രാമക്ഷേത്ര നിർമ്മാണത്തിനായി 80,000 രൂപ പിരിച്ചു നൽകിയിട്ടും ആവശ്യപ്പെട്ടത് ആയിരം രൂപ ...

രാമക്ഷേത്ര നിർമ്മാണത്തിനായി 80,000 രൂപ പിരിച്ചു നൽകിയിട്ടും ആവശ്യപ്പെട്ടത് ആയിരം രൂപ കൂടി; നൽകാനാകില്ലെന്ന് പറഞ്ഞതോടെ ജോലിയിൽ നിന്നും പിരിച്ചുവിട്ടു; ആർഎസ്എസിനെതിരെ പരാതിയുമായി അദ്ധ്യാപകൻ

March 08, 202105:26 PM IST Permalink

മറുനാടൻ മലയാളി ബ്യൂറോ

ലഖ്നൗ: അയോധ്യയിലെ രാമക്ഷേത്ര നിർമ്മാണത്തിനായി ആയിരം രൂപ സംഭാവന നൽകാൻ വിസമ്മതിച്ചതിനെത്തുടർന്ന് സ്‌കൂളിൽ നിന്ന് അദ്ധ്യാപകനെ പിരിച്ചുവിട്ടു. ഉത്തർപ്രദേശിലെ ജഗദീഷ്പൂർ ആണ് സംഭവം. ആർ‌എസ്‌എസ് നടത്തുന്ന സരസ്വതി ശിശു മന്ദിറിലെ അദ്ധ്യാപകനായ യശ്വന്ത് പ്രതാപ് സിംഗാണ് പരാതിയുമായി രംഗത്തെത്തിയത്. തന്റെ എട്ട് മാസത്തെ ശമ്പളം സ്‌കൂൾ തടഞ്ഞുവെന്നും ഇദ്ദേഹം പറയുന്നു.

ആയിരം രൂപ സംഭാവന നൽകാത്തതിനാലാണ് തന്നെ പുറത്താക്കിയത് എന്ന് അദ്ദേഹം പറഞ്ഞു. തന്റെ എട്ടുമാസത്തെ ശമ്പളം സ്‌കൂൾ അധികൃതർ പിടിച്ചുവച്ചിരിക്കുകയാണ് എന്നും അദ്ദേഹം ആരോപിച്ചു. രാമക്ഷേത്ര നിർമ്മാണത്തിന് വേണ്ടി താൻ 80,000 രൂപ പിരിച്ചു നൽകിയിരുന്നതായും സിങ് പറയുന്നു.

ഫണ്ട് പിരിവിനായി സ്‌കൂളിൽ എത്തിയ ആർഎസ്എസ് ജില്ലാ പ്രചാരക് ആയിരം രൂപ നൽകണമെന്ന് ആവശ്യപ്പെട്ടു. നൽകാനാവില്ലെന്ന് പറഞ്ഞപ്പോൾ, സ്‌കൂൾ അധികൃതർ മോശമായി പെരുമാറുകയും പിരിച്ചു വിടുകയും ചെയ്തു എന്ന് സിങ് പറയുന്നു. വിഷയത്തിൽ ജില്ലാ കലക്ടർക്ക് പരാതി നൽകിയിട്ടുണ്ടെന്നും നീതി ലഭിച്ചില്ലെങ്കിൽ കോടതിയെ സമീപിക്കുമെന്നും അദ്ദേഹം കൂട്ടിച്ചേർത്തു.

എല്ലാ ജീവനക്കാർക്കും ഫണ്ട് ശേഖരണത്തിനായി റസീപ്റ്റ് ബുക്കുകൾ നൽകിയിരുന്നുവെന്നും ആദ്യം പണം തരാമെന്ന് സമ്മതിച്ച സിങ് പിന്നീട് വാക്ക് മാറുകയായിരുന്നുവെന്നും സ്‌കൂൾ പ്രിൻസിപ്പൽ ധീരേന്ദ്ര പറഞ്ഞു. ഫണ്ട് പിരിവിന് ആരേയും നിർബന്ധിച്ചിട്ടില്ലെന്നും സിങ് അദ്ധ്യാപനത്തിൽ താത്പര്യം കാണിച്ചിരുന്നില്ലെന്നും ആർഎസ്എസ് ജില്ലാ പ്രചാരക് സത്യേന്ദ്ര പറഞ്ഞു.

Stories you may Like

Readers Comments+

മലയാളത്തിൽ ടൈപ്പ്‌ ചെയ്യാൻ ഇവിടെ ക്ലിക്ക്‍ ചെയ്യുക

കമന്റ് ബോക്‌സില്‍ വരുന്ന അഭിപ്രായങ്ങള്‍ മറുനാടന്‍ മലയാളിയുടേത് അല്ല. മാന്യമായ ഭാഷയില്‍ വിയോജിക്കാനും തെറ്റുകള്‍ ചൂണ്ടി കാട്ടാനും അനുവദിക്കുമ്പോഴും മറുനാടനെ മനഃപൂര്‍വ്വം അധിക്ഷേപിക്കാന്‍ ശ്രമിക്കുന്നവരെയും അശ്ലീലം ഉപയോഗിക്കുന്നവരെയും മറ്റു മലയാളം ഓണ്‍ലൈന്‍ ലിങ്കുകള്‍ പോസ്റ്റ് ചെയ്യുന്നവരെയും മതവൈരം തീര്‍ക്കുന്നവരെയും മുന്നറിയിപ്പ് ഇല്ലാതെ ബ്ലോക്ക് ചെയ്യുന്നതാണ് - എഡിറ്റര്‍

Forex Rate:

മറുനാടൻ മലയാളി ബ്യൂറോ

Stories you may Like

Readers Comments+

More News in this category+

MNM Recommends +

വ്യാജ പ്രചാരണത്തിലൂടെ വ്യക്തിഹത്യ നടത്തിയെന്ന് ആരോപണം; കെ.സുധാകരൻ കൈരളി ചാനലിനെതിരെ പരാതി നൽകി

പിതാവ് ഓപ്പൺ വോട്ട് ചെയ്യുന്നതിന്റെ ദൃശ്യങ്ങൾ മൊബൈൽ ഫോണിൽ പകർത്തി; മകനെതിരെ കേസ്; ഫോൺ പിടിച്ചെടുത്തു