പോൾ ഫലം പുറത്ത്

March 08, 202108:20 PM IST Permalink
കേരളത്തിൽ ഇടതുമുന്നണിക്ക് ഭരണത്തുടർച്ച; 82 സീറ്റ് വരെ നേടാൻ സാധ്യത; യുഡിഎഫ് ഭൂരിപക്ഷം നേടില്ലെന്നും 56 സീറ്റ് വരെ നേടിയേക്കുമെന്നും പ്രവചനം; ബിജെപിയുടെ പ്രകടനത്തിലും കാര്യമായ പുരോഗതിയില്ല; കിട്ടുക ഒരുസീറ്റ് മാത്രം; ജനപ്രീതിയുള്ള നേതാവ് പിണറായി വിജയൻ തന്നെ; 42.3 ശതമാനം പേരും പിണറായി ഭരണത്തിൽ തൃപ്തർ; ടൈംസ് നൗ -സി വോട്ടർ ഒപ്പീനിയൻ പോൾ ഫലം പുറത്ത്

മറുനാടൻ ഡെസ്‌ക്‌

ന്യൂഡൽഹി: ടൈംസ് നൗ -സി വോട്ടർ ഒപ്പീനിയൻ പോൾ ഫലം പുറത്ത്. കേരളത്തിൽ ഇടതുമുന്നണി ഭരണം നിലനിർത്തുമെന്നാണ് അഭിപ്രായ വോട്ടെടുപ്പിലെ വിലയിരുത്തൽ. ഇടതുമുന്നണി 82 സീറ്റ് വരെ നേടാം. ബിജെപി ഒരുസീറ്റിൽ മാത്രമാണ് വിജയിക്കുക. കോൺഗ്രസ് നേതൃത്വമുള്ള യുഡിഎഫ് ഭൂരിപക്ഷം നേടില്ലെന്നാണ് സർവേ ഫലം. 56 സീറ്റാണ് ടൈംസ് നൗ-സീ വോട്ടർ സർവേ യുഡിഎഫിന് നൽകുന്നത്.

ബിജെപിക്ക് 2016 ലെ പോലെ തന്നെ ഒരു സീറ്റ് കിട്ടും എന്ന് പറയുമ്പോൾ പാർട്ടിക്ക് സംസ്ഥാനത്ത് കാര്യമായ പുരോഗതി ഇല്ലെന്നാണ് സർവേ വിലയിരുത്തൽ.

മുഖ്യമന്ത്രി പിണറായി വിജയൻ തന്നെയാണ് ഏറ്റവും ജനപ്രീതിയുള്ള നേതാവ്. 42.3 ശതമാനം പേരും പിണറായിയുടെ പ്രവർത്തനത്തിൽ തൃപ്തരാണ്. അതേസമയം, കൗതുകകരമായ കാര്യം സംസ്ഥാനത്തെ ഭൂരിപക്ഷം പേരും രാഹുൽ ഗാന്ധിയെ പ്രധാനമന്ത്രി സ്ഥാനത്തേക്കുള്ള യോഗ്യനായ സ്ഥാനാർത്ഥിയായി കരുതുന്നു എന്നതാണ്. 55.8 ശതമാനം പേരും രാഹുലിനെ പ്രധാനമന്ത്രി സ്ഥാനത്തേക്ക് നിർദ്ദേശിച്ചപ്പോൾ 31.9 ശതമാനം പേർ മാത്രമേ നരേന്ദ്ര മോദിയെ ഉന്നത പദവിയിലേക്ക് നിർദ്ദേശിച്ചുള്ളു.

എൽഡിഎഫ് 78 മുതൽ 86 സീറ്റ് വരെ നേടിയേക്കുമെന്നാണ് സർവേയിൽ പറയുന്നത്. യുഡിഎഫ് 52 മുതൽ 60 വരെയും. ബിജെപി-0-2. ഇചതുമുന്നണിയുടെ വോട്ട് വിഹിതം 0.6 ശതമാനം കുറയും. 2016 ലെ 43.5 ശതമാനത്തിൽ നിന്ന് 42.9 ശതമാനമായി കുറയും, യുഡിഎഫിന്റെ വോട്ട് വിഹിതം 38.8 ശതമാനത്തിൽ നിന്ന് 37.6 ശതമാനമായി കുറയും. 36.36 ശതമാനം പേർ സർക്കാരിന്റെ പ്രകടനത്തിൽ വളരെ തൃപ്തരാണ്. 39.66 ശതമാനം പേർ തൃപ്തരും.

ഏപ്രിൽ ആറിനാണ് കേരളത്തിൽ വോട്ടെടുപ്പ്. മെയ് രണ്ടിന് വോട്ടെണ്ണുമ്പോൾ അറിയാം വിവിധ സർവേ ഫലങ്ങളുടെ ആധികാരികത.

കേരളത്തിൽ ഇടതുപക്ഷത്തിന് ഭരണത്തുടർച്ചയെന്ന് എബിപി-സീ വോട്ടർ അഭിപ്രായ സർവേയിലും പ്രവചിച്ചിരുന്നു. എഡിഎഫിന് 83 - 91 സീറ്റ് വരെ ലഭിക്കുമെന്നായിരുന്നു പ്രവചനം. യുഡിഎഫ് 47 മുതൽ 55 സീറ്റ് വരെ നേടുമെന്നും പ്രവചിക്കുന്ന അഭിപ്രായ സർവെ പക്ഷേ ബിജെപിക്ക് നേടാനാകുക പരമാവധി രണ്ട് സീറ്റുകളാണെന്നും പറഞ്ഞിരുന്നു. മറ്റുള്ളവർക്കും രണ്ടു സീറ്റുകളാണ് അഭിപ്രായ സർവെയിൽ പറയുന്നത്.

സിപിഎം നേതൃത്വം നൽകുന്ന ഇടതുമുന്നണിക്ക് 40 ശതമാനം വോട്ടും കോൺഗ്രസ് നേതൃത്വം നൽകുന്ന യുഡിഎഫിന് 33 ശതമാനം വോട്ടുമാണ് സർവെ പ്രവചിച്ചത്. ബിജെപിക്ക് 13 ശതമാനം വോട്ട് ലഭിക്കുമെന്നും സർവെ പറയുന്നു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

More News in this category+

MNM Recommends +

  • TODAY
  • LAST WEEK
  • LAST MONTH

www.marunadanmalayalee.com © Copyright 2024. All rights reserved.

Go to TOP